कोकण लाईव्ह ब्रेकिंग न्यूज चॅनल च्या लढ्याला यश; सिंधुदुर्गातील दारू तस्करांचे तडीपार चे प्रस्ताव तयार

▪️उत्पादन शुल्क आयुक्त कांतीलाल उमाप, व सिंधुदुर्ग पोलीस अधीक्षक राजेंद्र दाभाडे यांचे विशेष आभार..

▪️लढ्यात खंबीरपणे साथ देऊन पाठीवर कौतुकाची थाप मारली ती दैनिक सनातन प्रभात ने..

🖥️ Kokan Live Breaking News

✍🏻 संपादकीय : सीताराम गावडे

🎴सावंतवाडी,दि.०३: गेले दोन महिने कोकण लाईव्ह ब्रेकिंग न्यूज चॅनल ने अवैध धंद्याविरोधात टीकेची झोड उठवून राज्य उत्पादन शुल्काच्या सिंधुदुर्गातील अधिकाऱ्यांना सळो कि पळो करून सोडले, अवैध धंदे वाल्यांकडून वारेमाप हप्ते घेऊन जणू त्यांना गोव्यातून दारू आणण्याचा परवानाच  बहाल केला अशा पद्धतीने राज्य उत्पादन शुल्क चे सिंधुदुर्गातील अधिकारी वागत असल्याने सिंधुदुर्ग जिल्ह्यात गोव्यातील दारूचा महापूर आला होता. व हीच दारू महाराष्ट्र राज्याच्या इतरत्र जिल्ह्यात मोठ्या प्रमाणात वाहतूक होत असल्याने शासनाचा करोडो रुपयांचा महसूल बुडत होता, याबाबत कोकण लाईव्ह ब्रेकिंग न्यूज चॅनेल ने वस्तुस्थितीदर्शक लिखाण करून झोपेचे सोंग घेतलेल्या अधिकाऱ्यांना जागे केले, खरे कौतुक करावे लागेल ते राज्य उत्पादन शुल्क आयुक्त कांतीलाल उमाप यांचे आम्ही कोकण लाईव्ह ब्रेकिंग न्यूज चॅनल मार्फत अवैध धंद्य्याविरोधात आघाडी उघडल्यावर खुद्द राज्याचे आयुक्त कांतीलाल उमाप यांनी माझ्याशी  भ्रमणध्वनीवरून संपर्क साधून माहिती करून घेतली, व विविध जिल्ह्यातील बारा पथके सिंधुदुर्ग जिल्ह्यात दाखल झाली, कधी नव्हे ते दारू प्रकरणात आरोपीला पोलीस कोठडीत जावे लागले, जिकडे-तिकडे नाकाबंदी केली गेली. चार महिन्यात सुमारे दहा कोटीचा मुद्देमाल पकडला गेला.

बारीक-सारीक दारू तस्कर बिळात तोंड घालून लपून बसले, हप्ते घेणाऱ्या अधिकाऱ्यांवर गाड्या घालण्याचे प्रकार झाले, आमच्याकडून हप्ते घेतात आणि आम्हाला पकडतात या रागाने घडलेल्या त्या घटना मात्र अधिकाऱ्यांना पर्याय नव्हता, कारण त्यांचे कोकण लाईव्ह ब्रेकिंग न्यूज चॅनल ने  अशाप्रकारे पोल-खोल केले होते की, त्यांना तोंड दाखवायलाही जागा उरली नव्हती. हप्ते नको पण कोकण लाईव्ह ब्रेकिंग न्यूज चॅनेल च्या संपादकांना आवरा असे म्हणण्याची वेळ त्यांच्यावर आली.

एकाच गुन्ह्यात पुन्हा-पुन्हा सापडलेल्या दारू तस्करांविरुद्ध तडीपारीची कारवाई करावी अशी मागणी कोकण लाईव्ह ब्रेकिंग न्यूज चॅनल ने केली होती. त्या मागणीलाही यश येऊन सिंधुदुर्गातील अनेकांचे तडीपार चे प्रस्ताव तयार झाले आहेत.

काही दारू तस्कर आम्हाला ऑफर देण्यासाठी आमच्या कार्यालयात दाखल झाले. मात्र, त्यांच्यावर आम्ही अशा रितीने गुगली टाकली कि, उभ्या जन्मात ते पुन्हा आमच्या कार्यालयाची पायरी चढणार नाहीत. या आमच्या लढ्यात खऱ्या अर्थाने आम्हाला साथ व कौतुकाची थाप पाठीवर  मारली ती दैनिक सनातन प्रभात या वृत्तपत्राने वारंवार आमच्या अग्रलेखाचे कौतुक करून अग्रलेख आपल्या वृत्तपत्रात छापून आमचा सन्मान करण्याचे जे काम दैनिक सनातन प्रभात ने केले आहे, ते आम्ही कधीही विसरू शकत नाही, त्याचबरोबर राज्य उत्पादन शुल्क आयुक्त कांतीलाल उमाप व सिंधुदुर्ग जिल्हा पोलीस अधीक्षक राजेंद्र दाभाडे यांनीही आमच्या या लढायला साथ देऊन दारू तस्करांच्या मुसक्या आवळण्यात मदत केली. त्या सर्वांचे कोकण लाईव्ह ब्रेकिंग न्यूज चॅनल च्या वतीने मी मनापासून आभार मानतो.

गोव्यातून सिंधुदुर्गात येणारी अवैध दारू कायमस्वरूपी बंद होईपर्यंत आमचा हा लढा असाच सुरू राहणार आहे. म्हातारी मेल्याचे दुःख नाही, पण काळ सोकावतोय, सतरा अठरा वर्षातील कॉलेजची मुलं झटपट श्रीमंत होण्याच्या नादात या धंद्याकडे वळू लागली आहेत, त्यातून खून बलात्कार अल्पवयीन मुलीला पळवून नेणे असे प्रकार घडून कुटुंबाच्या कुटुंबे उद्ध्वस्त होण्याचे प्रकार घडले आहेत व त्यातूनच आमचा हा लढा उभा राहिला आहे, अनेक जणांनी संपादक सिताराम गावडे आम्हाला डोकेदुखी आहे, त्याचा बंदोबस्त करायला पाहिजे, प्रसंगी आम्ही त्याच्या पोटावरून गाडी घालू अशा प्रकारची धमकीची भाषा   वापरण्याचा प्रयत्न केला. मात्र, ज्यांच्या मार्फत हा मला निरोप आला, त्यांना मी एकच निरोप पाठवला की, या साधू संतांच्या पदस्पर्शाने पावन झालेल्या भूमीत श्री देव पाटेकर, उपरलकर माझी कुलदेवता आई तुळजाभवानी, गाव देवता माऊली रवळनाथ, माझे आई-वडील यांचा आशीर्वाद जोपर्यंत माझ्या मस्तकी आहे, तोपर्यंत माझा बाल सुद्धा कोणी बाका करू शकणार नाही, मरणाला घाबरणारा सीताराम गावडे नाही, शंभर दिवस शेळी होऊन जगण्यापेक्षा एक दिवस वाघ होऊन जगणे सिताराम गावडे कधीही पसंत करतो, त्यामुळे असल्या पोकळ धमक्या, खोटी प्रकरणं करून सीताराम गावडे यांना अडकवण्याचा, धमकावण्याचा, कोणीही केविलवाणा प्रयत्न करू नये, तूर्तास एवढेच: शहाण्याला शब्दाचा मार….

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

*🔥💥 कोकण लाईव्ह ब्रेकिंग 💥🔥*

*🌐 जाहिराती व बातम्यांसाठी आजच भेट द्या….⬇️*
*♦संपादक : सीताराम गावडे*
*📱संपर्क : +919423304856*
*♦कार्यकारी संपादक : आनंद धोंड*
*📱संपर्क : +919423958828*
*♦ब्युरो चीफ : विशाल पित्रे*
*📱संपर्क : +919405475712*
*♦न्यूज एडिटर : गुरुनाथ राऊळ*
*📱संपर्क : +919422686976*

*🎴कोकण लाईव्ह व्हॉट्सॲप ग्रुप👇🏻*
https://chat.whatsapp.com/FV623wefvSF6vDqUQp8G22

*🖥️ कोकण लाईव्ह ब्रेकिंग*
_अचूक बातमी थेट हल्ला_