🛑 माजी सभापती नीलेश सामंत कोरोना मुक्त ; डॉक्टर, हितचिंतकांचे मानले आभार..

_*🛑 माजी सभापती नीलेश सामंत कोरना मुक्त ; डॉक्टर, हितचिंतकांचे मानले आभार..*_

_*🛑 कोरोना बद्दलच्या अफवांवर विश्वास न ठेवता वेळीच उपचार करून घेण्याचे केले आवाहन ; या काळात आलेले अनुभवही सांगितले..*_

_*🛑 विशेष म्हणजे कोरोना पाॅझीटिव असूनही समाजसेवेत पडला नव्हता खंड..*_

*🎥 कोकण लाईव्ह ब्रेकिंग न्यूज*
_अचूक बातमी थेट हल्ला_

*✍️प्रतिनिधी : समीर चव्हाण*

*🎴वेंगुर्ले,दि-०३ :-* दिनांक १२ / ०६ /२१ पासून त्यांना कोरोनाची प्राथमिक लक्षणे दिसून आल्याने त्यांनी स्वतःला क्वारंटाईन करून घेतले. त्यानंतर दिनांक १६/ ०६ /२१ रोजी त्यांचा तपासणी अहवाल कोविड-19 पॉझिटिव्ह आला. त्यांची आई वयवर्षे 85 हिचा पण रिपोर्ट पॉझिटिव्ह आला आणि ते रेडकर हॉस्पिटल मालवण येथे कोविड वार्डात ऍडमिट झालो. काल दिनांक ०१/०७/२१ रोजी तपासणी करून ते दोघेही कोरोना मुक्त झालो. या १५ दिवसाच्या कालावधीत अनेक नेते, मित्र, हितचिंतक, सहकारी,कार्यकर्ते, यांनी त्यांना बरे वाटावे म्हणून शुभेच्छा दिल्या. देवदेवतांना नवस केले त्या सर्वांचा त्यांनी आभार व ऋण व्यक्त केले. कित्येक जणांचे फोन या कालावधीतील उपचाराच्या व्यस्ततेमुळे स्वीकारता आले नाहीत याबद्दल त्यांनी क्षमा मागितली. सर्वांच्या आशिर्वादामुळे जीवनातील या संघर्षात यश मिळाले असेही ते म्हणाले.
या काळातले आलेले अनुभव त्यांनी सांगितले आहेत ते पुढिलप्रमाणे.
कोविड 19 हा वेगळा विषाणू अस्तित्वात आहे याबाबत कोणीही WHO, ICMR आणि कोणतेही सरकार यांच्या निष्कर्षावर संशय घेऊ नये. केवळ आपल्याला काहीतरी वेगळे समजते या मानसिकतेतून वरील संघटनाच्या विरोधात अपप्रचार केला जातोय (कोविड 19 हा मेडिकल स्कॅम आहे वैगरे अपवा पसरवल्या जातात त्यात तथ्य नाही ).
सर्वानी लवकरात लवकर लसीकरण करुन घेणे हा एकमेव प्रतिबंधात्मक उत्तम उपाय आहे.
प्राथमिक लक्षणापासून 3/4 दिवसाच्या आत उपचार सुरु करणे गरजेचे आहे अन्यथा जीवाशी खेळ होऊ शकतो.
सरकारने गावापातळीवर विलगीकरण कक्ष सूरु केलेत यात तालुका /जिल्हा पातळीवरील रुग्णालयात गर्दी कमी करणे हा उद्धेश आहे. शारीरिक दृष्टया तंदुरुस्त पॉझिटिव्ह रुग्णांसाठी फारतर अलग करून ठेवणे यासाठी याचा उपयोग होऊ शकतो या कक्षात तशा वैद्यकीय सुविधा नाहीत ज्यांना बीपी/शुगर किंवा त्याहून गंभीर आजार आहेत त्यानी इथे ऍडमिट होण्याच्या भानगडीत पडू नये सर्व सुविधा असलेल्या सरकारी/खासगी रुग्णालये हीच योग्य पर्याय आहेत सध्याच्या सरकारी रुग्णालयातिल साधन सुविधा बाबत अंदाज घेत राहण्यात वेळ दवडू नका.
प्रत्येकाच्या रोग प्रतिकार क्षमतेनुसार वेगवेगळ्या ठिकाणी उपचार करावेत.
सरकारी अधिकारी,कर्मचारी, डॉक्टर, नर्सेस, आरोग्य कर्मचारी प्रामाणिकपणे काम करत आहेत त्याना सहकार्य करा.
त्याचप्रमाणे डॉ प्रशांत सामंत, डॉ साहिल, डॉ साळगावकर, प्राथमिक आरोग्य केंद्राचे डॉ कोळी, आरोग्य सेवक बनसोडे, परब, परुळे phc चे चंद्रकांत म्हापणकर आणि सर्व आरोग्य कर्मचारी यांचे विशेष आभार सामंत यांनी मानले. त्यांच्या सल्ल्याने आणि सहकार्याने हा विजय सुकर झाला असे त्यांचे म्हणणे आहे.
यानंतर पोस्ट कोविड चे 10/15 दिवसाचे उपचार केल्यानंतर नेहमीच्या सहकार्याला आणि मदतीला हजर आहे असे ते म्हणाले. भाजपा जिल्हा सरचिटणीस निलेश सामंत यांच्या माध्यमातून अनेक सामाजिक उपक्रम सुरु असतात अनेक गरजवंतांना सुद्धा ते सढळ हस्ते मदत करत असतात त्यामुळे त्यांच्या भावी वाटचालीसाठी म्हापण-परुळे पंचक्रोशीतील विविध स्तरातून शुभेच्छा व सदिच्छा व्यक्त होत आहेत.