🛑 शेतकरी चिंताग्रस्त पाऊस गायब..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : सुनील आचरेकर

🎴सिंधुदुर्ग, दि-०३ :- गेल्या आठ-दहा दिवस दिवसांपासून सिंधुदुर्ग जिल्ह्यात पाऊस गायब झाला आहे. पावसाअभावी शेतमळे वाळू लागल्याचे चित्र आहे. जिल्ह्यात सगळीकडे अशी परिस्थिती आहे. काही शेतकऱ्यांनी पाऊस पडेल या आशेवर भाताची रोपे काढून ठेवली आहेत. मात्र यांची लावणी झाली नसल्याने ती उन्हाने सुकून जाऊ लागली आहेत दुसऱ्या बाजूला लावणी केलेल्या मळ्यामध्ये पाण्याअभावी भेगा पडू लागल्या असून लावणी केलेली रोपे वाळून जाण्याची भीती निर्माण झाली आहे .पावसाने दडी मारल्यामुळे भातलावणीची कामांना ब्रेक लागला आहे काही शेतकऱ्यांनी पाणी उपलब्ध करण्याच्या उद्देशाने डिझेल व पेट्रोल पंपाचा वापर करून शेतीची कामे चालू ठेवली आहेत. मात्र यासाठी होणारा खर्च आणि मेहनतीच्या तुलनेमध्ये उत्पन्न कमी येत असल्याने शेतकरी अडचणीत सापडला आहे. गायब झालेला पाऊस जूनच्या शेवटच्या आठवड्यापर्यंत दमदार कोसळत होता. मात्र गेले आठ दिवस पावसाने विश्रांती घेतल्याने आता शेतकऱ्यांवर पावसाची प्रतीक्षा करण्याची वेळ आली आहे. त्यामुळे शेतीच्या लावणीची कामे खोळंबली आहेत अनेक ठिकाणी भातशेती पाण्याअभावी कोरडी पडली आहे तर लावण्यासाठी तयार झालेली भातशेतीची भाताची रोपे मरून जाण्याची भीती व्यक्त होत आहे. दुसरीकडे अलीकडेच लावणी केलेले भाताची रोपे पावसाअभावी पिवळी दिसू लागली आहेत. आणखी चार-पाच दिवस पाऊस न झाल्यास ती वाळून जाण्याचा धोका आहे या परिस्थितीमुळे शेतकरी चिंताग्रस्त बनले आहेत.