वैभववाडीत आमदार नितेश राणे यांचे वर्चस्व 13 पैकी 9 ग्रामपंचायत भाजपकडे तर चार सेनेकडे..

वैभववाडी प्रतिनिधी:
वैभववाडी तालुक्यावर आ. नितेश राणे यांचेच वर्चस्व सिद्ध झाले. ग्रा. पं. निवडणुकीत 13 पैकी 9 ग्रा. पं. वर भाजपचा झेंडा फडकला आहे. तालुक्यातील भुईबावडा, ऐनारी, मांगवली, वेंगसर, एडगाव, कोकिसरे, नाधवडे, आचिर्णे व सांगुळवाडी या ग्रामपंचायतीवर भाजपाने झेंडा फडकवला आहे. तर लोरे, खांबाळे, सोनाळी, कुंभवडे या चार ग्रा. पं. वर सेनेने विजय मिळविला आहे. काँग्रेस व राष्ट्रवादी काँग्रेस पक्षाच्या वाट्याला एकही जागा मिळाली नाही. मनसेने मात्र नाधवडेत एका जागेवर आपले खाते उघडले आहे.