कणकवलीत एकाच दिवशी दोन ठिकाणी आकस्मिक मृत्यूची नोंद

सागर जयसिंग कुबल व  विकास गोपाळ तांबे यांचे निधन

कणकवली शहरात व शहराजवळील वरवडे गावात अशा दोन वेगवेगळ्या ठिकाणी दोन युवकांचे मृतदेह आढळुन आल्याच्या घटना रविवारी घडल्या, दोन्ही युवकांना अतिमद्यपानाचे व्यसन होते‌. वरवडे येथील हनुमान मंदिराजवळ सागर जयसिंग कुबल (वय – 36 ) रा. किर्लोस (हुंबवणेवाडी) याचा मृतदेह रविवारी सकाळी 10.30 च्या सुमारास आढळुन आला. याबद्दलची खबर त्याचे वडील जयसिंग यशवंत कुबल रा. किर्लोस (हुंबवणेवाडी) यांनीं दिली आहे. गेले तीन दिवस सागर कुबल याला वरवडे हनुमान मंदिर परिसरात काहींनी पाहिले असल्याचे फिर्यादीत म्हटले आहे.

तर दुसऱ्या घटनेत विकास गोपाळ तांबे (56) रा. शिवडाव बौंध्दवाडी याचा मृतदेह कणकवली शहरातील बुद्ध विहार परिसरात रविवारी सकाळी 5 च्या सुमारास आढळुन आला. यालाही अतिमद्यपानाचे व्यसन होते. याबाबतची खबर त्याचा भाऊ सिद्धार्थ गोपाळ तांबे रा. नाथ पै नगर कणकवली यांनी पोलिसात तक्रार दिली आहे. पोलिसांनी याप्रकरणी आकस्मिक मृत्यूची नोंद केली आहे.