साईबाबा सोशल क्लब, कासार्डे यांच्या वतीने स्वस्तिक फाउंडेशन संचालित दिविजा वृद्धाश्रम येथे ब्लॅंकेट व धान्याचे तसेच जीवनावश्यक वस्तुंचे वाटप
✍️प्रतिनिधी : रविकांत जाधव
कणकवली, दि.२१: साईबाबा सोशल क्लब, कासार्डे यांच्या वतीने स्वस्तिक फाउंडेशन संचालित दिविजा वृद्धाश्रम येथे ब्लॅंकेट व धान्याचे तसेच जीवनावश्यक वस्तुंचे वाटप करण्यात आले आहे. दिविजा वृद्धाश्रमात ३५ वृद्ध आहेत. त्यांची थंडीत गैरसोय होऊ नये, म्हणुन साईबाबा सोशल क्लबने मदतीचा हात पुढे केला आहे.
यावेळी साईबाबा सोशल क्लबचे कायदे विषयक सल्लागार ऍडव्होकेट उमेश सावंत यांच्या हस्ते सर्व वस्तु वृद्धाश्रमाला देण्यात आल्या. यावेळी साईबाबा सोशल क्लबचे अध्यक्ष मिंगेल मंतेरो, दिविजा वृद्धाश्रमाच्या संचालिका दीपिका रांबाडे, पंचायत समिती सदस्य हर्षदा वाळके, ओझरम गावचे सरपंच प्रदीप राणे, क्लबचे सदस्य नितीन लाड, जयेश धुमाळे, प्रदीप नारकर, संतोष राणे, अभय राणे, संतोष महाडिक उपस्थित होते.
