🟥 तीन वर्षांनंतर वेंगुर्ले – सातार्डा एसटी फेरी पूर्ववत..

_*🎥 Kokan Live Breaking News*_

*✍️ ब्युरो न्यूज : कोकण लाईव्ह ब्रेकिंग*

*🎴सातार्डा, दि-१०:-* वेंगुर्ले एस. टी. आगारातून सुटणारी वेंगुर्ले – सातार्डा वस्तीची एस. टी. फेरी नवनिर्वाचित सरपंच संदीप उर्फ बाळू प्रभू यांच्या प्रयत्नानंतर तीन वर्षांनी पुन्हा पूर्ववतप्रमाणे सुरू करण्यात आली आहे. एस.टी. फेरी सातार्ज्यापर्यंत सुरू केल्याने विद्यार्थी प्रवासी वर्गातून समाधान व्यक्त केले जात आहे. गेल्या तीन वर्षांपासून वेंगुर्ले एस टी आगारातून सायंकाळी चार वाजता सोडण्यात येणाऱ्या वस्तीच्या एस.टी. चालक व वाहक यांच्या निवासाची गैरसोय होत असल्याने सातार्ज्यापर्यंत ही एस.टी. येत नव्हती. वेंगुर्लेहून सुटल्यानंतर सायंकाळी सातार्डा शेवटचा थांबा करून एस. टी. वस्तीसाठी मळेवाड येथे ठेवण्यात येत होती. सकाळी सहा वाजता आरोस तिठा येथून वेंगुर्लेला जात होती. सकाळच्यावेळी एस. टी. सातार्ध्यात येत नसल्याने सातार्डा, सातोसे, कवठणी, किनळे, साटेलीतील विद्यार्थी व प्रवाशांची गैरसोय होत होती. वस्तीची वेंगुर्ले – सातार्डा एस. टी. सुरू करण्यासाठी प्रवाशांनी ग्रामपंचायतीला निवेदन दिले होते. प्रवाशांची होणारी गैरसोय दूर करण्यासाठी वेंगुर्ले आगाराचे प्रभारी आगार व्यवस्थापक शेवाळे यांना निवेदन सादर केले. चालक व वाहक यांची प्राथमिक शाळेत निवासाची सोय केल्यानंतर वस्तीची वेंगुर्ले सातार्डा एस.टी. फेरी – पूर्ववतपणे सुरू करण्यात आली आहे. सरपंच प्रभू यांच्या तत्पर कार्यामुळे विद्यार्थी, प्रवासी वर्गातून समाधान व्यक्त केले जात आहे.