🛑 परमे ग्रामस्थांनी अडवलेले खडी क्रेशर चे डंपर अखेर पोलीसांच्या मध्यस्ती नंतर सुरु..

🛑 परमे येथील क्रेशरींचा गॉड फादर कोण?

🛑 वारंवार प्रशासनाचे लक्ष वेधून सुद्धा प्रशासन करत आहे दुर्लक्ष..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍ प्रतिनिधी : प्रतिक राणे

🎴दोडामार्ग, दि-१६ :- परमे येथुन सुरु असलेले खडी क्रेशर चे डंपर परमे येथील ग्रामस्थांनी अडवले होते. मात्र पोलिसांच्या मध्यस्ति नंतर ते डंपर सोडण्यात आले.

अरुंद असलेल्या रस्त्यामुळे वाहतुकी साठी ग्रामस्थांना विनाकारण त्रास सहन करावा लागत आहे. खडी वाहून नेणाऱ्या डंपरांमुळे तेथे रस्त्यावर धुळीचे साम्राज्य होत आहे. व ग्रामस्थांना प्रवास करताना त्या धुळीतुन प्रवास करावा लागत आहे. तसेच लागोपाट सुरु असलेल्या डंपरांमुळे अपघात होण्याची शक्यता नाकारता येत नाही. अपघात झाल्यास संबंधीताची जबाबदारी कोण घेणार? तसेच अशी अवजड वाहतुक सुरू आहे या अवजड वाहतुकीची जबाबदारी कोणी तरी घेणे गरजेचे आहे ती जबाबदारी कोणी घेतली? असे प्रश्न ग्रामस्थां मधुन केले जात आहेत.

काल सकाळी ११ वाजण्याच्या सुमारास ग्रामस्थांनी क्रेशर ची खडी वाहतुक करणारे डंपर अडवले होते. मात्र दोडामार्ग पोलीस निरिक्षक भोसले यांनी वेळीच तिथे जावून डंपर सोडण्यास सांगितले. असे अशी वाहतुक रोखणे गुन्हा आहे. त्यामुळे अशी वाहतुक रोखू नये तसेच जे काय आहे. त्याला कायदेशीर पणे उत्तर द्या असा ग्रामस्थांना सल्ला दोडामार्ग पोलीस निरिक्षक भोसले यांनी दिला.यानंतर ग्रामस्थांनी अडवून ठेवलेले डंपर सोडण्यात आले.

दिनांक १३ ऑक्टोबर २०२१ रोजी ग्राम सभेत परमे गावातील दोन्ही खडी क्रेशर बंद व्हावेत असा एक मताने ठराव घेऊन देखील अद्याप पर्यंत दोन्ही क्रेशर सुरू आहेत. प्रशासनाला वारंवार कल्पना देऊनही या वर कोणतीही कारवाई होत नाही . या क्रेशर मुळे पावसात भूस्खलना सारखे प्रकार होत आहे. अशेच जर दोन्ही क्रेशर अतोनात सुरू राहिले तर एका रात्रीच जमिनी खाली गढला गेलेला तळीये गावा सारखी परिस्थिती परमे गावावर यायला वेळ लागणार नाही.याची सर्वस्वी जबाबदारी प्रशासन घ्यायला तयार आहे का? असा प्रश्न देखील ग्रामस्थांनी केला आहे. ग्राम सभेमध्ये एक मताने दोन्ही क्रेशर बंद व्हावेत असा ठराव होऊनही क्रेशर बंद होत नाही म्हणजे नक्कीच कोणाच्या तरी आशीर्वादाने हे सुरू असणार तो गॉड ऑफ फादर कोण असा प्रश्न देखील ग्रामस्थांमधून होत आहे .