तेरेखोल नदीपात्रातील गाळ काढल्यास आमरण उपोषण करणार,रामचंद्र ऊर्फ काका चराटकर-उपसरपंच,इन्सुली
तेरेखोल नदीपात्रातील गाळ काढल्यास आमरण उपोषण करणार,रामचंद्र ऊर्फ काका चराटकर-उपसरपंच,इन्सुली
तेरेखोल नदीपात्रात गाळच नसुन हा सगळा दगड-गोटे काढण्यासाठी खटाटोप आहे,अधिकाऱ्यांनी आधी पाहणी करुनच परवानगी द्यावी
अतिवृष्टी आणि धरणाचे सोडलेले पाणी यामुळे गावात पुरस्थिती निर्माण झाली होती,यात गाळाचा काहीही संबंध नाही
गाळ,गोटे काढल्यास नदीच्या दोन्ही बाजुंच्या भिंती कोसळुन नदीतिरावरील शेतकऱ्यांचे नुकसान होण्याची भिती आहे त्यामुळे मरण पत्करेन पण मागे फिरणार नाही,रामचंद्र चराटकर
इन्सुली गावाची भौगोलिक परिस्थिती आणि नदीचे वाढते पात्र पाहता नदीतील गाळ काढल्यास नदीपात्राजवळील शेतकऱ्यांचे अतोनात नुकसान होणार आहे.तेरोखोल नदीवरची पाहणी केल्यास इन्सुली बिलेवाडी ते कुडवटेंब -तुळसान पुल‌पर्यंत नदीत गाळचं नाही आहे.नदीच्या पात्रात दगड-गोटे आहेत,नदी पात्र पहिले १०० मीटर होते ते आता जवळपास २०० मीटर झाले आहे, त्यामुळे नदीतील गाळ काढणार कि गोटे काढणार ? ते पहिले महसूल अधिकाऱ्यांनी पाहणी करूनच परवानगी द्यावी.फक्त महसूल मिळतो म्हणून आम्हा नदीपात्राजवळील शेतकऱ्यांना देशोधडीला लावण्याचा प्रयत्न करु नये.राहता राहिले इन्सुली गावात आलेला महापुर हा अतिपाऊस,धरणाचे सोडलेले पाणी त्याचे योग्य नियोजन नसल्याने इन्सुली-बांदा-वाफोली या गावांना फटका बसतो.पाटबंधारे विभागाने ओव्हरफ्लो होणाऱ्या पाण्याचे योग्य नियोजन केले तरच येणाऱ्या पुरामुळे नुकसान होणार नाही.तुम्ही गाळ काढा किंवा गोटे काढा पुरामुळे नुकसान होणार हे त्रिवार सत्य आहे.आज नदीपात्रातील गोटे-गाळ काढल्यास सध्या नदी २०० मीटर रुंदी झाली आहे,ती या गोट्यांनी आमच्या जमिनीच्या जवळच्या भिंती शाबूत आहेत.अन्यथा नदीपात्र २०० मीटरचे ३०० मीटर व्हायला वेळ लागणार नाही.याचं ज्वलंत उदाहरण म्हणजे कास,आरोस बाग,सातोसे,सातार्डा नदीपात्राची प्रत्यक्ष पाहणी करावी.काही झालं तरी इन्सुली-बिलेवाडी ते ओटवणे आणि तुळसान पुल ते शेर्लेपर्यंत नदीतील गाळ वजा गोटे काढायला देणार नाही.नदीपात्राजवळ माझी स्वतःची बाग आहे त्यामुळे माझ्या नदीतिरावरील शेतकऱ्यांचे नुकसान व्हायला देणार नाही,मरण पत्करेन पण मागे फिरणार नाही असे इन्सुली उपसरपंच श्री.रामचंद्र उर्फ काका चराटकर यांनी दिलेल्या प्रसिध्दी पत्रकात म्हटले आहे.
