🛑आंबोलीतील पर्यटन स्थळावरील स्वच्छतागृहांचे तीन तेरा…

*🛑आंबोलीतील पर्यटन स्थळावरील स्वच्छतागृहांचे तीन तेरा…*

 

*🛑पर्यटन विभागाने उभारलेली स्वच्छतागृहे ही पर्यटन वाढीसाठी होती की ठेकेदारांची पोट भरण्यासाठी?..*

 

*🛑संबंधित अधिकारी व ठेकेदार यांची चौकशी व्हावी….*

 

*🎥 KOKAN LIVE BREAKING ||NEWS CHANNEL*

 

*✍️ प्रतिनिधी : त्रिविक्रम सावंत*

 

*🎴सावंतवाडी, दि- ०४:-* सिंधुदुर्ग जिल्ह्याची आणि त्याच्या विकासाशी काहीच देणे घेणे नसलेले अधिकारी व ठेकेदार काम करू लागले की विकासाचा भकासपणा जागोजागी दिसून येतो.याचाच प्रत्यय गेल्या दोन-तीन वर्षापासून आंबोलीतील विविध पर्यटन स्थळावरील स्वच्छतागृहे बघितल्यावर दिसून येतो. महाराष्ट्राची चेरापुंजी म्हणून ओळख असलेल्या आंबोली मध्ये दरवर्षी लाखो पर्यटक भेट देत असतात मात्र या ठिकाणी सर्व सोयी सुविधायुक्त असे एखादे अद्ययावत स्वच्छतागृह नसणे यासारखे मोठे दुर्दैव नाही. गेले कित्येक वर्ष आपण सिंधुदुर्ग हा देशातील पहिला पर्यटन जिल्हा म्हणून मिरवत आहोत राजकीय नेते मंडळी देखील करोडो रुपयांचा निधी या ठिकाणी खर्च आहेत. मात्र त्याचा योग्य विनियोग होतो की नाही हे बघायला सध्या कोणाकडेच वेळ नाही. आंबोली घाटातील मुख्य धबधबा व आंबोली पोलीस चौकी नजीक अतिशय चांगल्या दर्जाची स्वच्छतागृहे वनविभाग व महाराष्ट्र शासनाकडून उभारण्यात आलेली आहेत. मात्र ही स्वच्छतागृहे बऱ्याच वेळा बंद अवस्थेतच असतात. आणि याचा फटका महिला पर्यटकांना मोठ्या प्रमाणात बसतो. गेल्या दोन वर्षापासून आंबोली हिरण्यकेशी व नांगरतास धबधबा या ठिकाणी सिंधुदुर्ग पर्यटन महामंडळाकडून स्वच्छतागृहांची उभारणी करण्यात आली आहे मात्र ही दोन्ही ठिकाणी धार्मिक स्थळे असल्याने या ठिकाणी स्वच्छतागृहे उभारताना स्थानिक ग्रामस्थांना विश्वासात घेऊन त्या ठिकाणी ते स्वच्छतागृहे उभारणे गरजेचे आहे. तसेच आंबोली मध्ये जमीन ही महाराष्ट्र शासन म्हणून नोंद असल्याने व वनविभागाच्या ताब्यात असल्याने त्या दोन्ही संबंधित विभागातील अधिकाऱ्यांशी समन्वय साधत ही स्वच्छतागृहे उभारणे गरजेचे होते. मात्र पर्यटन महामंडळाने निविदा काढल्या व ठेकेदारांनी अधिकाऱ्यांशी संगणमत करून स्वच्छतागृहाच्या नावाखाली फायबरचे खोके उभारले स्वच्छतागृह म्हटल्यानंतर पाणी पुरवठा त्या ठिकाणी असणे गरजेचे आहे तो वर्षभर त्या ठिकाणी कसा होईल याचे नियोजन ग्रामपंचायत करू शकते. मात्र मात्र शासनाच्या या विविध यंत्रणांमध्ये समन्वय नसल्यामुळे या स्वच्छतागृहाद्वारे केवळ ठेकेदारांचे पोट भरले गेले की काय? अशी परिस्थिती निर्माण झाली आहे. आंबोली नांगरतास धबधबा, महादेव गड पॉईंट व हिरण्यकेशी या ठिकाणी पर्यटन महामंडळाद्वारे उभारण्यात आलेल्या स्वच्छतागृहांची कामेअर्धवट स्थितीत आहेत. या दोन्ही ठिकाणी शौचालयाच्या टाक्या व पाण्याच्या टाक्या देखील बाजूला पडून आहेत. हात धुण्यासाठी बसवलेली बेसिन तुटून पडलेली असून नळ देखील गायब आहेत. एकंदरीतच या तीनही ठिकाणची स्वच्छतागृहे कधीच सुरू झाली नाहीत. मात्र या अर्धवट कामाचे पैसे ठेकेदाराला अदा केले गेले असतील तर ते अर्धवट कामाचे पैसे कोणत्या अधिकाऱ्याने कशा पद्धतीने अदा केले हे समजणे देखील तितकेच गरजेचे आहे. यावर स्थानिक लोकप्रतिनिधींनी व आंबोलीतील जागरूक नागरिकांनी याची माहिती घेऊन या अर्धवट कामांचे पैसे जर ठेकेदाराला अदा केले असतील तर संबंधित अधिकाऱ्यांची व ठेकेदाराची प्रशासनाकडे तक्रार करणे गरजेचे आहे. कारण देशाच्या कानाकोपऱ्यातून पर्यटक आंबोली मध्ये हजेरी लावत असतात दिवाळीनंतर तर गोव्यात येणारे परदेशी पर्यटक देखील आंबोली मध्ये येत असतात मात्र ही तुटलेली स्वच्छतागृहे आपले पर्यटनाविषयीची अनास्था व आपले मानसिक गरिबी दाखवत असतात. त्याचबरोबर आपल्या राजकीय नेतृत्वाची देखील चेष्टा होते. आज आपण सहज कुठे एखाद्या हॉटेलमध्ये गेल्यावर तेथील स्वच्छतागृह बघून त्या हॉटेलचा दर्जा ठरवत असतो त्याचप्रमाणे इतर भागातील पर्यटक जेव्हा आंबोली मध्ये हजेरी लावतात किंवा सिंधुदुर्गात हजेरी लावतात तेव्हा तेथील स्वच्छतागृहे बघून येथील पर्यटनाचा दर्जा ठरवतात त्यामुळे येथील स्वच्छतागृहांचा दर्जा हा अतिशय चांगला असावा व त्याची वारंवार देखभाल दुरुस्ती करून येणाऱ्या पर्यटकांना अतिशय चांगली सुविधा मिळावी जेणेकरून आंबोलीत येणाऱ्या पर्यटकांची गैरसोय होऊ नये. भविष्यात देणाऱ्या शक्तीपीठ महामार्गामुळे आणखी मोठ्या प्रमाणात या ठिकाणी पर्यटक हजेरी लावतील मात्र प्राथमिक सुविधांची अशी जर वानवा असेल तर आंबोलीत पर्यटक थांबतील कशाला? याचा विचार आंबोलीवासीय, हॉटेल व्यवसायिक ,पर्यटनावर अवलंबून असणारे इतर व्यवसायिक स्थानिक प्रशासन व लोकप्रतिनिधी यांनी एकत्रित येऊन करणे गरजेचे आहे नाहीतर पर्यटनासाठी निसर्गाने दिलेली अमुल्य अशी साधन संपत्ती आपण आपल्या हाताने व कपाळ करंटेपणामुळे घालून बसू.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

_*🏠कोकणातील आपल्या हक्काच्या घराचं स्वप्न आम्ही पूर्ण करु🏘️*_

 

*🏝️कोकणातील निळाशार समुद्र व ✈️चीपी विमानतळापासुन जवळच आपले स्वप्नातले घर चला घेऊया🏘️*

 

*🏬दाभोलीनाका वेंगुर्ला “पाटील चेंबर्स” या सिंधुदुर्ग जिल्ह्यातील पहिलीच ७ मजली फायर सिस्टीम च्या सुविधांसह मोजकेच फ्लॅट, ऑफीसेस शिल्लक.*

 

*🏜️वेंगुर्ला हॉस्पीटल नाका येथे ९ गुंठे चा प्लॉट विकणे आहे*

 

*⚜️सावंतवाडी, रेस्ट हाऊस जवळ, सालईवाडा येथील “पारिजात हाईटस्” या इमारतीमध्ये फ्लॅट व दुकानगाळे उपलब्ध*

 

*⭕सावंतवाडी, मिलाग्रीस हायस्कूल जवळ नियोजीत सुरू होणाऱ्या इमारतीमध्ये फ्लॅट,ऑफीस व दुकानगाळे उपलब्ध*

 

 

बुकींगसाठी संपर्क:-

*बी.पी. डेव्हलपर्स अॅण्ड बिल्डर्स*

प्रोप्रा.श्री.बाबासाहेब पां. पाटील

मोबा. नं. ७७०९०४६४६५/७७०९०४५४६१

 

*ऑफीस:-* पाटील टॉवर, गवळी तिठा, सावंतवाडी फो.नं. ०२३६३-२७१६५५

 

*Email:-* bpdevelopersandbuilders@rediffmail.com

 

*🛏️रत्नेश प्रिमीयम (लॉजींग)🛌🏻*

 

रूम्स उपलब्ध – एसी. व नॉन एसी रूम्स, डॉमेट्री, एक्झीकेटीव्ह सुट एस.टी. स्टैंड समोर, पाटील टॉवर, गवळी तिठा, सावंतवाडी

 

*📱फो.नं.* ०२३६३-२७१६५५/७७०९०४५४६७

—————————————-

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_