🛑 पाण्यात वाहून गेलेल्या अमित धुरी यांच्या कुटुंबीयांना आमदार निलेश राणे यांच्याकडून मदतीचा हात

🛑 शिवसेना जिल्हा प्रमुख दत्ता सामंत यांची सांत्वन भेट

🎥 KOKAN LIVE BREAKING || NEWS CHANNEL

✍️ प्रतिनिधी : सद्गुरू घावनळकर

🎴माणगाव, दि-२९:- माणगाव खोऱ्यातील वसोली पुलावरून प्रवास करत असताना काही दिवसांपूर्वी अमित धुरी या युवकाचा पाण्यात वाहून जाऊन दुर्दैवी मृत्यू झाला होता. दोन दिवसांच्या शोधानंतर त्याचा मृतदेह सापडला. या घटनेची माहिती मिळताच आमदार निलेश राणे यांनी कुटुंबियांच्या दुःखात सहभागी होत, “आपण त्यांच्या पाठीशी आहोत” असे सांगितले.
आमदार निलेश राणे यांच्या मार्गदर्शनाने शिवसेना जिल्हा प्रमुख दत्ता सामंत यांनी धुरी कुटुंबीयांची भेट घेऊन त्यांचे सांत्वन केले. यावेळी आर्थिक मदत रोख स्वरूपात सुपूर्त करण्यात आली.
या वेळी मालवण नगरसेवक दीपक पाटकर, उपजिल्हाप्रमुख अरविंद करलकर, कुडाळ तालुकाप्रमुख दीपक नारकर, विनायक राणे, सचिन धुरी, अवी राणे, राजन भगत यांच्यासह अनेक शिवसैनिक उपस्थित होते.