🛑 क्षुल्लक कारणावरून मारहाणप्रकरणी चौघांवर गुन्हा दाखल

🎥 KOKAN LIVE BREAKING || NEWS CHANNEL

✍️ ब्युरो न्यूज : कोकण लाईव्ह ब्रेकिंग

🎴कणकवली, दि-२१:- नरडवे-पिंपळवाडी येथील संजय शंकर म्हसकर (५७) यांना क्षुल्लक कारणावरून शिवीगाळ करत मारहाण केल्याप्रकरणी चौघांविरोधात कणकवली पोलीस ठाण्यात गुन्हा दाखल करण्यात आला आहे. ही मारहाणीची घटना संजय म्हसकर यांच्या बागेत गुरुवारी २० रोजी सकाळी १० वाजण्याच्या सुमारास घडली.
याबाबत अधिक वृत्त असे की, संजय म्हसकर हे आपल्या काजूच्या बागेत काजू काढण्यासाठी गेले होते. त्यावेळी त्याच्या जमिनीतून तन्मय गंगाराम राणे व सुरेंद्र गंगाराम राणे हे संजय यांच्या जमिनीतून विद्युत वायर नेत होते. याबाबत त्यांनी तन्मय व सुरेंंद्र यांना विचारणा केली. त्याचा राग आल्याने तन्मय राणे, सुरेंद्र राणे व शिंदे, बाईत यांनी संजय यांना शिवीगाळ करीत मारहाण करत दुखापत केली. त्यानंतर संजय यांना उपजिल्हा रुग्णालयात दाखल करण्यात आले होते. याप्रकरणी संजय म्हसकर यांनी कणकवली पोलीस ठाण्यात फिर्याद दिली आहे. त्यानुसार तन्मय गंगाराम राणे (३५), सुरेंद्र गंगाराम राणे (३२) व शिंदे (२५), बाईत (२०, सर्व रा. नरडवे-पिंपळवाडी) यांच्या विरोधात भारतीय न्याय संहिता ११८ (अ), ११५ (१)३५२, ३५१, ३२४ (२), ३० (५) नुसार गुन्हा दाखल झाला. तपास मिलिंद देसाई करीत आहेत.
………….
अवैधरीत्या दारु विकणाऱ्यावर कारवाई
कणकवली ः गावठी व गोवा बनावटीची दारू विक्री करणाऱ्या कुशालचंद्र बापूशेट कसवणकर (रा.कसवण) याच्यावर कणकवली पोलिसांनी कारवाई केली. त्याच्याकडून ४५०० रुपयांची दारु जप्त केली. ही कारवाई गुरुवार दुपारी १ वाजण्याच्या सुमारास पोलिसांनी शहरातील गांगोमंदिर परिसरात केली. याप्रकरणी कुशालचंद्र कसवणकर याच्याविरोधात गुन्हा दाखल करण्यात आला आहे.
याबाबत अधिक माहिती अशी की, पोलीस उपनिरीक्षक राजकुमार मुंडे व पोलीस अंमलदार बाबू दबडे हे गुरुवारी शहरात पेट्रोलिंग करीत होते. गांगोमंदिर परिरात पेट्रोलिंग करत असताना पोलिसांना एक व्यक्ती दारु विकत असल्याची माहिती मिळाली. त्यानुसार पोलिसांना गांगो मंदिर परिसरात कुशालचंद्र कसवणकर हा गावठी दारू व गोवा बनवाटीची दारू विकताना आढळून आला. त्याच्याकडून गावठी व गोवा बनवाटीची ४५०० रुपये किमतीची दारू पोलिसांनी जप्त केली. याप्रकरणी पोलीस बाबू दबडे कणकवली पोलीस ठाण्यात फिर्याद दिली आहे. त्यानुसार कुशालचंद्र कसवणकर याच्याविरोधात दारुबंदी कायद्यानुसार गुन्हा दाखल झाला आहे.
……….
अवैध दारू विक्रीप्रकरणी एकावर गुन्हा दाखल
कणकवली ः कासार्डे आनंदनगर-बंडवाडी ते वैभववाडी रोडलगत गोवा बनावटीची अवैध दारू विक्री करत असताना तेजस भांबुरे (रा. तळेरे) याला कासार्डे दुरक्षेत्राचे पोलीस हवालदार चंद्रकांत झोरे, कॉन्स्टेबल स्वप्नील जाधव यांनी रंगेहाथ पकडले. त्याच्याकडून १२,००० रुपयांची दारु जप्त केली. ही कारवाई मंगळवार १८ मार्च रोजी सायंकाळी ५ वाजण्याच्या कासार्डे आनंदनगर-बंडवाडी ते वैभववाडी रोडलगत केली. याबाबत स्वप्नील जाधव यांनी कणकवली पोलीस ठाण्यात फिर्याद दिली आहे. त्यानुसार अवैध दारू विक्रीप्रकरणी तेजस भांबुरे याच्यावर गुन्हा दाखल जाला आहे. तपास कणकवली पोलीस करीत आहेत.

*………….सविस्तर बातमीसाठी खालील लिंक वर क्लिक करा…….👇👇👇👇*

 

_________________________
*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

https://chat.whatsapp.com/G0QkRHSM8pVG6G6esWNkkp

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

*🔥💥 कोकण लाईव्ह ब्रेकिंग 💥🔥*
_*अचूक बातमी थेट हल्ला*_

*🌐 जाहिराती व बातम्यांसाठी आजच भेट द्या….⬇️*
*♦संपादक : सीताराम गावडे*
*📱संपर्क : +919423304856*

*♦ब्युरो चीफ : विशाल पित्रे*
*📱संपर्क : +919405475712*

*▪️मुख्य कार्यालय*
*कोकण लाईव्ह ब्रेकिंग*
आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे
ता.सावंतवाडी, जि. सिंधुदुर्ग
——————————–
*🎴कोकण लाईव्ह फेसबुक पेज👇🏻*
https://www.facebook.com/kokanlivebreaking/

*🎴कोकण लाईव्ह युटयूब चॅनल 👇🏻*
https://www.youtube.com/channel/UC4OBZsXZuVI8r7ezVUUeOJg

*🎴कोकण लाईव्ह वेबसाईट👇🏻*

Home

*🎴कोकण लाईव्ह इंस्टाग्राम👇🏻*
https://www.instagram.com/kokanlivebreaking/

*🎴कोकण लाईव्ह टेलिग्राम👇🏻*
https://t.me/kokanlive

*🎴कोकण लाईव्ह ट्विटर👇🏻*
Tweets by LiveKokan

*🖥️ कोकण लाईव्ह ब्रेकिंग*
_अचूक बातमी थेट हल्ला_