वैभववाडी भाजपा युवा मोर्चाच्या आक्रमक पवित्र्यानंतर सा.बां. विभाग खडबडून जागे..

▪️वैभववाडी-उंबर्डे मार्गावरील खड्डे बुजवण्याचे काम युद्धपातळीवर सुरू..

🖥️ Kokan Live Breaking News

✍🏻 प्रतिनिधी : संजय शेळके

🎴वैभववाडी,दि.०९: भाजपा युवा मोर्चाच्या आक्रमक पवित्र्यानंतर सार्वजनिक बांधकाम विभाग खडबडून जागे झाले आहे. वैभववाडी-उंबर्डे मार्गावरील खड्डे बुजवण्याचे काम आज सकाळपासून युद्धपातळीवर सुरू करण्यात आले आहे. त्यामुळे आज उंबर्डे येथे पुकारण्यात आलेले रास्ता रोको आंदोलन भाजपा युवा मोर्चाने स्थगित केले आहे.

आजपासून खड्डे भरत असल्याचे लेखी पत्र अधिकारी यांनी युवा मोर्चा अध्यक्ष किशोर दळवी यांच्याकडे दिले आहे. अर्धवट काम सोडून संबंधित विभागाने पळ काढल्यास कोणतीही पूर्वकल्पना न देता वैभववाडी-उंबर्डे मार्ग रोखणार असल्याचा इशाराही किशोर दळवी यांनी दिला आहे.

वैभववाडी तालुक्यातील दुरावस्था झालेल्या रस्त्यांची डागडुजी त्वरित करणार असे वारंवार आश्वासन देऊन जनतेची फसवणूक, दिशाभूल करणाऱ्या बांधकाम विभागाच्या अधिकाऱ्यांविरोधात रास्ता रोको आंदोलन करण्याचा इशारा भाजपा युवा मोर्चाच्याने दिला होता. याबाबतचे निवेदन युवा मोर्चा अध्यक्ष किशोर दळवी यांच्या नेतृत्वाखाली तहसीलदार वैभववाडी यांना दिले. बुधवार दि. ९ डिसेंबर रोजी उंबर्डे एसटी स्टँड समोर रास्ता रोको आंदोलन करून संबंधित प्रशासनाचा निषेध करणार असल्याचे निवेदनात म्हटले होते.

वैभववाडी तालुक्यातील सर्वच रस्ते नादुरुस्त झाले आहेत. २६ नोव्हेंबर रोजी भाजपच्या वतीने ठिय्या आंदोलन तहसील कार्यालयासमोर छेडण्यात आले होते. संबंधित अधिकारी यांनी आठ दिवसात रस्त्यांची डागडुजी करण्यात येईल असे लेखी आश्वासन दिले होते. ७ डिसेंबर रोजी संबंधित खात्याच्या अधिकाऱ्यांना भेटून विचारणा केली असता दि. ८ डिसेंबर पासून उंबर्डे ते वैभववाडी पर्यंतचे खड्डे भरण्याचे काम सुरू करण्यात येईल असे अधिकाऱ्यांनी शिष्टमंडळाला आश्वासित केले होते. परंतु पुन्हा आश्वासन देऊन सुद्धा प्रत्यक्षात खड्डे भरण्याच्या कामाला सुरुवात झाली नाही. एकूणच अधिकारी व ठेकेदार यांच्या मिलीभगत असल्यामुळे रस्ता डागडुजीची कामे रखडली असल्याचा आरोप करत रास्ता रोको करण्याचा इशारा देण्यात आला होता. या इशा-यानंतर संबंधित विभाग खडबडून जागे झाले आहे. आज सकाळपासून खड्डे भरण्याचे काम युद्ध पातळीवर सुरू झाले आहे. त्यामुळे भाजपा चे आजचे आंदोलन स्थगित झाले आहे.

*_🧰💡आयटीआय मध्ये प्रवेश मिळाला नाही कशाला निराश होताय???…निश्चिंत रहा..मुक्त विद्यापीठ आपणास तंत्र शिक्षणाची सुवर्णसंधी उपलब्ध करून देत आहे🤩😍_*

   *🧰डिप्लोमा इन इलेक्ट्रिशियन🧰*
_तंत्रशिक्षण क्षेत्रात करिअर करण्याची सुवर्णसंधी_

💫आजच भेट द्या आणि आपला प्रवेश निश्चित करा!

*🏃🏻‍♂️प्रवेश सुरु*
*सावंतवाडी अभ्यास केंद्र संपर्क*
*_📱9422896699_*

*🎴कोकण लाईव्ह व्हॉट्सॲप ग्रुप👇🏻*
https://chat.whatsapp.com/IPQg7OVQ80r6I5ahLxhWeK

*🖥️ कोकण लाईव्ह ब्रेकिंग*
_अचूक बातमी थेट हल्ला_