कलमठ मधील विठ्ठल मंदिरात उद्या हरिनाम सप्ताह

*कलमठ मधील विठ्ठल मंदिरात उद्या हरिनाम सप्ताह*

*वाडीवार पार पडणार भजनाची वारी*

कणकवली : प्रथमेश जाधव
कलमठ बाजारपेठ येथील श्री विठ्ठल रखुमाई मंदिरात श्रावण महिन्यातील हरिनाम सप्ताह रविवार २७ ऑगस्टला साजरा होणार आहे. यानिमित्त २७ ते २९ ऑगस्ट दरम्यान विविध कार्यक्रमांचे आयोजन केले आहे.

रविवार २७ रोजी सकाळी ११ वा. घटस्थापना होईल. त्यानंतर प्रवेप्रमाणे अहोरात्र गावाच्या प्रत्येक वाडीतील भजनाची वारी (पार) पडणार आहे. सोमवार २८ रोजी सकाळी १० वा. पालखीची नगर प्रदक्षिणा होईल. मंगळवार २९ रोजी दुपारी १ वा. महाप्रसाद असे कार्यक्रम होणार आहेत. तरी या कार्यक्रमाचा भाविकांनी लाभ घ्यावा, असे आवाहन श्री विठ्ठल रखुमाई मंदिर व्यवस्थापन समिती व मंदिर उत्सव समितीतर्फे करण्यात आले आहे.