🟥 कळसुलकरच्या किशोरवयीन विद्यार्थ्यांशी डॉक्टर पाटकर यांनी साधला संवाद

🎥 Kokan Live Breaking News*

*✍️ प्रतिनिधी : प्रशांत मोरजकर*

*🎴सावंतवाडी, दि-०८:-* सावंतवाडी एज्यू.सोसायटी संचालित, कळसुलकर इंग्लिश स्कूल व आय.बी.सय्यद कनिष्ठ महाविद्यालय, सावंतवाडी मध्ये इयत्ता नववीच्या विद्यार्थ्यांसाठी डॉ.रुपेश पाटकर (मानसोपचार तज्ञ,बांदा) यांचे चर्चासत्र पार पडले.

यावेळी मानसोपचार तज्ञ डॉक्टर पाटकर यांनी नववीच्या विद्यार्थ्यांशी संवाद साधत आपल्या क्षमता व सुप्त गुणांना विकसित कसे करता येईल याबाबत विद्यार्थ्यांना मार्गदर्शन केले.पौगंड अवस्थेतील बदल तसेच बदलत्या जीवनशैली प्रमाणे प्रसारमाध्यमे व सोशल मीडियाचा वापर विद्यार्थी दशेमध्ये असताना कशा पद्धतीने करता येईल तसेच त्याचे दुष्परिणाम व या सर्व धावपळीच्या विद्यार्थी जीवनामध्ये मानसिक स्वास्थ्य कशा पद्धतीने राखून आपणाला आपल्या उज्वल भविष्याचा वेध घेता येईल याबाबत मार्गदर्शन केले. संवादात्मक चर्चासत्र असल्याने विद्यार्थ्यांनीही आत्मीयतेने मनातील शंकांचे निरसन करून घेतले.

सावंतवाडी एज्युकेशन सोसायटीचे सचिव डॉ.प्रसाद नार्वेकर तसेच प्रशाळेचे ज्येष्ठ शिक्षक एस.व्ही.भुरे तसेच जेष्ठ शिक्षिका श्री जे.एस.पावसकर इयत्ता नववी चे वर्गशिक्षक श्री.गोपाळ गवस व श्रीमती समृद्धी सामंत यावेळी उपस्थित होते.