🟥 तळकट प्रा. आ. केंद्रात ‘जागरूक पालक सुदृढ बालक’ या अभियानाचा शुभारंभ..

🟥 वैद्यकीय अधिकारी डॉ. तुषार चिपळूणकर यांनी केले मार्गदर्शन..

🎥 Kokan Live Breaking News

✍️ प्रतिनिधी : रामचंद्र सावंत

*🎴दोडामार्ग, दि-१०:-* ० ते १८ वर्षे वयोगटातील बालकांची आरोग्य तपासणी, संदर्भसेवा, प्रयोगशाळा तपासण्या व आवश्यकतेनुसार उपचार तथा शस्त्रक्रिया करण्यासाठी महाराष्ट्र राज्य शासनाने सार्वजनिक आरोग्य विभाग अंतर्गत ९ फेब्रुवारी पासून ‘जागरूक पालक-सुदृढ बालक’ विशेष अभियान राबविण्याचे निश्चित केले आहे.

त्या प्रमाणे आज दोडामार्ग तालुक्यातील तळकट प्राथमिक आरोग्य केंद्रा मध्ये ‘जागरूक पालक-सुदृढ बालक’ हे विशेष अभियान राबवण्यात आले. प्राथमिक आरोग्य केंद्र तळकटचे वैद्यकीय अधिकारी श्रो.डॉक्टर तुषार चिपळूणकर यांनी यावेळी उपस्थितांना मार्गदर्शन केले.आपलं आरोग्य सुदृढ राहण्यासाठी प्रत्येक व्यक्ती जागरूकता दाखवित वेळीच उपचार घेणे व निःसंकोचपणे आपल्याला आरोग्याच्या दृष्टीने होणारे त्रास व आजार डॉक्टरांना सांगणे गरजेचे. प्रत्येकाने आपल्या आरोग्याची काळजी कशी घ्यावी याबाबत वैद्यकीय अधिकारी श्री. डॉ. तुषार चिपळूणकर यांनी मार्गदर्शन केले.यावेळी ग्रामस्थ तसेच पालक वर्ग उपस्थित होते.