🟥 राष्ट्रीय एकता दिन निमित्त आयोजित खुल्या चित्रकला स्पर्धेत विष्णू आरोलकर व स्लोगन स्पर्धेत सानिया वराडकर प्रथम

*🎥 KOKAN LIVE BREAKING NEWS*

_अचूक बातमी थेट हल्ला_

*✍️ प्रतिनिधी : सदाशिव सावंत*

*🎴वेंगुर्ले, दि-०१ :-* नेहरू युवा केंद्र सिंधुदुर्ग आणि वेताळ प्रतिष्ठान सिंधुदुर्ग, तुळस यांच्या संयुक्त विद्यमाने लोहपुरूष सरदार वल्लभभाई पटेल यांच्या जयंतीनिमित्त ‘राष्ट्रीय एकता’ दिनाच्या औचित्याने आयोजित खुल्या चित्रकला स्पर्धेत दाभोली येथील विष्णु उदय आरोलकर यांनी प्रथम क्रमांक प्राप्त केला तर खुल्या स्लोगन लेखन स्पर्धेत सानिया वराडकर (वेंगुर्ला) यांनी प्रथम क्रमांक प्राप्त करीत यश संपादन केले.

राष्ट्रीय एकता दिन निमित्त वेंगुर्ला लौकिक सभागृह येथे आयोजित सदर स्पर्धेचे उदघाटन प्रतिथयश लेखिका वृंदा कांबळी यांच्या हस्ते दीपप्रज्वलन करून आणि सरदार वल्लभभाई पटेल व स्वामी विवेकानंद यांच्या प्रतिमेचे पूजन करून करण्यात आले. यावेळी व्यासपीठावर वेंगुर्ला प.स.विस्तार अधिकारी जयेश जयराम राऊळ, प्रतिष्ठानचे अध्यक्ष विवेक तिरोडकर, सचिव प्रा. सचिन परूळकर, सिंधुरक्तमित्र प्रतिष्ठानचे जिल्हा उपाध्यक्ष तथा सर्पमित्र महेश राऊळ, किरण राऊळ, रोहन राऊळ, चंद्रप्रभा मेस्त्री आदी मान्यवर उपस्थित होते.

सरदार वल्लभभाई पटेल यांच्या जीवन चरित्रावर प्रकाश टाकत भारत आपले सार्वभौमत्व टिकून आहे,अशा एकतेसाठी कार्य करणाऱ्या अनेक संस्था असून त्यामध्ये प्रतिष्ठान आहे,त्यांचे मी सदैव कौतुक करते असे प्रतिपादन प्रमुख पाहुण्या वृंदा कांबळी यांनी केले. यावेळी उपस्थित युवक-युवतींना राष्ट्रीय एकता अखंडित राखण्यासाठी शपथ देण्यात आली.

चित्रकला स्पर्धेचा निकाल पुढीलप्रमाणे:*

*प्रथम: विष्णु उदय आरोलकर (दाभोली)*

*द्वितीय: कोमल भरत परब( वेंगुर्ला )*

*तृतीय:जयराम जयेश राऊळ (सावंतवाडी)*

*उत्तेजनार्थ प्रथम: विष्णुप्रसाद संतोष सावंत (सावंतवाडी)*

*उत्तेजनार्थ द्वितीय: सानिया गजानन वराडकर(वेंगुर्ला)*

‘राष्ट्रीय एकता’ या विषयावर आयोजित केलेल्या स्लोगन स्पर्धेमद्ये प्रथम- सानिया गजानन वराडकर, द्वितीय – चैताली विश्वास पवार, तृतीय -लीलावती आनंद केळुसकर, उत्तेजनार्थ प्रथम – मंगल प्रवीण शेणई उत्तेजनार्थ द्वितीय- पलक गुंडू हळदणकर यांनी यश संपादन केले*

*चित्रकला स्पर्धेचे परीक्षण कलातज्ञ यामेश खवणेकर यांनी केले. विजेत्या स्पर्धकांना मान्यवरांच्या हस्ते मेडल, प्रमाणपत्र व रोख पारितोषिक देऊन गौरविण्यात आले. कार्यक्रमाचे सूत्रसंचालन रोहन राऊळ तर आभार किरण राऊळ यांनी मानले.