🛑इंदिरा गांधी व्यापारी संकुलातील अनधिकृत पोटभाडेकरूंना अभय कशासाठी? गाळे ताब्यात घेऊन बेरोजगार तरुणांना द्या!

*🛑इंदिरा गांधी व्यापारी संकुलातील अनधिकृत पोटभाडेकरूंना अभय कशासाठी? गाळे ताब्यात घेऊन बेरोजगार तरुणांना द्या!*

 

*🛑२५ वर्षांनंतर केवळ यादी जाहीर करून काय साध्य होणार?*

 

*🛑प्रशासनाच्या कारभारावर संजू परब यांचा संतप्त सवाल; नगरपरिषदेत पोरखेळ सुरू असल्याचा आरोप!*

 

*🎥 KOKAN LIVE BREAKING ||NEWS CHANNEL*

 

*✍️ ब्युरो न्युज : कोकण लाईव्ह ब्रेकिंग*

 

*🎴सावंतवाडी, दि- ०७:-* इंदिरा गांधी व्यापारी संकुलातील गाळ्यांच्या भिंती काढणे, अनधिकृत पोटभाडेकरू नेमणे तसेच प्रीमियम आणि भाडेवसुलीच्या मुद्द्यावरून सावंतवाडी नगरपरिषदेतील सत्ताधाऱ्यांना माजी नगराध्यक्ष तथा नगरसेवक संजू परब यांनी धारेवर धरले आहे. तब्बल २५ वर्षांनंतर गाळेधारकांनी भिंती काढल्याची माहिती प्रशासनाने सभागृहात दिली. मात्र, केवळ यादी सादर करून काय साध्य होणार? संबंधित गाळेधारकांकडून भिंती पुन्हा बांधून घेण्याची आणि नियमबाह्य पोटभाडेकरूंचे गाळे ताब्यात घेण्याची हिंमत सत्ताधाऱ्यांनी दाखवावी, असे आव्हान परब यांनी दिले. नगरपरिषदेत विकासकामांपेक्षा पोरखेळ सुरू असल्याचा घणाघातही त्यांनी केला.

पत्रकार परिषदेत बोलताना परब म्हणाले की, गुरुवारी झालेल्या सर्वसाधारण सभेला आपण उपस्थित नव्हतो. मात्र, आपल्या नगरसेविकांनी सभागृहात उपस्थित केलेल्या प्रश्नांमधून काही गंभीर बाबी समोर आल्या आहेत. इंदिरा गांधी व्यापारी संकुलातील २० गाळेधारकांनी भिंती काढल्याचे प्रशासन सांगत आहे. या प्रकरणाचे ऑडिट करून दंडही वसूल करण्यात आला आहे. मग इतक्या वर्षांनंतर केवळ हा विषय सभागृहात आणून काय साध्य झाले? प्रशासनाने संबंधितांकडून भिंती पुन्हा बांधून घेण्याची कारवाई करणे अपेक्षित होते.

उपनगराध्यक्ष ॲड. अनिल निरवडेकर हे अभ्यासू व्यक्तिमत्त्व आहेत. त्यांच्याकडून या विषयावर ठोस भूमिका अपेक्षित होती. मात्र, ते गप्प का राहिले? त्यांच्यावर कोणाचा दबाव आहे का? असा सवालही परब यांनी उपस्थित केला.

*पोटभाडेकरूंची यादी आहे, मग गाळे ताब्यात घेण्यास प्रशासनाची टाळाटाळ का?*

नगरपरिषदेने भाड्याने दिलेल्या गाळ्यांमध्ये पोटभाडेकरू नेमल्याची यादी उपलब्ध असताना प्रशासन कारवाई का करत नाही? संबंधित गाळेधारकांना नोटिसा बजावल्या आहेत का? नियमांचे उल्लंघन होत असेल तर गाळे ताब्यात का घेतले जात नाहीत? असा सवाल परब यांनी केला. काही गाळेधारक स्वतः गाळे वापरण्याऐवजी पोटभाडेकरूंकडून २० ते २० हजार रुपये भाडे घेत असल्याचा, तर नगरपरिषदेला मात्र अवघे दीड हजार रुपये भाडे मिळत असल्याचा आरोप त्यांनी केला. शहरातील अनेक तरुण बेरोजगार आहेत. अशा तरुणांना हे गाळे उपलब्ध करून देण्याची भूमिका नगरपरिषदेने घ्यावी, असेही ते म्हणाले.

*सभापतींना क्लीन चिट देण्याचा अधिकार सभागृहाला कोणी दिला?*

पाणीपुरवठा सभापतींना क्लीन चिट दिल्याचे सत्ताधाऱ्यांकडून सांगितले जात असल्याबद्दलही परब यांनी नाराजी व्यक्त केली. एकदा चौकशी सुरू झाली की संबंधितांना निर्दोष ठरविण्याचा अधिकार सभागृहाला आहे का? चौकशी पूर्ण होण्याआधीच नगराध्यक्ष सभापती निर्दोष असल्याचे जाहीर करू शकतात का? असा सवाल त्यांनी उपस्थित केला.

मुख्याधिकाऱ्यांनी चौकशी समिती नेमल्याचे आम्हाला सांगितले आहे. त्यामुळे संबंधित सभापतींचा राजीनामा मंजूर करावा आणि चौकशीत ते निर्दोष सिद्ध झाल्यास त्यांना पुन्हा जबाबदारी द्यावी, अशी मागणी परब यांनी केली. विरोधी नगरसेवकांकडूनही क्लीन चिट देण्याच्या भूमिकेला समर्थन मिळणे दुर्दैवी असल्याचे ते म्हणाले. नगरपरिषदेचा बाजार झाला असून, अभ्यासपूर्ण चर्चा करण्याची तयारी आपली आहे. कोणत्याही नगरसेवकाने आमनेसामने चर्चेला यावे, असे खुले आव्हानही त्यांनी दिले.

टेंडर न काढताच खड्डे बुजवले; बिल वाढल्यास जबाबदार कोण?

शहरातील मुख्य रस्त्यांवरील खड्डे टेंडर प्रक्रिया न राबवताच भरल्याचा आरोप करत परब यांनी नगरपरिषद प्रशासनाला लक्ष्य केले. नगराध्यक्ष आदेश देऊ शकतात; मात्र कोणतेही काम नियमानुसार निविदा प्रक्रिया राबवूनच होणे आवश्यक आहे. टेंडर काढण्यापूर्वीच खड्डे भरण्याची ही कोणती पद्धत? आज एक लाख रुपयांचे काम उद्या दोन लाखांचे बिल झाले तर त्याची जबाबदारी कोण घेणार? भ्रष्टाचाराच्या आरोपांनंतरही पुन्हा अशा प्रकारे कामे होत असतील तर ते गंभीर आहे. अधिकाऱ्यांनी मनमानी पद्धतीने कामे करू नयेत, असा इशाराही त्यांनी दिला.

*मोती तलावाच्या कामावर नाराजी; पालकमंत्री आणि आमदारांचे वेधणार लक्ष!*

मोती तलावात सुरू असलेले काम आपल्याला मान्य नसल्याचे सांगत परब यांनी तलावाच्या सद्यस्थितीवर तीव्र नाराजी व्यक्त केली. मोती तलाव हे सावंतवाडीचे हृदय आहे. मात्र, त्याला कॅन्सर झाला असून त्यावर उपचार करण्यासाठी योग्य तज्ज्ञांची गरज आहे. सध्या सत्तेत असलेल्या डॉक्टरांना हे उपचार जमणार नाहीत, असा टोला लगावत त्यांनी सत्ताधाऱ्यांवर निशाणा साधला. या प्रश्नाकडे पालकमंत्री नितेश राणे आणि आमदार दीपक केसरकर यांचे लक्ष वेधणार असल्याचेही त्यांनी स्पष्ट केले.

चौकशी समितीत *मुख्याधिकाऱ्यांना घेऊ नका, ही मागणी जिल्हाधिकाऱ्यांनी दुर्लक्षित केली : ॲड. नीता सावंत*

यावेळी नगरसेविका ॲड. नीता सावंत-कविटकर यांनीही चौकशी पूर्ण होण्यापूर्वी सभापतींना निर्दोष ठरविण्याच्या भूमिकेवर आक्षेप घेतला. चौकशी समिती नेमलेली असताना भ्रष्टाचार झाला नाही, असे म्हणणे योग्य नाही. आमच्या नगरसेविकांनी संबंधित बिले रोखली आहेत. जिल्हाधिकाऱ्यांकडे चौकशीची मागणी करताना समितीत मुख्याधिकाऱ्यांना घेऊ नये, अशी भूमिका मांडली होती. मात्र, या मागणीची दखल घेतल्याचे दिसत नाही. त्यामुळे याप्रकरणी पालकमंत्री नितेश राणे यांची भेट घेणार आहोत. या प्रकरणात केवळ जोडारी यांनाच बळीचा बकरा केले जात असल्याचा आरोपही त्यांनी केला.आडाळी एमआयडीसीसाठी तीन किलोमीटर वीजवाहिनी भूमिगत; मंत्री उदय सामंतांचे आभार!दरम्यान, आडाळी एमआयडीसीसाठी इन्सुली सबस्टेशन ते आडाळी अशी ३३ केव्ही वीजवाहिनी टाकण्याचे काम सुरू आहे. ही वाहिनी बांदा शहरातून जात असल्याने संभाव्य धोका लक्षात घेऊन ग्रामस्थांनी त्याला विरोध केला होता. त्यानंतर ग्रामस्थांशी चर्चा करून उद्योगमंत्री उदय सामंत यांची भेट घेतली. यावेळी तीन किलोमीटरची वीजवाहिनी भूमिगत करण्यास त्यांनी मान्यता दिली. तातडीने सकारात्मक निर्णय घेतल्याबद्दल मंत्री उदय सामंत यांचे आभार व्यक्त करतो, असे परब यांनी सांगितले.या पत्रकार परिषदेला नगरसेविका ॲड. नीता

सावंत-कविटकर,शर्वरी धारगळकर, स्नेहा नाईक आणि नगरसेवक देव्या सूर्याजी उपस्थित होते.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_