🟥 सातही सत्कार मुर्तींनी मळगांवचे नाव उज्वल केले

🟥 सरपंच सौ. स्नेहल जामदार यांच्या तर्फे सातही सत्कार मूर्तींना भविष्यात यापेक्षा अधिक यश मिळविण्यासाठी शुभेच्छा..

_*🎥 Kokan Live Braking News*_

*✍ प्रतिनिधी : सुखदेव राऊळ*

*🎴सावंतवाडी, दि-०३ :-*“ज्या सात जणांचा सत्कार ग्रामपंचायतीच्या वतीने करण्यात आला, त्या सातही जणांनी मळगांवचे नाव उज्वल केले आहे. ग्रामपंचायतीच्या वतीने त्यांचे अभिनंदन करावे तेवढे कमीच आहे.या सर्वांनी भविष्यात असेच यश मिळवावे. या सर्वांनी स्वतः पुरस्कार घेतानाच गावाच्या इतिहासात आपले नाव कोरले आहे.”, अशा शब्दांत मळगांव सरपंच सौ. स्नेहल जामदार यांनी सातही सत्कार मुर्तीचे अभिनंदन केले. या सत्कार समारंभाला उपस्थित सर्वांचे आभार मानले.

यावेळी मळगांव सरपंच सौ. स्नेहल जामदार यांच्या सहीत उपसरपंच हनुमंत पेडणेकर,ग्रामपंचायत सदस्या सौ. निकीता बुगडे,सौ.निकीता राऊळ,सौ.अनुजा खडपकर,शुभद्रा राणे ,ग्रामपंचायत सदस्य आनंद देवळी,पोलीस पाटील सौ. रोशनी जाधव, माजी सरपंच गणेशप्रसाद पेडणेकर,माजी सरपंच निलेश कुडव,पत्रकार सुखदेव राऊळ ,आरोग्य अधिकारी श्री. कुबल,आरोग्य अधिकारी पाटील मॅडम,गुरु गावकर,ग्रामविकास अधिकारी संदीप बांदेकर,शिवप्रसाद गावकर, तलाठी श्री. गोरे तसेच गजानन सातार्डेकर, उदय जामदार,श्रीमती गीता कोंडये तसेच मळगांव ग्रामपंचायतीचे कर्मचारी राजन राऊळ तसेच ग्रामस्थ मोठ्या संख्येने उपस्थित होते. तसेच नवी दिल्ली येथे डॉ.बाबासाहेब आंबेडकर या पुरस्काराने पुरस्कृत झालेले मळगांवचे सुपूत्र चंद्रकांत जाधव, दशावतार कला क्षेत्रात अभिनयाबरोबरच वेशभूषा व रंगभूषाकार म्हणून नावलौकिक व पुरस्कार मिळविलेले मळगांवचे दशावतार कलाकार संजय जोशी तसेच नवी दिल्ली येथील शरीर सौष्ठव स्पर्धेत प्रथम विजेतेपद पटकावलेले प्रथमेश कातळकर,नवी दिल्ली येथील याच शरीर सौष्ठव स्पर्धेत पाचव्या क्रमांकावर आलेले रामदास राऊळ, राज्यस्तरीय वक्तृत्व स्पर्धेत क्रमांक पटकावलेली युक्ता नार्वेकर, विज्ञान शाखा (बाॅटनी) पदवीधर तथा पंचम खेमराज महाविद्यालयात या विषयात प्रथम आलेली तसेच एफ. वाय, एस. वाय. व टी

वाय. बीएससी मध्येही पंचम खेमराज महाविद्यालयातून तसेच रामकृष्ण मोरे काॅलेज व सद्या शिक्षण घेत असलेल्या पुणे युनिव्हर्सिटी मधून (वनस्पती शास्त्र या विषयात) प्रथम आलेली हर्षदा कोंडये,सायकलिंग स्पर्धेत विक्रम प्रस्थापित करणारा मळगांवचा सुपूत्र संतोष उर्फ हरीश नार्वेकर हे सात सत्कार मुर्ती उपस्थित होते.

यावेळी पुढे बोलताना सौ. स्नेहल जामदार यांनी या सत्कार सोहळ्यास उपस्थित सत्कार मुर्ती व ग्रामपंचायत सदस्य तसेच ग्रामस्थ यांचे आभार व्यक्त केले.तर माजी सरपंच निलेश कुडव यांनी मळगांव मधील युवकांनी या सातही जणांचा आदर्श घेऊन पुढे यावेत अशी अपेक्षा व्यक्त केली. ग्रामपंचायत सदस्य आनंद देवळी,विद्यमान उपसरपंच हनुमंत पेडणेकर, माजी सरपंच गणेशप्रसाद पेडणेकर यांनीही आपले विचार मांडले.

यावेळी मळगांव ग्रामपंचायतीच्या वतीने करण्यात आलेल्या या सत्काराला उत्तर देताना चंद्रकांत जाधव यांनी “मळगांव ग्रामपंचायती मार्फत सरपंच व सदस्य तसेच गावातील ग्रामस्थांकडून करण्यात आलेला हा सत्कार व त्यांनी केलेले कौतुक आम्हा सातही सत्कार मूर्तींना प्रेरणादायी आहे. या सर्व सत्कार मूर्तीना अशी कौतुकाची थाप यापेक्षाही मोठ्या प्रमाणात संपूर्ण गावा समोर मिळायला हवी. यासाठी मळगांव ग्रामपंचायतीने पुढाकार घ्यावा. “अशी अपेक्षा रविवारी नुकताच नवी दिल्ली येथे डॉ. बाबासाहेब आंबेडकर हा पुरस्कार प्राप्त केलेले मळगांवचे सुपूत्र तथा समाजसेवक व माजी ग्रामपंचायत सदस्य चंद्रकांत जाधव यांनी व्यक्त केली. 1 मे कामगार दिवस तथा सिंधुदुर्ग जिल्हा स्थापना दिवसाचे औचित्य साधून मळगांव ग्रामपंचायतीच्या वतीने करण्यात आलेल्या सत्काराला उत्तर देताना चंद्रकांत जाधव हे बोलत होते.

यावेळी पुढे बोलताना चंद्रकांत जाधव यांनी,”आपण यापुढेही समाजकार्य करत राहणार आहे. गावातील इतर मुलांना पुढे आणण्यासाठी मळगांव ग्रामपंचायतीने कार्यक्रम करावा. मळगांव ग्रामपंचायतीला आणखी पुरस्कार मिळायला हवेत.” अशी अपेक्षा व्यक्त केली.

यावेळी सातही सत्कार मुर्तींचा यथोचित सत्कार करण्यात आला. आपल्या सत्काराला उत्तर देताना सत्कार मुर्ती संजय जोशी यांनी आपल्या या यशा मागे आपली आई तसेच शाळा व शाळेतील आजी माजी विद्यार्थी,ग्रामस्थ,मित्रमंडळी व सर्व हितचिंतक यांचे मोलाचे सहकार्य व पाठिंबा तसेच शाबासकीची थाप असून आपण वयाच्या 14 व्या वर्षापासून कला क्षेत्रात पदार्पण केल्यानंतर कलाकार व रसिक असे नाते निर्माण होण्याबरोबरच प्रेक्षकांचे प्रेम व प्रोत्साहन मिळवले.वर्ष 1995 पासून दशावतार नाट्य कलाकार म्हणून क्रियाशील झाल्यापासून विविध स्पर्धांमधून वैयक्तिक बक्षिसे मिळवली. तसेच अभ्यासात लक्ष नसल्याने आईचे बोल व मार्गदर्शन तसेच प्रेम या मुळे जीवनात दशावतार कलाकार तसेच मार्गदर्शक म्हणून नावलौकिक मिळवला. अनेक कलाकार निर्माण केले. यामध्ये नारायण आसयेकर, नितीन आसयेकर, रत्नाकर मांजरेकर, रमेश शिरोडकर, प्रथमेश मळगांवकर, साहील तळकटकर यांच्या सहीत असंख्य कलाकार व्यवसायीक दशावतार म्हणून नावारूपाला आणले. तर आपणास मत्स्यगंधा या दशावतार नाटकातील रंगभूषाकार म्हणून, तुका अभंग अभंग या नाटकासाठी रंगभूषाकार व वेशभूषाकार तर नारबाची वाडी, मर्डर मेस्त्री या चित्रपटात अभिनय तसेच वेंगुर्ला येथे झालेल्या स्पर्धेत खलनायक म्हणून सन्मान आदी विविध सन्मान आपण मिळवले असल्याचे सांगताना मळगांव वासियांकडून खुप प्रोत्साहन, सहकार्य मिळाल्याची भावना व्यक्त केली.

युक्ता नार्वेकर हिने ज्या भाषण वकृत्वाबद्दल तिला सन्मान मिळाला ते “बॅरिस्टर नाथ पै” यांच्यावरील भाषण सादर केले.

 

*_………….सविस्तर बातमीसाठी खालील लिंकवर क्लिक करा…._*

👇🏻👇🏻👇🏻👇🏼👇🏼👇🏼👇🏼👇🏼👇🏼👇🏼👇🏼👇🏼

 

———————————————

*😊खुशखबर! खुशखबर! खुशखबर!😊*

 

▪️ गुंतवणुकीची सुवर्णसंधी ▪️

 

*⚫व्यवसाय वाढीसाठी गुंतवणूकदार 💵💴पाहिजेत🧑🏻‍💼👩🏻‍💼 लहान-मोठे सर्व प्रकारचे गुंतवणूकदार आमंत्रित*

 

🏠आमच्याकडे गुंतवणूक करा आणि दर महा योग्य मोबदला💵🎊🎉 मिळवा..

*किंवा*

एक वर्षानंतर भरगोस परतावा मिळवा..

सर्व व्यवहार कायदेशीर अँग्रिमेंटने होतील.

 

*Contact :-* Hindustan Capital Securities

Shope no.4,- 1Floor, Aditya Busines Center Building, Gandhi Chouk, Sawantwadi.

 

Mob: *9403367839 / 7083369430*

___________________________

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🎴कोकण लाईव्ह ब्रेकिंग व्हाट्सअप ग्रुप*

https://chat.whatsapp.com/FlfSnzCIRRn7YNI3VaCzyj

 

*🖥️ कोकण लाईव्ह ब्रेकिंग*

_अचूक बातमी थेट हल्ला_