🛑 बँक ऑफ इंडियाच्या एटीएम मध्ये भरण्यासाठी नेत असलेली तब्बल 23 लाख रुपयांची रोकड लुटण्याची घटना..

*🎥 कोकण लाईव्ह ब्रेकिंग न्यूज*
_अचूक बातमी थेट हल्ला_

*✍️ प्रतिनिधी : संजय शेळके*

*🎴वैभववाडी, दि-१३ :-* बँक ऑफ इंडियाच्या एटीएम मध्ये भरण्यासाठी नेत असलेली तब्बल 23 लाख रुपयांची रोकड लुटण्याची घटना मंगळवारी भरदुपारी तळेरे वैभववाडी रस्त्यावर घडली. बँक ऑफ इंडियाच्या एटीएम मध्ये कॅश डिपॉझिट करणारे सेक्युअर व्हॅल्यू इंडिया लिमिटेड कंपनीचे कर्मचारी विठ्ठल खरात, संदेश कारीवडेकर हे मोटरसायकल वरून 23 लाख रुपये कॅश वैभववाडी येथील बँक एटीएम मध्ये डिपॉझिट करण्यासाठी कणकवलीहुन वैभववाडी च्या दिशेने निघाले होते. कणकवली च्या बँक ऑफ इंडियामधून 30 लाखाची रोकड खरात व कारीवडेकर यांनी घेतली व त्यातील 7 लाख रुपये कणकवली च्या बँक ऑफ इंडिया च्या एटीएम मध्ये डिपॉझिट केले. त्यानंतर उर्वरीत 23 लाख रुपये वैभववाडी येथील एटीएम मध्ये भरणा करण्यासाठी मोटरसायकलने जात होते. कोकीसरे रेल्वे फाटका अलीकडे गंगाळवाडी येथे मागून मोटरसायकलने आलेल्या तिघांनी खरात व कारीवडेकर यांच्या मोटारसायकलवर लाथ मारली. तसेच दोघांच्याही डोळ्यांत मसाला पूड मारली आणि त्यांच्या ताब्यातील रोख 23 लाख रुपये घेऊन तळेरे च्या दिशेने पोबारा केला. हा प्रकार आज दुपारी 2 :30 ते 2 :50 च्या दरम्यान घडला. भरदुपारी रस्त्यावर झालेल्या 23 लाख रोकडीच्या चोरीने खळबळ माजली असून याबाबत गुन्हा दाखल करण्याची कारवाई वैभववाडी पोलीस ठाण्यात सुरू आहे.