त्या दोघांना ताब्यात घ्या…कारीवडे-सोनुर्लीतील महिला आक्रमक

*सावंतवाडी ता.२१-:* एका खाजगी बँकेतील कर्मचारी मनोहर गावडे सुसाईड नोट लिहून बेपत्ता असून, त्याचा शोध लावण्यास पोलिसांना अद्याप पर्यंत यश आले नसल्याने सोनुर्ली आणि कारिवडे येथील महिला आक्रमक झाल्या असून, त्यानी आज थेट सावंतवाडी पोलिस स्थानकात धडक देत घेराव घालत जाब विचारला आहे. यावेळी त्यांनी सुसाईड नोट मध्ये उल्लेखित असणाऱ्या त्या दोन व्यक्तींना चौकशीसाठी जोपर्यंत ताब्यात घेत नाहीत. तोपर्यंत पोलिस स्थानकातून आपण हलणार नाही. असा इशारा दिला आहे.

यावेळी त्या महिलांनी मनोहर गावडे यांचा शोध घ्यावा आणि त्या दोन व्यक्तींची योग्य प्रकारे कसून चौकशी करावी अशी मागणी निवेदन देऊन केली आहे.