मसुरे खोत जुवा बेटावरील ग्रामस्थांना ग्रा.पं.वतीने लसीकरण मोहीम

मुख्यमंत्री उध्दव ठाकरे यांच्या वाढदिवसानिमित्त मसुरे खोत जुवा पूरग्रस्त बेटावर मसुरे मर्डे ग्रामपंचायत सरपंच संदीप हडकर उपसरपंच राजेश गांवकर यांच्या माध्यमातून खोत जुवा बेटावरील ग्रामस्थांना लसीकरण मोहीम राबविण्यात आली.
पूरग्रस्त खोत जुवा बेट हे चारही बाजूने पाण्यात वसलेलं असल्यामुळे बेटावरील नागरिकांना बोटीने येण्या जाण्यास त्रास सहन करावा लागतो काही वयोवृद्ध ग्रामस्थांना बोटीतुन जाण्यास येण्यास त्रास सहन करावा लागतो तसेच आलेल्या पुराच्या पाण्यामुळे चिखल जमा झाला असून रोगराई होण्याचा संभव लक्षात घेत पूरग्रस्त भागास प्रथम प्राधान्य म्हणून मसुरे मर्डे ग्रामपंचायत उपसरपंच राजेश गांवकर यांनी पुढाकार घेत.खोत ग्रामस्थांसाठी लसीकरण राबविण्यात आले.
यासाठी आरोग्य विभागातील कर्मचाऱ्यांनी सहकार्य केले या बद्दल खोतजुवा बांधवांनी आभार मानले.