🛑 सावंतवाडी तालुक्यातील इन्सुली गावातील तेरेखोल नदीची पातळी अचानक वाढल्याने अर्धा गाव पाण्याखाली..

🛑 उत्कर्ष युवक मंडळाच्या कार्यकर्त्यांनी जीवाची बाजी लावत केले मदतकार्य..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : अंकुश नाईक

🎴बांदा, दि-२४ :- सिंधुदुर्ग जिल्ह्यात पावसाने हाहाकार माजवला असुन अनेक ‌गावे ही पाण्याखाली गेली आहेत,अनेक ठिकाणी रस्ते खचुन,पुलं कोसळुन गावा-गावांचा संपर्क तुटला आहे.सावंतवाडी तालुक्यातील इन्सुली गावात आज पहाटेपासूनच तेरोखोल नदीने धोक्याची पातळी अचानक ओलांडली आणि गावात एकच हाहाकार उडाला,इन्सुली गावातील बिलेवाडी,गावठण,धुरीवाडी,कुडवटेंब,सावंतटेंब आणि डोबवाडी या वाड्यांमध्ये पहाटे सकाळी अचानक पाणी घुसले आणि बघता बघता सगळी घरे बुडु लागली,काही जणांनी घरांच्या टेरेसवर आसरा घेतला तर काही जणांनी घरांच्या छप्पराचा,सकाळचे १० वाजले तरी पाणी वाढतच होते परंतु जिल्हा प्रशासनाकडून कोणीच मदतीस येताना दिसत नव्हते शेवटी उत्कर्ष युवक मंडळाच्या कार्यकर्त्यांनी निर्णय घेतला आणि सावंतवाडी येथुन लाईफ जॅकेट आणि बॅरल बोट आणुन बचाव कार्यास‌ सुरुवात झाली.पुराच्या पाण्यात अडकलेल्या काहीजणांना स्थानिकांकडून मदत मिळाली परंतु काही घरापर्यंत बोटीशिवाय पोहचणे अवघड होते यावेळी मंडळाच्या कार्यकर्त्यांनी ड्रम बोटीच्या सहाय्याने जीवाची बाजी लावत घरात अडकलेल्या लोकांना बाहेर काढले.हे सर्व करताना खरी परीक्षा होती ती एकाच घरातील १६ जणांना सुखरूप बाहेर काढण्याची,सभोवताली पाणीच पाणी आणि त्या घरापर्यंत पोहोचायचं तर त्या घरासमोरुन वाहणारा ओहोळ अशावेळी पुन्हा ड्रम बोट पलटण्याची भिती परंतु उत्कर्ष युवक मंडळाच्या कार्यकर्त्यांनी संयमाने आणि युक्तीने त्या घरातील सोळाही जणांना सुखरूप बाहेर काढले.