🛑पिंगुळी पाझर तलाव प्रश्नी आमदार निलेश राणे यांचा सुताराम संबंध नसताना त्यांना बदनाम करण्याचा माजी आमदार वैभव नाईक यांचा केविलवाणा प्रयत्न!

*🛑पिंगुळी पाझर तलाव प्रश्नी आमदार निलेश राणे यांचा सुताराम संबंध नसताना त्यांना बदनाम करण्याचा माजी आमदार वैभव नाईक यांचा केविलवाणा प्रयत्न!*

 

*🛑स्वतःच्या राजकीय अपयशाचे खापर दुसऱ्याच्या माथी फोडण्यापेक्षा दहा वर्षांचा हिशेब द्या!*

 

*🛑पाझर तलावाच्या प्रश्नावर बाहेरचे नेते आणून राजकीय पोळी भाजणाऱ्यांनी आधी आत्मपरीक्षण करावे!*

 

*🎥 KOKAN LIVE BREAKING ||NEWS CHANNEL*

 

*✍️ संपादकीय : सीताराम गावडे*

 

*🎴सिंधुदुर्ग, दि- ०६:-* राजकारणात विरोध करायचा म्हणून विरोध करणे आणि एखाद्या लोकप्रतिनिधीला बदनाम करण्यासाठी प्रत्येक विषयात त्याचे नाव गोवण्याचा प्रयत्न करणे, यातील फरक विरोधकांनी समजून घेण्याची वेळ आता आली आहे. कुडाळ-मालवण मतदारसंघातील एखादा प्रश्न असो, ग्रामस्थांचे आंदोलन असो किंवा एखाद्या विकास प्रकल्पाविरोधातील लढा असो, प्रत्येक ठिकाणी आमदार निलेश राणे यांना ओढून त्यांच्यावर राजकीय निशाणा साधण्याचा जो काही केविलवाणा प्रयत्न सुरू आहे, तो केवळ हास्यास्पद नाही तर जनतेच्या विश्वासालाही तडा देणारा आहे.

प्रश्न पाझर तलावाचा आहे,पण विरोधकांचा निशाणा निलेश राणे!आमदार निलेश राणे यांनी आमदारकीची शपथ घेतल्यापासून कुडाळ-मालवण मतदारसंघातील विविध प्रश्नांना थेट विधिमंडळात वाचा फोडण्याचे काम केले आहे. अमली पदार्थांचा विळखा,अवैध दारूचे धंदे, सर्वसामान्य नागरिकांवरील अन्याय, स्थानिकांच्या समस्या आणि प्रशासनातील चुकीच्या कारभाराविरोधात त्यांनी विधानसभेत आवाज उठवला. विशेष म्हणजे सत्ताधारी पक्षाचे आमदार असूनही सरकारमधील चुकीच्या गोष्टींवर बोट ठेवण्याची हिंमत त्यांनी दाखवली. हीच खरी लोकप्रतिनिधीची जबाबदारी आहे.

मग अशा लोकप्रतिनिधीला प्रत्येक स्थानिक प्रश्नात विनाकारण ओढून बदनाम करण्याचा प्रयत्न कोणत्या राजकीय नैतिकतेत बसतो? एखाद्या विकास प्रकल्पाबाबत ग्रामस्थांच्या मनात शंका असतील, त्यांच्या जमिनी, पाणी, पर्यावरण आणि गावाच्या भवितव्याचा प्रश्न असेल, तर त्या प्रश्नांची उत्तरे मागणे हा ग्रामस्थांचा अधिकार आहे. मात्र त्या प्रश्नाला राजकीय रंग देऊन आमदार निलेश राणे यांना लक्ष्य करणे, हा विरोधकांच्या राजकीय हतबलतेचा नमुना म्हणावा लागेल.

*दहा वर्षे सत्तेत असताना काय केले, याचा हिशेब द्या!*

माजी आमदार वैभव नाईक यांना आज प्रत्येक विषयात निलेश राणे दिसू लागले आहेत. मात्र जनतेला एक साधा प्रश्न आहे. दहा वर्षे आमदारकी भूषवताना

कुडाळ-मालवणच्या विकासासाठी नेमके काय केले? कोणत्या महत्त्वाच्या प्रश्नावर विधानसभेत ठोस लढा दिला? कोणते प्रश्न कायमस्वरूपी मार्गी लावले? जनतेला दिलेल्या आश्वासनांपैकी किती पूर्ण केली?

आज निलेश राणे यांच्या प्रत्येक भूमिकेवर प्रश्नचिन्ह उपस्थित करण्यापेक्षा स्वतःच्या दहा वर्षांच्या कामाचा लेखाजोखा जनतेसमोर ठेवण्याची गरज आहे. राजकारणात आरोप करणे सोपे असते; पण कामाचा हिशेब देणे कठीण असते. त्यामुळे आरोपांच्या धुरळ्यात स्वतःचे राजकीय अपयश लपवण्याचा प्रयत्न जनतेच्या नजरेतून सुटणारा नाही.

*पिंगुळी ग्रामस्थांचा निर्धार; विकासकाची मस्ती चालणार नाही!*

पिंगळी येथे ग्रामस्थांशी संवाद साधताना आमदार निलेश राणे यांनी घेतलेली भूमिका त्यांच्या भाषणातील ठामपणा अधोरेखित करणारी होती. ‘निलेश राणेला विकत घेण्याची ताकद कोणातही नाही. माझ्याशी मांडवळीची भाषा करण्याची हिंमत महाराष्ट्रात कोणाची नाही,’ अशा शब्दांत त्यांनी आपली भूमिका स्पष्ट केली.

ग्रामस्थांच्या आशीर्वादामुळे आपण निवडून आलो असून त्यांच्या विश्वासाला कधीही तडा जाऊ देणार नाही, अशी ग्वाही त्यांनी दिली. गावाच्या हिताविरोधात कोणताही निर्णय होऊ देणार नाही, विकासकाची दादागिरी खपवून घेणार नाही आणि ग्रामस्थांना जे नको आहे ते त्यांच्या माथी मारले जाणार नाही, अशी ठाम भूमिका त्यांनी मांडली.

पाझर तलावातील पाण्याला विकासक हात लावू शकणार नाही, ग्रामस्थांच्या हक्कांवर गदा येऊ देणार नाही, असा विश्वासही त्यांनी व्यक्त केला. अर्थात, अशा आश्वासनांची खरी कसोटी ही त्यांची प्रत्यक्ष अंमलबजावणी आणि ग्रामस्थांच्या हिताचे संरक्षण यातच असेल.

*बाहेरचे नेते आणून स्थानिक प्रश्नांचे राजकारण कशासाठी?*

पिंगुळीच्या प्रश्नावर जयंत पाटील यांच्यासारख्या बाहेरील नेत्यांनी येऊन आश्वासने देण्यापेक्षा स्थानिक प्रश्नांची वस्तुस्थिती समजून घेणे महत्त्वाचे आहे. स्थानिक जनतेच्या प्रश्नांवर स्थानिक नेतृत्वानेच पुढाकार घ्यावा. बाहेरून नेते आणून गावागावांत राजकीय वातावरण तापविणे आणि ग्रामस्थांमध्ये मतभेद निर्माण करणे, हा काही विकासाचा मार्ग नाही.

जयंत पाटील यांच्या राजकीय कारकिर्दीबाबत आमदारांनी केलेल्या टीकेवर राजकीय प्रतिवाद होऊ शकतो; मात्र त्यापेक्षा महत्त्वाचा मुद्दा असा की पिंगुळीच्या ग्रामस्थांच्या प्रश्नांचे उत्तर राजकीय सभांमध्ये नव्हे, तर प्रत्यक्ष कृतीतून मिळायला हवे.

जमिनीचे व्यवहार सुरू झाले तेव्हा आमदार कोण होते?

या संपूर्ण प्रकरणातील सर्वात महत्त्वाचा प्रश्न म्हणजे पिंगळीतील संबंधित जागेचे व्यवहार आणि विकास प्रकल्पाची प्रक्रिया सुरू झाली, त्या काळात मतदारसंघाचे आमदार कोण होते? त्या वेळी या प्रकल्पाबाबत कोणती माहिती घेतली गेली? ग्रामस्थांच्या हिताचे संरक्षण करण्यासाठी काय प्रयत्न झाले? त्या काळातील लोकप्रतिनिधींनी आपली जबाबदारी कितपत पार पाडली?

आज निलेश राणे यांच्यावर आरोप करणाऱ्यांनी या प्रश्नांची उत्तरेही जनतेला द्यावीत. कोणत्याही प्रकल्पाबाबत दोष निश्चित करायचा असेल तर आरोप-प्रत्यारोपांपेक्षा कागदपत्रे, परवानग्या, व्यवहार आणि प्रशासनाची भूमिका तपासली पाहिजे. सत्य बाहेर आलेच पाहिजे; पण ते राजकीय सोयीप्रमाणे निवडकपणे बाहेर काढून चालणार नाही.

*आंदोलनाचे राजकारण की ग्रामस्थांच्या हक्कांचा लढा?*

पिंगुळीतील ग्रामस्थांनी उपोषण करून आपल्या प्रश्नांकडे प्रशासनाचे लक्ष वेधले, ही बाब स्वागतार्ह आहे. लोकशाहीत आंदोलन करण्याचा अधिकार प्रत्येक नागरिकाला आहे. मात्र कोणत्याही आंदोलनाला राजकीय पक्षीय रंग चढल्यास त्याचा परिणाम ग्रामस्थांच्या एकजुटीवर होऊ शकतो. माजी आमदार वैभव नाईक यांच्या सहभागामुळे काही ग्रामस्थ आंदोलनापासून दूर राहिल्याचा मुद्दाही चर्चेत आला आहे. याची वस्तुस्थिती तपासली जाणे आवश्यक आहे.

कारण हा प्रश्न निलेश राणे विरुद्ध वैभव नाईक असा नाही. हा प्रश्न पिंगुळीच्या ग्रामस्थांच्या पाणी, जमीन, पर्यावरण आणि भवितव्याचा आहे. त्यामुळे राजकीय श्रेयवाद बाजूला ठेवून ग्रामस्थांच्या मागण्यांना न्याय मिळणे हीच खरी प्राथमिकता असली पाहिजे.

*निलेश राणे यांना बदनाम करून नेतृत्व संपणार नाही!*

एखाद्या लोकप्रतिनिधीला राजकीयदृष्ट्या रोखायचे असेल तर त्याच्या कामाला कामाने उत्तर द्यावे लागते. प्रत्येक विषयात त्यांचे नाव गोवून, आरोपांची राळ उडवून आणि बाहेरच्या नेत्यांना आणून राजकीय वातावरण तापवून नेतृत्व संपत नसते. उलट जनतेच्या मनात संशय निर्माण होतो की विरोधकांकडे स्वतःचे मुद्दे उरले आहेत की नाहीत?

निलेश राणे यांनी कोणत्याही चुकीच्या कामात आपला सहभाग नसल्याची ठाम भूमिका घेतली आहे. त्यांचे नाव कोणत्याही प्रकरणाशी जोडायचे असेल तर ठोस पुरावे समोर आणावेत. केवळ राजकीय आरोपांच्या आधारे एखाद्याची प्रतिमा मलिन करण्याचा प्रयत्न करणे म्हणजे लोकशाहीतील जबाबदार राजकारण नव्हे.

*जनतेला विकास हवा की राजकीय तमाशा?*

कुडाळ-मालवणची जनता सुज्ञ आहे. कोण कोणासाठी लढले, कोणी किती काम केले, कोणी केवळ निवडणुकीपुरते दर्शन दिले आणि कोण आजही जनतेच्या प्रश्नांसाठी मैदानात आहे, याचा हिशेब जनता स्वतः ठेवते.

निलेश राणे यांना राजकारणातून संपवण्याचे स्वप्न पाहणाऱ्यांनी आधी स्वतःचे राजकीय अस्तित्व आणि जनतेतील विश्वास तपासावा. कारण जनतेचा विश्वास हा आरोपांच्या फुग्याने फुटत नसतो आणि राजकीय डावपेचांनी विकतही घेता येत नसतो.

पिंगुळीचा पाझर तलाव असो, जमिनीचे व्यवहार असोत किंवा मतदारसंघातील कोणताही प्रश्न असो — ग्रामस्थांच्या हिताशी तडजोड होता कामा नये. विकासक कितीही मोठा असो, राजकीय नेता कितीही ताकदवान असो, कायद्यापेक्षा आणि जनतेच्या हक्कांपेक्षा कोणीही मोठे नाही!

*राजकारणासाठी ग्रामस्थांचा वापर करू नका; ग्रामस्थांच्या प्रश्नांसाठी राजकारण करा!*

कारण कुडाळ-मालवणची जनता आता केवळ भाषणांना भुलणारी नाही. तिला कामाचा हिशेब हवा आहे, प्रश्नांची उत्तरे हवी आहेत आणि आपल्या गावाच्या भवितव्याची हमी हवी आहे. राजकीय आरोपांच्या धुरळ्यात हा मूलभूत प्रश्न झाकला जाणार नाही,एवढे मात्र निश्चित!

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_