🛑 झोळंबे अंगणवाडीवरून जाणारी धोकादायक वीजवाहिनी बदला ; सरपंचांची मागणी ; कोणताही अनुचित प्रकार घडल्यास प्रशासन जबाबदार..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : शंकर जाधव

🎴दोडामार्ग, दि-२५ :- झोळंबे येथील अंगणवाडीच्या इमारतीवरून गेलेली ११ केव्ही विद्युत वाहिनी पुर्णतः छपराला टेकली आहे.मात्र वारंवार तक्रारी करून सुद्धा संबंधित विभाग याकडे दुर्लक्ष करत आहे.त्यामुळे त्याठिकाणी कोणताही अनुचित प्रकार घडण्या आधी ती तात्काळ बदलण्यात यावी , अशी मागणी सरपंच राजेश गवस यांनी तहसीलदारांकडे केली आहे.दरम्यान योग्य ती कार्यवाही न झाल्यास संबंधित प्रशासनाला जबाबदार धरले जाईल , असा इशाराही त्यांनी यावेळी दिला.याबाबतचे निवेदन त्यांनी प्रसिद्धीस दिले आहे . त्यात असे नमूद करण्यात आले आहे की , याबाबत विज कंपनीकडे वारंवार तक्रारी करून सुध्दा त्या ठिकाणी अद्याप पर्यंत कोणी दखल घेतली नाही.तर पंचायत समितीच्या बैठकीत सुद्धा हा विषय उपस्थित करण्यात आला होता.दरम्यान तसा ठरावही मंजूर करण्यात आला.मात्र वीज मंडळ अधिकारी अजूनही सुशेगाद आहेत.त्यामुळे भविष्यात अंगणवाडी सुरू झाल्यानंतर त्याठिकाणी अपघात होण्याची शक्यता नाकारता येत नाही.त्यामुळे याची तात्काळ दखल घेऊन संबंधित विभागाला योग्य ते आदेश देण्यात , यावेत अन्यथा कोणताही अनुचित प्रकार घडल्यास त्याला संबंधित विभाग जबाबदार राहील , असा इशाराही श्री.गवस यांनी दिला आहे .