कणकवली शहरातील १३ वायरमनांचा सत्कार करत, रेनकोट देण्यात आले…

🎥कोकण लाईव्ह ब्रेकिंग न्युज

अचुक बातमी थेट हल्ला

✍️प्रतिनिधी : रविकांत मधुकर जाधव

🎴कणकवली : दि. २३ चक्रीवादळामध्ये अहोरात्र मेहनत घेत कणकवली शहरातील वीज पुरवठा कमी वेळामध्ये सुरळीत केल्याबद्दल आमदार नितेश राणे यांच्या वाढदिवसाचे औचित्य साधत नगराध्यक्ष समीर नलावडे यांच्या संकल्पनेतून कणकवली शहरातील १३ वायरमनांचा सत्कार करण्यात आला. केवळ त्या वायरमनांच्या कामाबद्दल कौतुकोद्गार न काढता पावसाळ्याच्या कालावधीत या वायरमनांना लागणाऱ्या चांगल्या दर्जाचे रेनकोट देत त्यांचा गौरव करण्यात आला.

कणकवली नगराध्यक्षांनी राबवलेल्या या उपक्रमाबद्दल वायरमनांमधून समाधान व्यक्त करण्यात आले. तसेच कनिष्ठ अभियंता श्री. कांबळे यांनी देखील या उपक्रमाबद्दल कौतुकोद्गार काढत वीज कर्मचारी यांनी केलेल्या कामाची नगरपंचायत व नगराध्यक्ष समीर नलावडे यांनी दखल घेतल्याबद्दल आभार व्यक्त केले.

पावसाळ्याच्या कालावधीत विद्युत कामे करत असताना अनेकदा वायरमन यांचे रेनकोट फाटतात. अत्यल्प मानधनावर असलेल्या या कर्मचाऱ्यांना स्वखर्चातून रेनकोट खरेदी करावे लागतात. अशा स्थितीत गरज ओळखून नगराध्यक्ष श्री. नलावडे यांनी राबवलेला हा उपक्रम स्तुत्य असल्याचे कौतुकोद्गार श्री. कांबळे यांनी काढले. कणकवली नगराध्यक्ष दालनात त्या १३ वायरमनांना रेनकोटचे वितरण करण्यात आले.

आमदार नितेश राणे यांच्या वाढदिवसाच्या निमित्ताने हा सामाजिक उपक्रम राबविण्यात आला. यावेळी नगराध्यक्ष समीर नलावडे, गटनेते संजय कामतेकर, नगरसेवक अभिजीत मुसळे,ऍड विराज भोसले, रवींद्र गायकवाड, कविता राणे, शिशीर परुळेकर, अजय उर्फ बंडू गांगण, बाळा सावंत, भाजपा शहराध्यक्ष अण्णा कोदे, किशोर राणे आदी उपस्थित होते.

यावेळी सागर शिवाजी कांबळे (साह्यक अभियंता), सुरेश गोविंद पवार, कृष्णा गंगाराम तांबे, रविकांत गोविंद सातवसे, श्रिकृष्णा मनोहर आचरेकर, यवलराव प्रवेश राऊत, सदानंद गोविंद सावंत, राॅबी पासियल फर्नान्डिस, वैभव यशवंत कोदे, अनिकेत पुंडलिक दाभोळकर, सुशांत काशिराम तांबे, जॅक्सन संतान म्हापसेकर, विनय दिलिप साटम, स्वप्निल सिद्धार्थ तांबे आदींचा सत्कार करण्यात आला.