टायर फुटल्याने कार धडकली संरक्षक कठड्यावर
*सावंतवाडी दि.२०-:*
भरधाव वेगात जात असताना अचानक टायर फुटल्याने मोटार रस्त्याच्या कडेला संरक्षक लोखंडी पट्टीला आदळून अपघातग्रस्त झाली. हा अपघात मुंबई-गोवा महामार्गावर नेमळे येथे आज सायंकाळी साडेचार वाजण्याच्या सुमारास घडला. दरम्यान या अपघातात सुदैवाने कोणतीही जीवितहानी झाली नाही. मात्र मोटारीचे मोठ्या प्रमाणात नुकसान झाले आहे.
याबाबत अधिक माहिती अशी की, अपघातग्रस्त मोटार गोव्याहून कुडाळच्या दिशेने भरधाव वेगात जात होती. दरम्यान नेमळे येथे मोटारीचा मागील टायर अचानक फुटला. यात चालकाचा कारवरील ताबा सुटल्यामुळे गाडी थेट रस्त्याच्या कडेला संरक्षक कठड्यावर धडकली. दरम्यान सुदैवाने एअर बॅग उघडल्याने चालकाला कोणती दुखापत झाली नाही. मात्र मोटारीचे मोठे नुकसान झाले आहे.
