खासदार विनायक राऊत यांचा वाढदिवस सिंधुदुर्ग जिल्ह्यात सेवाभावी व सामाजिक उपक्रमाने साजरा करणार…

🖥️Kokan Live Breaking News

✍️प्रतिनिधी : रविकांत जाधव

🎴कणकवली : ​​दि. १२ रत्नागिरी – सिंधुदुर्ग लोकसभा मतदार​ ​संघाचे खासदार विनायक राऊत यांचा वाढदिवस सिंधुदुर्ग जिल्ह्यात सेवाभावी व सामाजिक उपक्रमाने साजरा करण्यात येणार आहे. यानिमित्त कणकवली शहर, कणकवली तालुक्यासह सिंधुदुर्ग जिल्ह्यात भरगच्च सेवाभावी कार्यक्रमाचे आयोजन करण्यात आल्याची माहिती शिवसेना नेते संदेश पारकर यांनी पत्रकार परिषदेत दिली. कणकवली तालुक्यातील ​१२७ आशा​ ​सेविकांचा सत्कार भगवती मंगल कार्यालयात ​१५ मार्च रोजी सायंकाळी ​४ वाजता होणार आहे.

यावेळी केक कापून खासदार राऊत यांचा वाढदिवस साजरा केला जाणार आहे. कणकवली शहर शिवसेनेच्यावतीने ​५ हजार मास्कचे मोफत वाटप कणकवलीवासीयांना केले जाणार आहे. पालकमंत्री उदय सामंत, पाणीपुरवठा मंत्री गुलाबराव पाटील, माजी पालकमंत्री दीपक केसरकर, आमदार वैभव नाईक, जिल्हा संपर्क​ ​प्रमुख अरुण दुधवडकर, जिल्हाप्रमुख संजय पडते, जिल्हा बँक अध्यक्ष सतीश सावंत, अतुल रावराणे, महिला जिल्हाप्रमुख जान्हवी सावंत, नीलम सावंत, युवा सेना जिल्हाप्रमुख गीतेश कडू उपस्थित राहणार आहेत.

बॅ . नाथ पै, मधु दंडवते यांची समाजसेवेची यशस्वी परंपरा खासदार राऊत चालवत आहेत. दांडगा लोकसंपर्क असले​ले खासदार राऊत यांच्यावर ​​दिल्लीमध्ये शिवसेनेचे संसद गटनेते, महाराष्ट्र शिवसेना सचिवपदाची जबाबदारी आहे. मुख्यमंत्री तथा शिवसेना पक्षप्रमुख उद्धव ठाकरे यांचे अत्यंत विश्वासू साथीदार असलेल्या खासदार राऊत यांचे तळकोकणातील शिवसेनेच्या जडणघडणीत मोठे योगदान आहे.

कणकवली प्रमाणेच देवगड तालुक्यातील आशासेविकांचाही खासदार विनायक राऊत यांच्या वाढदिवसानिमित्त ​१८ मार्च रोजी सत्कार करण्यात येणार आहे. युवा सेनेच्यावतीने कणकवली शहरासह लगतच्या शाळांमध्ये विद्यार्थ्यांना मोफत मास्क आणि फळवाटप करण्यात येणार असल्याची माहिती युवासेना समन्वयक राजू राठोड यांनी दिली.

यावेळी कणकवली तालुकाप्रमुख शैलेश भोगले, उपजिल्हाप्रमुख राजू शेट्ये, नगरसेवक सुशांत नाईक, कन्हैया पारकर, संदेश पटेल, ऍड हर्षद गावडे, राजू राठोड, खारेपाटण विभागप्रमुख गोट्या कोळसुलकर, शहरप्रमुख शेखर राणे आदी उपस्थित होते.

🔥चुलीत भाजलेल्या काजु bbगरांची चवच न्यारी!🔥

💥एकदा खाल तर पुन्हा ऑर्डर कराल..

🌈चविष्ट, स्वच्छ आणि पौष्टिक काजूगर..

💫अस्सल चुलीवर भाजलेले काजूगर घरपोच मिळतील..

⚡..मग वाट कोणाची बघताय, लगेच ऑर्डर कराच!

🤷🏻‍♂️आजच संपर्क करा ⬇️
🥏9405184052 🪀
🥏9421544545 🪀

📤..फोन न लागल्यास मेसेज करा!

🎁मुंबई, पुणे, गोवा आणि सिंधुदुर्ग..

🎴कोकण लाईव्ह व्हॉट्सॲप ग्रुप👇🏻
https://chat.whatsapp.com/FV623wefvSF6vDqUQp8G22

🖥️ कोकण लाईव्ह ब्रेकिंग
अचूक बातमी थेट हल्ला