🛑 रक्तदाते हीच आमची खरी संपत्ती ; दयानंद गवस

🛑 ‘ऑनकॉल रक्तदाते संस्था’ आणि पत्रकार संघ व रोटरीतर्फे रक्तदात्यांचा सन्मान

🎥 KOKAN LIVE BREAKING || NEWS CHANNEL

✍️ ब्युरो न्यूज : कोकण लाईव्ह ब्रेकिंग

🎴सावंतवाडी, दि-१५:– “राज्यात रक्त न मिळाल्याने अनेकांना आपला जीव गमवावा लागल्याचे मी पाहिले आहे. मात्र, सिंधुदुर्ग जिल्ह्यात अनेक रक्तदाते सामाजिक भान ठेवून कार्यरत आहेत आणि हे रक्तदातेच आपली खरी संपत्ती आहेत,” असे प्रतिपादन ऑनकॉल रक्तदाता संघटनेचे अध्यक्ष तथा निवृत्त उपविभागीय पोलीस अधिकारी दयानंद गवस यांनी केले. सावंतवाडी येथे आयोजित भव्य रक्तदान शिबिर आणि रक्तदाता सन्मान सोहळ्याप्रसंगी अध्यक्षीय मनोगत व्यक्त करताना ते बोलत होते.

‘रक्तदान श्रेष्ठ दान’ या उक्तीला सार्थ ठरवत, १४ जून रोजीच्या ‘जागतिक रक्तदाता दिना’चे औचित्य साधून ‘ऑनकॉल रक्तदाते संस्था, सिंधुदुर्ग’, ‘सावंतवाडी तालुका पत्रकार संघ’ आणि ‘रोटरी क्लब ऑफ सावंतवाडी’ यांच्या संयुक्त विद्यमाने या भव्य रक्तदान शिबिराचे आणि रक्तदाता सन्मान सोहळ्याचे आयोजन करण्यात आले होते. या कार्यक्रमाचे उद्घाटन रो. प्रमोद भागवत यांच्या हस्ते आणि दयानंद गवस यांच्या प्रमुख उपस्थितीत झाले.

यावेळी व्यासपीठावर दयानंद गवस यांच्यासह रोटरी क्लब ऑफ सावंतवाडीचे अध्यक्ष रो. प्रमोद भागवत, नॅब असोसिएशनचे अध्यक्ष अनंत उचगावकर, सावंतवाडी तालुका पत्रकार संघाचे अध्यक्ष सचिन रेडकर, कोमसाप शाखा सावंतवाडी अध्यक्ष दीपक पटेकर, सोशल मीडिया जिल्हाध्यक्ष अमोल टेमकर, ऑनकॉलचे सचिव बाबली गवंडे आणि रक्तपेढी तंत्रज्ञ (एसएसपीएम) मनीष यादव आदी उपस्थित होते.

याप्रसंगी रक्तदान चळवळीत मोलाचे योगदान देणाऱ्या अनेक ‘रक्तमित्रां’ना सन्मानचिन्ह देऊन गौरवण्यात आले. यामध्ये पत्रकार सचिन रेडकर, निलेश मोरजकर, प्रा. रुपेश पाटील, सुभाष परुळेकर, जतिन भिसे, अमोल टेमकर, लुमा जाधव, राजू तावडे आणि विनायक गावस यांचा मान्यवरांच्या हस्ते सत्कार करण्यात आला. तसेच ऑनकॉल रक्तदाता संस्थेचे अमोल गोवेकर, सागर येराम, सखाराम नाईक, राहुल खरात, नितेश सावंत, आर्यन मयेकर, गौरेश गवंडी, श्रेयस राऊळ, मंगेश माणगावकर, सिद्धार्थ पराडकर, श्रीया माणगावकर, महेश रेमुळकर, सुहास राऊळ, स्वप्नील जाधव, गुंडू साटेलकर, प्रसाद परब आणि पंढरी सावंत यांचाही सन्मान करण्यात आला. विशेष म्हणजे, १०८ वेळा रक्तदान करून शतकी विक्रम करणारे नॅब असोसिएशनचे अध्यक्ष अनंत उचगावकर यांचा पत्रकार संघाकडून विशेष सत्कार करण्यात आला. हॉर्टीकल्चर कॉलेज ऑफ मुळदेच्या विद्यार्थिनींनी रक्तदान शिबिरात सक्रिय सहभाग घेतला, त्यांचाही प्रातिनिधिक स्वरूपात गौरव करण्यात आला.

कार्यक्रमात उपस्थितांनी मनोगत व्यक्त केली. कोमसाप सावंतवाडीचे अध्यक्ष दीपक पटेकर यांनी रक्तदान कार्याला शुभेच्छा देत हे कौतुकास्पद असल्याचे म्हटले. नॅबचे अध्यक्ष अनंत उचगावकर यांनी रक्तदान हा आपला आवडता विषय असून, हे कार्य पैशांनी उपलब्ध होत नसून त्यासाठी सामाजिक जाणीव लागते असे नमूद केले. पत्रकार संघाचे अध्यक्ष सचिन रेडकर यांनी रक्तदान हे श्रेष्ठ दान असल्याचे सांगत, रोटरी आणि ऑनकॉल रक्तदाता संघटनेची साथ लाभल्याने भविष्यात असेच समाजोपयोगी उपक्रम राबवणार असल्याचा विश्वास व्यक्त केला.

कार्यक्रमाचे उद्घाटक रो. प्रमोद भागवत यांनी पत्रकारांच्या आरोग्य शिबिरानंतर आयोजित रक्तदान आणि दात्यांचा गौरव सोहळा कौतुकास्पद असल्याचे म्हटले. रोटरी कायम सामाजिक कार्यात सक्रिय राहील असे मत त्यांनी व्यक्त केले.

याप्रसंगी रोटरी क्लबचे रो. राजू पनवेलकर, रो. दिलीप म्हापसेकर, ज्येष्ठ पत्रकार अभिमन्यू लोंढे, राजू तावडे, मोहन जाधव, राजेश मोंडकर, पत्रकार संघाचे सचिव विजय राऊत, उपाध्यक्ष हर्षवर्धन धारणकर, खजिनदार रामचंद्र कुडाळकर, सहसचिव विनायक गावस, प्रा. रुपेश पाटील, दीपक गावकर, रुपेश हिराप, निलेश मोरजकर, लुमा जाधव, जतिन भिसे, अनिल भिसे, नागेश पाटील, साबाजी परब, वासुदेव होडावडेकर, श्रेया निंबाळकर, प्रणाली गिम्हावणेकर, स्नेहल फडतरे, सिद्धी दिवेकर, प्राजक्ता चिंदरकर, नेहा मोरे, क्रिष्णाली पोल, वृक्षाली काळे, ईश्वरी राणे, शियाली थोरात, निकिता सोनटक्के, ज्ञानश्री पाटील, आरोही सावे, मनस्वी खामकर, सुनिल कोरगावकर, रामा वाडकर आदी उपस्थित होते. कार्यक्रमाचे प्रास्ताविक महेश रेमुळकर यांनी केले, सूत्रसंचालन विनायक गावस यांनी केले, तर खजिनदार रामचंद्र कुडाळकर यांनी उपस्थितांचे आभार मानले.

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_