🛑हाती काम मुखी हरिनाम हे ब्रीद समोर ठेवून कोकण व्हिलेज सोशल फाउंडेशनने उचललेले पाऊल दिशादर्शक : डॉ. विश्वनाथ सावंत.

*🛑हाती काम मुखी हरिनाम हे ब्रीद समोर ठेवून कोकण व्हिलेज सोशल फाउंडेशनने उचललेले पाऊल दिशादर्शक : डॉ. विश्वनाथ सावंत.*

 

*🛑पूळास बांबरवाडी येथे संस्थेमार्फत गोठ्यांचा उदघाटन सोहळा संपन्न.*

 

*🎥 KOKAN LIVE BREAKING ||NEWS CHANNEL*

 

*✍️ प्रतिनिधी : सहदेव राऊळ*

 

*🎴कुडाळ, दि- १३:-* हाती काम – मुखी हरिनाम हे ब्रीद समोर ठेवून “कोकण व्हिलेज सोशल फाउंडेशन पुणे” या सामाजिक क्षेत्रात काम करणाऱ्या संस्थेने उचललेले पाऊल कोकणच्या सर्वांगीण विकास आणि परिवर्तनासाठी दीपस्तंभसारखे दिशादर्शक ठरतील, असे प्रतिपादन संस्थेचे अध्यक्ष डॉ. विश्वनाथ सावंत यांनी कुडाळ येथील पूळास बांबरवाडी येथे केले.

कुडाळ तालुक्यातील पूळास बांबरवाडी येथे या संस्थेमार्फत पशुपालनातून दुग्ध व्यवसायाला चालना देण्यासाठी गोठ्यांचा उदघाटन सोहळा या शीर्षकाखाली एक भव्य कार्यक्रम आयोजित केला होता. यावेळी डॉ. सावंत बोलत होते.

कार्यक्रमाच्या अध्यक्षस्थानी सेवानिवृत्त मुख्याध्यापक सी. एस. सावंत होते. यावेळी संस्थेचे सचिव श्री. किरण गावडे, उपसरपंच आत्माराम सावंत, पशुवैद्यकीय अधिकारी डॉ. व्ही. एस. कविटकर, फलोत्पादन तज्ञ डॉ. महेश शेडगे, मनोहर दळवी, श्री.अशोक पवार,.सुधीर गुंजाळ, दिलीप सावंत, एल.जी .सावंत, पोलीस पाटील भरत झोरे आदी मान्यवर व्यासपीठावर होते.

डॉ. सावंत पुढे म्हणाले, विविध खात्यात सेवा बजावून निवृत्त झालेल्या पाच व्यक्तींनी एकत्र येत पुणे येथे कोकण व्हिलेज सोशल फाउंडेशन ही सेवाभावी संस्था स्थापन केली आहे.

सुदैवाने आयुष्यात आम्ही स्वतः च्या पायावर उभा राहण्यास यशस्वी झालो. पण मागे वळून पाहिले असता आपण ज्या सुंदर कोकण भूमीत जन्माला आलो, लहानाचे मोठे झालो, ती परशुरामाची भूमी कालांतराने निर्मनुष्य होणार की काय, अशी भीती व्यक्त होत आहे. राज्यकर्त्यांना त्याच काहीच देणं घेण नाही. आपली जन्मभूमी वाचवायची असेल तर आपण तिचे पांग फेडले पाहिजेत, या उदात्त हेतूने आम्ही *कोकण वाचवा ही भूमिका घेत वाटचाल करणार असल्याची भावना त्यांनी व्यक्त केली. म्हणूनच सह्याद्री रांगाच्या कुशीत वसलेल्या पण सर्वांगीण विकासापासून खूप दूर असलेल्या तसेच वाट्यास ७० ते ८० टक्के जमीन खडकाळ व डोंगराळ आलेल्या पुळास गावाची प्रथम निवड केली. महामंडळाची एसटी गावात न गेलेले जिल्ह्यातील एकमेव गाव म्हणजे पुळास असेल. म्हणूनच हे गाव मॉडेल म्हणून निवडलेले आहे. हा प्रयोग यशस्वी झाल्यानंतर टप्प्याटप्प्याने ही मोहीम संपूर्ण जिल्ह्यात रुजवणार असल्याचा मनोदय त्यांनी व्यक्त केला आहे. मात्र ही वाटचाल विज्ञान आणि अध्यात्म यांचा सुरेल संगम साधत हाती काम मुखी हरिनाम या ब्रिदाला सोबत घेऊनच केली जाईल, असेही त्यांनी ठामपणे सांगितले. कोकणातील बेरोजगार तरुणांना याच ठिकाणी रोजगार उपलब्ध करून देऊन मुंबई पुणे सारख्या शहरांकडील स्थलांतर थांबवणे, क्षणिक आमिषाला बळी पडून परप्रांतीयांना होत असलेली जमिनीची विक्री थांबवणे, अविवाहित तरुणांची लग्न जुळवणे, गावकी, भावकी, रावकी व देवकी यांच्यात समतोल ठेवून पूर्वीच्या काळातील कोकणचा समृद्ध वारसा जोपासणे, शेती, फळबागा आणि पशुधनाला प्राधान्य देणे आदी महत्त्वाच्या मुद्द्यावर डॉ. सावंत यांनी मुद्देसूद माहिती मांडून प्रत्येकाला आत्मपरीक्षण करायला लावले.

सर्वांगीण विकासाचा आपण हाती घेतलेला हा पूळास पॅटर्न संपूर्ण सिंधुदुर्ग जिल्ह्याला प्रेरणास्त्रोत ठरेल, असे काम या संस्थेमार्फत करणार असल्याचा मनोदय यावेळी त्यांनी व्यक्त केला. या मोहिमेची सकारात्मक सुरवात म्हणूनnसंस्थेच्या माध्यमातून तब्बल सहा शेतकऱ्यांना दहा सुसज्ज व आधुनिक प्रकारचे गोठे बांधून देऊन त्यांचे रीतसर उदघाटनही पार पडले. प्रत्येक गोठ्यात दहा ते पंधरा पाळीव जनावरे धरल्यास तब्बल १oo ते १२५ गायी, म्हैशी राहू शकतात. यावेळी प्रमुख मार्गदर्शक म्हणून डॉ. एस. व्ही. कविटकर यांनी शास्त्रशुद्ध पशुपालन व्यवसाय कसा करावा याबाबत अत्यंत महत्त्वाची माहिती विशद केली. येथील शेतकरी लहान वासरांचे जीवापाड संगोपन करतो आणि ती मादी व्यायला झाली की क्षणिक पैशाच्या आमिषाला बळी पडून विकून टाकतो. म्हणजे आपण कच्चामाल आणतो.

तो पक्का करतो आणि उत्पादन घ्यायची वेळ येते तेव्हा तो विकून टाकतो. दुग्ध व्यवसायात सिंधुदुर्ग जिल्हा मागे पडण्यासाठी हे एक फार मोठे कारण असल्याचे सांगून कविटकर यांनी प्रत्येकाला अंतर्मुख करायला लावले. डॉ. महेश शेडगे यांनी शास्त्रशुद्ध पशुपालन व फळ झाडांची लागवड कशी करावयाची याची सविस्तर माहिती कथन करून उपस्थितांना आश्वासित करताना कोकणी अन् भात बोकणी ही म्हण आपल्याला बदलावयाची असेल तर शेती, फळबागा बरोबर गोधन व पशुधन हा कोकण विकासाचा गाभा समोर ठेवून वाटचाल करावी लागेल, असे शेडगे यांनी सांगितले.

सचिव किरण गावडे यांनी संस्थेची भावी वाटचाल कशी राहील याबाबत विचार मांडले. अध्यक्षीय भाषणातून.सी. एस. सावंत यांनी या संस्थेचे तोंड भरून कौतुक केले. कार्यक्रमाचे सूत्रसंचालन कोराणे सर यांनी केले. कार्यक्रम यशस्वी होण्यासाठी सुधीर गुंजाळ व बापू सावंत यांच्या नेतृत्वाखाली दहा ते पंधरा तरुणांच्या टीमने अथक परिश्रम घेतले.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

_*🏠कोकणातील आपल्या हक्काच्या घराचं स्वप्न आम्ही पूर्ण करु🏘️*_

 

*🏝️कोकणातील निळाशार समुद्र व ✈️चीपी विमानतळापासुन जवळच आपले स्वप्नातले घर चला घेऊया🏘️*

 

*🏬दाभोलीनाका वेंगुर्ला “पाटील चेंबर्स” या सिंधुदुर्ग जिल्ह्यातील पहिलीच ७ मजली फायर सिस्टीम च्या सुविधांसह मोजकेच फ्लॅट, ऑफीसेस शिल्लक.*

 

*🏜️वेंगुर्ला हॉस्पीटल नाका येथे ९ गुंठे चा प्लॉट विकणे आहे*

 

*⚜️सावंतवाडी, रेस्ट हाऊस जवळ, सालईवाडा येथील “पारिजात हाईटस्” या इमारतीमध्ये फ्लॅट व दुकानगाळे उपलब्ध*

 

*⭕सावंतवाडी, मिलाग्रीस हायस्कूल जवळ नियोजीत सुरू होणाऱ्या इमारतीमध्ये फ्लॅट,ऑफीस व दुकानगाळे उपलब्ध*

 

 

बुकींगसाठी संपर्क:-

*बी.पी. डेव्हलपर्स अॅण्ड बिल्डर्स*

प्रोप्रा.श्री.बाबासाहेब पां. पाटील

मोबा. नं. ७७०९०४६४६५/७७०९०४५४६१

 

*ऑफीस:-* पाटील टॉवर, गवळी तिठा, सावंतवाडी फो.नं. ०२३६३-२७१६५५

 

*Email:-* bpdevelopersandbuilders@rediffmail.com

 

*🛏️रत्नेश प्रिमीयम (लॉजींग)🛌🏻*

 

रूम्स उपलब्ध – एसी. व नॉन एसी रूम्स, डॉमेट्री, एक्झीकेटीव्ह सुट एस.टी. स्टैंड समोर, पाटील टॉवर, गवळी तिठा, सावंतवाडी

 

*📱फो.नं.* ०२३६३-२७१६५५/७७०९०४५४६७

—————————————-

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_