🛑 रोणापालमध्ये २५ दिवसांपासून वीजपुरवठा बंद ; शेतकरी संतप्त

🛑 लवकरात लवकर वीजपुरवठा सुरळीत न झाल्यास आंदोलनाचा इशारा ; शेतकरी राजेश मयेकर

🎥 KOKAN LIVE BREAKING || NEWS CHANNEL

✍️ प्रतिनिधी : प्रशांत मोरजकर

🎴सावंतवाडी, दि-११:– सावंतवाडी तालुक्यातील मौजे रोणापाल येथील वीजपुरवठा गेले २५ दिवसांपासून खंडित असून, ग्रामस्थ आणि शेतकऱ्यांमध्ये तीव्र नाराजी पसरली आहे. महावितरणच्या बांदा शाखेचे कनिष्ठ अभियंता श्री. ठाकूर यांना वारंवार लेखी व तोंडी तक्रारी करूनही कोणतीही ठोस कार्यवाही करण्यात आलेली नाही.

या भागाचे वायरमन उमेश कोरगावकर यांनी तुटलेल्या विद्युत वाहिन्या बाजूला करून ठेवल्या असल्या, तरी दुरुस्तीच्या बाबतीत केवळ “आज करतो, उद्या करतो” अशा थातूरमातूर प्रतिक्रिया देत असल्याची तक्रार शेतकरी राजेश मयेकर यांनी केली आहे.

नारायण आजगावकर, सुनील नाईक, प्रसाद सावंत आदी शेतकऱ्यांचे वीजपुरवठा बंद असल्याने शेतीला मोठे नुकसान सहन करावे लागत आहे. विशेषतः गेल्या आठवडाभरात पावसानेही हुलकावणी दिल्यामुळे शेती कोरडी पडली असून, नुकसान आणखी वाढले आहे.

या संदर्भात उपकार्यकारी अभियंता श्री. राक्षे यांच्याशी संपर्क साधण्याचा प्रयत्न करण्यात आला, मात्र त्यांच्याकडूनही कोणतेही समाधानकारक उत्तर मिळाले नसल्याचे शेतकऱ्यांचे म्हणणे आहे.

त्वरित वीजपुरवठा सुरळीत न झाल्यास महावितरणच्या बांदा कनिष्ठ अभियंता-२ यांच्या कार्यालयात ठिय्या आंदोलन करण्याचा इशारा राजेश मयेकर यांनी आपल्या प्रसिद्धी पत्रकाद्वारे दिला आहे.