🛑 विद्युतभारीत वाहिनीचा स्पर्श होऊन मळगाव रेडकरवाडी येथे गायीचा जागीच मृत्यू

🛑 अंदाजे सत्तर हजार रुपयांचे नुकसान

🎥 KOKAN LIVE BREAKING || NEWS CHANNEL

✍️ प्रतिनिधी : सहदेव राऊळ

🎴सावंतवाडी, दि-०६:- विद्युतभारीत ११ केव्ही लाईन तुटून अंगावर पडल्याने मळगाव रेडकरवाडी येथील सेहवाल जातीची एक दुभती गाय जागीच गतप्राण झाली. ही घटना आज सायंकाळी सहा वाजण्याच्या सुमारास घडली. या दुर्दैवी घटनेत शेतकरी गोपाळ सदाशिव सातार्डेकर यांचे अंदाजे सत्तर हजार रुपयांचे आर्थिक नुकसान झाले आहे. या घटनेची माहिती मिळताच त्वरित वीज वितरण कंपनीच्या अधिकाऱ्यांशी संपर्क साधून वीजपुरवठा खंडित करण्यात आल्याने पुढील अनर्थ टळला. याबाबत सविस्तर वृत्त असे की, शेतकरी गोपाळ सातार्डेकर हे नेहमीप्रमाणे सायंकाळी तीन गाईंना नजीकच्या शेतात चारण्यासाठी घेऊन गेले होते. याचवेळी त्या भागातून गेलेली ११ केव्हीची उच्च दाबाची विद्युत वाहिनी तुटून खाली असलेल्या एलटी लाईनवर पडली. दुर्दैवाने, त्याच ठिकाणी चरत असलेल्या सेहवाल जातीच्या एका गाईला तुटलेल्या ११ केव्ही लाईनचा स्पर्श झाला. ११ केव्ही लाईनचा विद्युत प्रवाह एलटी लाईनमधून प्रवाहित झाल्याने, शेतकरी गोपाळ सातार्डेकर यांच्या डोळ्यादेखत ती गाय तडफडून मृत्यू पावली. सुदैवाने सातार्डेकर आणि त्यांच्या अन्य दोन गायी घटनास्थळापासून थोड्या लांब असल्याने मोठा अनर्थ टळला. शेतकरी गोपाळ सातार्डेकर यांनी अलीकडेच शासकीय योजनेतून दुग्ध व्यवसायासाठी तब्बल ७० हजार रुपयांच्या सेहवाल जातीच्या तीन गाई घेतल्या होत्या. आजच्या घटनेत त्यांची एक मौल्यवान गाय दगावल्याने त्यांना मोठा आर्थिक फटका बसला आहे. ही घटना घडताच सातार्डेकर यांनी प्रसंगावधान राखत त्वरित याची माहिती ग्रामस्थांना दिली. ग्रामस्थांनी तातडीने सरपंच हनुमंत पेडणेकर यांना कल्पना दिली. सरपंच पेडणेकर यांनीही तात्काळ वीज वितरण कंपनीच्या अधिकाऱ्यांशी संपर्क साधून वीजपुरवठा खंडित करण्याची मागणी केली. त्यांच्या सूचनेनुसार, त्वरित विद्युत पुरवठा खंडित करण्यात आला. या घटनेनंतर पशुवैद्यकीय अधिकाऱ्यांनाही त्या ठिकाणी बोलावून मृत गाईचा पंचनामा करण्यात आला. यावेळी महावितरणचे उप अभियंता शैलेश राक्षे तसेच महावितरणचे अन्य अधिकारी व कर्मचारी उपस्थित होते. या दुर्दैवी घटनेबाबत ग्रामस्थांमधून हळहळ व्यक्त करण्यात आली असून, वीज वितरण कंपनीच्या कारभाराबाबतही तीव्र नाराजी व्यक्त करण्यात आली आहे. या गंभीर प्रकाराबद्दल वीज वितरण कंपनीने जबाबदारी स्वीकारून संबंधित शेतकऱ्याला तात्काळ नुकसान भरपाई मिळवून द्यावी व वीज वितरण कंपनीने तुटलेल्या तारांची त्वरित दुरुस्ती करावी आणि भविष्यात असे अपघात टाळण्यासाठी योग्य उपाययोजना करावी, अशी मागणी यावेळी उपस्थित असलेल्या ग्रामस्थांनी केली आहे.

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_