🛑मळगाव इंग्लिश स्कूलच्या १९९२ दहावी बॅचचा स्नेहमेळावा उत्साहात संपन्न

*🛑मळगाव इंग्लिश स्कूलच्या १९९२ दहावी बॅचचा स्नेहमेळावा उत्साहात संपन्न*

 

*🛑खवणे बीचवर लुटला कायाकिंग व समुद्रस्नानाचा आनंद*

 

*🎥 KOKAN LIVE BREAKING ||NEWS CHANNEL*

 

*✍️ प्रतिनिधी : सहदेव राऊळ*

 

*🎴सावंतवाडी, दि- २२:-* तालुक्यातील मळगाव इंग्लिश स्कूल मळगावच्या १९९१-९२ च्या दहावीच्या माजी विद्यार्थ्यांचा तिसरा वार्षिक स्नेहमेळावा काल रविवारी वेंगुर्ला तालुक्यातील खवणे बीच येथे मोठ्या उत्साहात पार पडला. यावेळी शाळेच्या अविस्मरणीय दिवसांच्या जुन्या गोड-कडू आठवणींना उजाळा मिळाला.

साल २०२३ मध्ये या बॅचचे हे बालपणीचे मित्र-मैत्रिणी तब्बल ३३ वर्षांनंतर पहिल्यांदा एकत्र आले होते. जशी शाळा सहलीची आठवण व्हावी त्याप्रमाणे आपणही दरवर्षी स्नेहमेळावा करावा, असे ठरविण्यात आल्याप्रमाणे रविवारी (२० एप्रिल रोजी) या बॅचचे हे माजी विद्यार्थी पुन्हा एकदा एकत्र आले. यंदाचे स्नेहमेळाव्याचे हे तिसरे वर्ष आहे. वेंगुर्ले तालुक्यातील खवणे येथील ‘ब्लू लगुन हॉटेल’च्या रमणीय परिसरात या स्नेहमेळाव्याचे आयोजन करण्यात आले होते.

शाळा म्हणजे केवळ शिक्षण नव्हे, तर संस्काराची शिदोरी आणि उज्ज्वल भविष्याची दिशा असते. याच शाळेतील बालमित्र-मैत्रिणी अनेक वर्षांनंतर पुन्हा एकत्र आल्याने आनंदाला पारावार नव्हता. सुरुवातीला सर्वांनी एकत्र येत मळगाव इंग्लिश स्कूलला भेट दिली. त्याननंतर शालेय सहलीप्रमाणे हे ३५ शालेय सवंगडी बसने वेंगुर्ल्याच्या दिशेने रवाना झाले. बसमधून जाताना गाणी, भेंड्या, भजने म्हणत दहा वाजता सर्वजण खवणे बिचला पोहोचले. या स्नेहमेळाव्यात जुन्या आठवणींच्या हिंदोळ्यावर सगळे मित्र-मैत्रिणी रमले होते. पुणे, मुंबई आदी ठिकाणाहून आपल्या शालेय मित्रांच्या भेटीच्या ओढीने एकत्र आलेल्या या सर्व बालपणीच्या मित्र मैत्रिणींच्या चेहऱ्यावरील आनंद ओसंडून वाहत होता. काही जण तर पहिल्यांदाच भेटत असल्याने त्यांच्यातील उत्साह आणि उत्सुकता विशेषत्वाने जाणवत होती. कार्यक्रमाचे आयोजन दोन सत्रांमध्ये करण्यात आले होते. सर्वप्रथम गणेश भजनाने पहिल्या सत्रातील कार्यक्रमाला सुरुवात झाली. ‘आज भी हम जवान है’ या संकल्पनेवर आधारित मनोरंजनात्मक खेळ आणि कार्यक्रमांची रेलचेल होती. उपस्थितांनी आपल्या अंगी असलेली विविध कला-कौशल्ये सादर करत वातावरण उत्साहाने भारून टाकले. दुपारच्या भोजनानंतर हिंदी, मराठी गाण्यांची अंताक्षरी, संगीतखुर्ची, गायन,वादन, प्रश्न मंजुषा आणि मजेदार ‘फनी गेम्स’ रंगले. काही मित्र-मैत्रिणींनी नृत्याविष्कार सादर करत सगळ्यांना ताल धरायला लावला. दुसऱ्या सत्रात खवणे बीच येथील समुद्रात कायाकिंगचा अनुभव घेण्यात आला. मित्र-मैत्रिणींनी एकत्रित आणि वेगवेगळ्या बोटींमधून कायाकिंगचा आनंद लुटला. त्यानंतर सायंकाळच्या रमणीय वेळेत खवणे बीचवर समुद्रात मनसोक्त डुंबण्याचा आनंद घेतला. वाढत्या वयाचा विसर पडून सगळे जण लहान मुलांप्रमाणे समुद्राच्या लाटांवर स्वार झाले आणि बालपणीच्या आठवणींमध्ये रमून गेले. या स्नेहमेळाव्यात आपल्या बालपणीच्या मित्रांना भेटल्यामुळे अनेकांनी आपल्या भावना व्यक्त केल्या. ही भेट आणि या आठवणी पुढील आयुष्यात प्रेरणा आणि उत्साह देत राहतील, असे मनोगत अनेकांनी व्यक्त केले. सायंकाळी उशिरा पुन्हा पुढील वर्षी उत्साहात आणि नव्या ठिकाणी पुन्हा भेटण्याचा संकल्प करत एकमेकांचा निरोप घेतला. या स्नेह मेळाव्यात हरिष नार्वेकर, पराग सामंत, निलेश राऊळ, सोनाली परब, योजना राऊळ, मनीषा तानावडे, सुवर्णा ठाकूर, वैशाली रेडकर, मदन शिरोडकर, छाया तानावडे, गीता गावडे, विजय गावडे, विजय मेस्त्री, मनोज मळगावकर, शंकर गावकर, आनंद राणे, विद्या रेडकर, सुनीता राऊळ, गणपत मांजरेकर, बाबा नेवगी, नवनिता शिरोडकर, संदीप तानावडे, गजानन मेस्त्री, सरिता राऊळ, गजानन लातये, साळू माळकर, अरुण राऊळ, छाया राऊळ, कृष्णा पेडणेकर, प्रमिला पडवळ आदी १९९१-९२ दहावी बॅचचे माजी विद्यार्थी मोठ्या संख्येने उपस्थित होते. कार्यक्रमाचे उत्कृष्ट सूत्रसंचालन मनोज मळगावकर आणि श्रुती रेडकर यांनी केले, तर संपूर्ण कार्यक्रमाचे व्यवस्थापन हरिष नार्वेकर यांनी सांभाळले. या सोहळ्याच्या यशस्वीतेसाठी योजना राऊळ-जामदार, मनीषा तानावडे, मदन शिरोडकर, गजानन मेस्त्री, सोनाली परब आणि इतर सहकाऱ्यांनी विशेष परिश्रम घेतले.

*सविस्तर बातमीसाठी खालील लिंक वर क्लिक करा…….👇👇👇👇*

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_