🛑 संगतीनं ओलांडला अवघड घाट.. चुकलो जिथ मी तिथं दाविली तू वाट..

🛑 परक्या माणसाला सुद्धा आपलेसे करणारे व्यक्तीमत्व म्हणजे सीताराम गावडे

🛑 कोकण लाईव्ह ब्रेकिंग न्युज चे संपादक सीताराम गावडे वाढदिवस विशेष

🎥 KOKAN LIVE BREAKING || NEWS CHANNEL

✍️ उपसंपादक : प्रतिक राणे

🎴सावंतवाडी, दि-१०:- या २१ व्या शतकात प्रत्येक जण स्वतःसाठी व आपल्या कुटुंबासाठी जगत असतो. मात्र या २१ व्या शतकात असे देखील काही मोजकेच लोक असतात जे स्वतः साठी न जगता इतरां साठी व समाजातील प्रत्येक घटका साठी जगत असतात त्या पैकीच एक म्हणजे जेष्ठ पत्रकार, कोकण लाईव्ह ब्रेकिंग न्युज चॅनल चे संपादक, सावंतवाडी मराठा समाजाचे तालुका अध्यक्ष श्री. सीताराम गावडे साहेब. आज सीताराम गावडे यांचा वाढदिवस..एका सामान्य कुटुंबात त्यांचा जन्म झाला त्यांच्या लहान पणीच त्यांच्या वडीलांचे छत्र हरपले, त्यानंतर त्यांच्या आईने त्यांचा सांभाळ केला. जर आज त्यांची आई या जगात जिवंत असती तर त्या आईला देखील सीताराम गावडे यांचा सार्थ अभिमान वाटला असता.

उच्च विचारसरणी आणि साधी रहाणीमान असलेले व्यक्तिमत्त्व म्हणजे सीताराम गावडे जे त्यांच्या भोवती असलेल्या लोकांना नेहमीच प्रेरणा देते. ते केवळ एक व्यक्ती नाहीत, तर मानवतेचे एक जिवंत उदाहरण आहेत. लोकांची मदत करणे, त्यांच्या समस्या समजून घेणे, आणि कोणावर जर अन्याय होत असेल तर त्याच्या न्यायासाठी भांडणे हा त्यांचा जीवनक्रम आहे. सीताराम गावडे यांचे सर्वांत मोठे वैशिष्ट्य म्हणजे परक्या व्यक्तीला आपलेसे करण्याची कला. ते एखाद्या व्यक्तीला भेटले की सहज आपलेसे करून घेतात, मायेने त्याच्याशी बोलतात, त्याची विचारपूस करतात, ते माणसांमध्ये जात, धर्म, भाषा, किंवा आर्थिक स्थितीचे भेदभाव करत नाहीत. त्यांचा माणुसकीवरील विश्वास इतका प्रबळ आहे की लोक आपोआपच त्यांच्याकडे आकर्षित होतात. मदतीच्या एका हाकेसरशी ते सदैव हजर असतात.सत्य हे त्यांच्या जीवनाचे ब्रीद आहे. कितीही अडचणी आल्या तरीही सत्यासाठी लढण्याची त्यांची तयारी असते. मोडेन पण वाकणार नाही असे त्यांचे व्यक्तिमत्व आहे. समाजात होत असलेले अन्याय,अत्याचार व भेदभाव यांविरोधात त्यांनी अनेकदा आवाज उठविला आहे. त्यांच्या या लढाऊ वृत्तीमुळेच अनेकांना योग्य न्याय मिळालेला आहे.याचे उत्तम एक उदाहरण म्हणजे काही महिन्यांपूर्वी मळेवाड येथे चिरे खाणित काम करणाऱ्या कामगाराच्या पाच ते सहा वर्षाच्या मुलीचा तिच्या डोक्यावर चिरा पडून तिचा जागीच मृत्यू झाला होता. त्या मुलीला त्याच ठिकाणी दफन केले होते, आणि त्या मुलीच्या आई वडीलांच्या हातावर पैसे टेकवून त्यांच्या गावी त्यांना पाठवण्यात आले होते. या गोष्टीची खबर संपूर्ण गावात व आसपास होती मात्र संबंधित खाण मालकाच्या विरूद्ध कोणिही ब्र काढण्याच्या मनस्थितीत नव्हता मात्र दहा दिवसानंतर एका माणसाकडून सीताराम गावडे यांना फोन आला व ही घटना कळली, त्यानंतर सीताराम गावडे यांनी या घटनेवर परखडपणे लिहिले त्यानंतर पोलीस प्रशासन व महसूल प्रशासन खडबडून जागे होत घटनास्थळी जात तो मृतदेह बाहेर काढून संबंधित पाषाण हृदयाच्या ही घटना करणाऱ्या व्यक्तींवर कारवाई करण्यात आली अशा पद्धतीने अवघ्या सहा वर्षाच्या मृत मुलीला त्यांनी न्याय मिळवून दिला.तसेच दारू,गांजा, चरस, गुटखा या विरोधात नेहमीच ते परखडपणे आपले लेख लिहीत असतात.असे लेख लिहिल्यामुळे त्यांना अनेक धमक्या या अनेक वेळा येत असतात तर त्यांच्यावर काही वेळा हल्ले देखील करण्यात आले आहेत.मात्र असल्या हल्ल्यांना सीताराम गावडे यांनी भीक न घालता आपली परखड पत्रकारिता सुरूच ठेवली आहे.

त्यांचा धडाडीपणा आणि निर्णयक्षमतेमुळे ते इतरांसाठी नेहमीच प्रेरणास्थान ठरले आहेत. समस्यांवर उपाय शोधताना त्यांचा दृष्टिकोन नेहमीच सकारात्मक असतो. “समस्या असते, तर तिच्यावर उपायही असतो” हा त्यांचा दृष्टिकोन आहे.

सीताराम गावडे हे केवळ आपल्या कृतीमुळे नाही तर आपल्या शब्दांमुळेही लोकप्रिय आहेत. त्यांची साधी, पण परिणामकारक भाषा प्रत्येकाला भिडते. त्यांच्या सल्ल्याचा आणि अनुभवाचा उपयोग लोकांना नेहमीच होतो.सिताराम गावडे हे फक्त एक नाव नसून, समाजासाठी समर्पित असलेले एक व्यक्तिमत्व आहे. त्यांचे कार्य आणि जीवनशैली हे आपण प्रत्येकाने आदर्श म्हणून घेतले पाहिजे. अशा व्यक्तीमुळेच समाजात सकारात्मक बदल होऊ शकतो असे माझे ठाम मत आहे.

*संगतीनं ओलांडला अवघड घाट.. चुकलो जिथ मी तिथं दाविली तू वाट..*

माझी व सीताराम गावडे यांची भेट ही एका कामा निमित्त झाली होती. या एका भेटेतच त्यांनी माझी पारख केली. त्यांनी मला सुरुवातीला साटेली- भेडशी चा प्रतिनिधी म्हणून जबाबदारी दिली, त्यानंतर लगेच काही महिन्यांनी मला तालुका प्रतिनिधी केले. मी या पत्रकार क्षेत्रात नवीन होतो तेवढीशी आवड मला या पत्रकारीता क्षेत्राची नव्हती, मात्र सीताराम गावडे यांच्या व्यक्तिमत्त्वाने प्रेरीत होऊन या क्षेत्राची मला आवड निर्माण झाली. त्यानंतर दोन वर्षां नंतर सीताराम गावडे यांनी असा निर्णय घेतला की माझ्या आयुष्याला एक नवी दिशा मिळाली त्यांनी मला माझ्या अवघ्या २१ व्या वर्षी माझ्यावर कोकण लाईव्ह ब्रेकिंग न्युज चॅनलच्या उपसंपादक पदाची जबाबदारी दिली. एवढ्या कमी वयात त्यांनी माझ्यावर विश्वास दाखवला. माझ्या प्रत्येक सुख दुःखात ते नेहमी सामील होतात. माझ्यावर येणाऱ्या संकटां वेळी ते ढाल कसे माझ्या पाठीशी उभे राहतात.

श्रीकृष्णाने गोवर्धन पर्वत उचलून गोकुळ वासीयांना आलेल्या मोठ्या संकटातून वाचवले तेव्हा त्या गोकुळ वासीयांना जेसे वाटले त्या प्रमाणेच मी सीताराम गावडे या माणसाच्या हाताखाली काम करताना मला वाटते अश्या या माझ्या गुरुवर्यांना माझ्या कडून वाढदिवसाच्या खुप खुप शुभेच्छा🌹🌹 त्यांना उदंड, निरोगी आणि दिर्घायुष्य लाभो हीच गणराया चरणी प्रार्थना 🌹🌹 पुन्हा एकदा त्यांना उदंड आयुष्याच्या अनंत शुभेच्छा..