म्हापण तेलीवाडी येथे विहीरीत पडला बिबट्या

वन विभागाच्या कर्मचाऱ्यांनी बिबट्याला विहिरीतून काढले सुखरूप बाहेर

प्रतिनिधी समीर चव्हाण

वेंगुर्ला – म्हापण तेलीवाडी येथील सुधाकर चव्हाण यांच्या विहिरीत रात्री उशिरा शिकारीच्या शोधत आलेला बिबट्या वाघ विहिरीत पडला. बिबट्याला पाहण्यासाठी लोकांनी बरीच गर्दी केली होती. बराच वेळ त्याने विहिरीतून बाहेर येण्याचा प्रयत्न केला मात्र त्याला बाहेर येता आले नाही. जमलेल्या लोकांनी बिबट्याला  बाहेर काढण्यासाठी वनविभागाला घटनास्थळी बोलावून घेतले.

यानंतर वन विभागाच्या कर्मचाऱ्यांनी घटनास्थळी दाखल होत बिबट्याला विहिरीतून सुखरूप बाहेर काढले.