🛑 होय दिशा चौकेकर अंगात रक्ताचा एक थेंबही नसताना जगत होती..

🛑 वेंगुर्ला पोलिसांचा अजब शोध ; डोक्याला खोल घाव पडलेला असताना सुद्धा एक थेंब रक्त बाहेर आले नाही..

🛑 अंगावरील रक्ताचे कपडे, पंचनाम्यात नाहीत..

🎥 KOKAN LIVE BREAKING || NEWS CHANNEL

✍️ संपादकीय : सीताराम गावडे

🎴सावंतवाडी, दि-१४:- होय आम्ही जबाबदारीने व गांभीर्याने सांगत आहोत दिशा चौकेकर ही अंगात रक्ताचा एकही थेंब नसताना सुद्धा जगत होती ,जिवंत होती , हा आम्ही लावलेला शोध नाही तर वेंगुर्ला पोलिसांचा महान शोध आहे,या शोधासाठी भविष्यात त्यांना भारत रत्न पुरस्काराने सन्मानित करण्यात येईलच ..त्याचं एकमेव कारण जेव्हा दिशा चौकेकर हीचा मृत्यू झाला तिचे डोके फुटले तेव्हा तिच्या डोक्यातून रक्ताचा एकही थेंब बाहेर पडला नाही ,म्हणजेच ती बिन रक्ताची जगत होती, हा वेंगुर्ला बहाद्दूर पोलिसांचा तपास.

डोके फुटल्यानंतर डोक्यातून एक थेंबही रक्त खाली पडले नाही किंवा कपड्यावर आढळले नाही डोक्यात खोलवर दोन इंच जखम, अशी जखम फरशीवर पडून होते आणि पोलीस त्या फरशीवरील रक्त कुठे गेले? कपड्यावरील रक्त कुठे गेले?याचा तपास न करता हातावर हात धरून बसतात याचेच आश्चर्य वाटते, म्हणूनच आम्ही जबाबदारीने ने सांगतो की दिशा चौकेकर ही पंचायत समितीचे विस्तार अधिकारी बिना रक्ताची जगत होती.

मृत्यूस्थळावरील संपूर्ण परिस्थिती संशयास्पद असताना पोलीस हातावर हात धरून बसले आहेत, ज्या दोरीने दिशा चौकेकर हिने आत्महत्या केली असे भासवले जात आहे ती दोरी तीस ते चाळीस किलोचे वजन सुद्धा घेऊ शकत नाही, एवढी बारीक आहे, शिवाय ज्या ठिकाणी आत्महत्या केली असे सांगितले जाते ती उंची 15 ते 17 फूट आहे व ज्या टेबलावरून दोरीवर टाकली त्या टेबलाची उंची तीन फूट आहे व दिशा ची उंची पाच फूट चार इंच मग साधारणपणे आठ फुटापर्यंत पोहोचलेली उंची 16 फुट उंचीवर रशी टाकून त्या रशीला गाठ कशी काय मारू शकते व गाठ मारून आत्महत्या केली असे जर त्यांचे म्हणणे असेल तर रशीचे तीन तुकडे करून कोणी ठेवले? वर मारलेले गाठ कोणी सोडवली? व का सोडली? दिशा च्या गळ्याचा फास कसा गायब झाला? व कोणी केला? भिंतीवर हाताचे ठसे कोणाचे होते? याचा तपास पोलिसांनी का केला नाही? या सर्व गोष्टी दिशाच्या घातपाताला पुष्टी देतात, असे असतानाही वेंगुर्ला पोलीस कोणाच्या दडपणाला बळी पडून हा घातपात दाबत आहेत?

दिशा चौकेकर हिला न्याय देण्यासाठी महिला संघटना पुढे का आल्या नाहीत? दिशा चौकेकरच्या माहेरच्या व्यक्ती टाहो फोडून ही आत्महत्या नाही असे सांगत असताना त्यांच्या मदतीला तिच्या वृध्द आईच्या मदतीला सामाजिक संघटना का पोहोचल्या नाहीत? या सर्व प्रश्नांची उत्तरे आज पर्यंत मिळाली नाहीत म्हणूनच आम्ही गांभीर्याने सांगतो जर हा घातपात नसेल तर दिशा चौकेकर अंगात रक्त नसतानाही जगत होती तिच्या अंगात एक बाटली ही रक्त नव्हते म्हणूनच एवढी मोठी जखम होऊन सुद्धा तिच्या डोक्यातून एक थेंबही रक्त बाहेर आले नाही व त्याचा तपास ही पोलीस करू शकले नाहीत हे सगळ्यात मोठे आश्चर्य आहे.

एरव्ही मुलीच्या माहेरच्या मंडळींनी एखाद्या मुलीचा हुंडाबळी वर संशय व्यक्त केल्या तर संबंधित व्यक्तीविरुद्ध गुन्हा दाखल केला जातो ,त्याचा तपास होतो मात्र या ठिकाणी पोलिसांनी मुलीच्या माहेरकडच्या लोकांचे जबाब नोंदवून घेऊन फक्त कागदी घोडे नाचवत ते प्रकरण जबाब फाईल बंद केले असे दिसून येते. मुलीचा भाऊ माजी नगरसेवक सुनील पेडणेकर तिची वृद्ध आई, तिचा पुतण्या यांनी ती आत्महत्या नाही घातपात असल्याबाबतचे जबाब देऊन सुद्धा पोलिसांनी कोणतीही कार्यवाही केली नाही याचाच अर्थ वेंगुर्ला पोलीस कोणाच्या तरी दबावाखाली काम करतात हे सिध्द होते.

कोणी किती काही सांगितले तरी घटनास्थळावरील वस्तू पाहता तो घातपातच असल्याचा प्रथम दर्शनी सिध्द होत असताना त्या दृष्टीने पोलिसांनी तपास करणे गरजेचे होते ,मात्र पोलिसांनी कोणताही तपास केला नाही ,दिशा चौकेकरच्या घातपाताला आत्महत्येचे लेबल लावून त्यांना ती फाईल बंद करायची होती,तपासी अंमलदारांनी एकच लक्षात ठेवावे भगवंताच्या काठीचा आवाज होत नाही त्याचा मार बसतोच, प्रेताच्या टाळुवरील लोणी खाण्याचा प्रयत्न कोण करत असेल तर त्याला परमेश्वर कधीच माफ करणार नाही.

वेंगुर्ला पोलीसांनी अजूनही शहाणे होऊन या घटनेच्या मुळाशी जाऊन पेडणेकर कुटुंबीयांना न्याय मिळवून द्यावा अशी आमची रास्त मागणी आहे ,दिशा चौकेकर हिच्या मृत्यूच्या घटनेच्या वेळी तिचा पती त्याचवेळी बाजारात जातो तो बाजारातून परत येण्यापूर्वी तिची आत्महत्या होते. तिला गळफासावरून खाली उतरताना ती पडते व डोके फुटते मात्र एक थेंबही रक्त बाहेर येत नाही ..त्या रशीचे तीन तुकडे करून ठेवले जातात.. हा एकंदरीत प्रकार संशयास्पद असून त्याचा तपास होणे गरजेचे होते ,मात्र पोलिसांनी कुणाच्या दबावाखाली पुरावा डोळ्यासमोर असताना तपास शून्य केला.

सुरुवातीपासून पोलीस ती आत्महत्या आहे असे भासवण्याचा प्रयत्न करीत होते, त्यामुळे तो घातपात आहे या दृष्टीने पोलिसांनी कधीच तपास केला नाही व तशी त्यांची मानसिकताही नव्हती, मात्र दिशा च्या माहेरच्या मंडळीशी बोलताना घटनास्थळावरील वस्तूस्थिती संशयास्पद असल्याचे तपासी अधिकारी मला सांगत होते मात्र प्रत्यक्षात तसा कोणताही तपास त्यांनी केला नाही. त्यामुळे मृत्यू प्रकरणाला एक महिना होत आला तरी अद्याप न्याय मिळाला नाही याबाबत तपासी अंमलदार यांच्याकडून सगळी माहिती गोळा करून माहितीच्या अधिकारात ती घेऊन त्यांनी केलेल्या तपासाला उच्च न्यायालयात आव्हान देऊन खूनाचा तपास अडकला म्हणून त्यांच्या विरोधात रीट दाखल करण्याचा विचार सुरू आहे व त्या दृष्टीने कार्यवाही सुरू आहे, न्यायालयीन लढ्यात तिला न्याय मिळेल की नाही हे माहिती नाही मात्र घातपाताचे सगळे पुरावे असतानाही पोलिसांनी आत्महत्याचे लेबल लावून त्या दृष्टीने केलेल्या तपास यावरून वेंगुर्ला पोलिसांची तपास कार्यक्षमता शून्य असल्याचे दिसून येते..

 

 

*………….सविस्तर बातमीसाठी खालील लिंक वर क्लिक करा…….👇👇👇👇*

 

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/G0QkRHSM8pVG6G6esWNkkp

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_