🟥 सावधान मी सावंतवाडीचा बस स्टॅण्ड बोलतोय…असा मी तसा मी ; सावंतवाडी बस स्टॅंड

🎥 Kokan Live Breaking News

✍️ ब्युरो न्यूज : कोकण लाईव्ह ब्रेकिंग

🎴सावंतवाडी, दि-०१:- दचकू नका , होय ,माझीच घरघर तुम्ही ऐकलीत. कदाचित ही अखेरची घरघर…अखेरचा श्वास असेल आता माझ्या अंगात जराही ताकद उरलेली नाही.पुन्हा तुम्हा वाडकरांशी बोलण होईल की नाही ते सांगता येणार नाही.वाडीची शान… वाडीचा. मान अन् वाडीची जान असलेला मी कधी कोसळेन सांगता येणार नाही.सध्या दिसत असलेला हा जिर्ण -शिर्ण डोलारा अजूनही मी माझ्या दुबळ्या बाहूंनी कसाबसा तोललाय.पण…पण आणखी कितीवेळ हे जमेल ते सांगता येणार नाही.

माझी अवस्था बघितलीत? आवारात आणि आतही खड्डेच खड्डे आहेत…तुटके गळके पत्रे….लटकत असलेले लोखंडी दांडे…. लाईटच्या लोंबकळत्या वायर्स …मळक्या..उदास रंग उडालेल्या..डागळलेल्या …कपळे पडलेल्या भिंती…कसबस तग धरलेल्या छतावर कोळीष्टाकांच्या उदास नक्षी .

आवारात मोकाट फिरणारी भटकी कुत्री .जिथे गाड्या लागतात…तिथे साचलेले चिखलाचे पाणी.

कोपऱ्यात बंद असलेला वाडकरांचा पेपर स्टॉल….

बंद असलेल उपहारगृह… काळोखा परीसर कुठचच जिवंतपणाच लक्षणच दिसत नाही.

आताचा सिंधुदुर्ग जिल्हा विचारात घेतला तर सर्वात जुने अस हे सावंतवाडीच आगर म्हणजे

मी , बर का! आज विकलांग व केविलवाण्या अवस्थेत उभा आहे. इथ आल्यावर प्रवाश्याच्या चेहऱ्यावर उदासी पसरलेली मला स्पष्ट दिसते.कधीकाळी माझा दिमाख माझा रूबाब काही

औरच होता. महाराष्ट्रातला सर्वात शेवटाचा डेपो अशी माझी ओळख होती. इथेच गोव्यात व कर्नाटकात जाणाऱ्या एस.टी गाड्या इंधन भरून घेत.

माझा दबदबा व गवगवा महाराष्ट्रात सर्वदूर होता. बाहेरून येणारे माझ रूपड बघून सुखावत तर इथून बाहेर जाणारे माझ गुणगान गातच रवाना होत.कोकणरेल्वे सुरू होण्यापूर्वी मे महिन्यात….गणपतीला व दिवाळीला अक्षरशः शंभरावर गाड्या माझ्या कुशीत विसावत. महाराष्ट्राच्या कानाकोपऱ्यातून गाड्या माझ्याकडे येत. येणारे चालक व वाहक माझा दिमाख बघून दंग होत नकळत ते माझी तुलना आपल्या आगराशी करत त्यांची चर्चा ऐकून मी सुखावत असे. असंख्य सुख: दुखाचे क्षण मी या माझ्या डोळ्यांनी टिपलेयत.

पतीला निरोप द्यायला आलेली ..पाणवलेल्या डोळ्यांची सखी…सजनी ..पत्नी. आपला ऐकुलता एक मुलगा…शिक्षणासाठी किंवा नोकरीसाठी परगावी जातोय म्हणून उदास झालेले आईवडील…तर सीमेवरून रजेवर येत असलेल्या जवानाची आतुरतेने वाट पहाणारी…पत्नी…किती

आठवणी सांगू? खूप वर्षांपूर्वी ‘ इमान’ या चित्रपटाचे चित्रीकरण माझ्याच आवारात झाल होत.नायक संजीवकुमार एस.टी.तून खाली उतरून…समोर उंचावर असलेल्या बंगल्यात जातो अस ते दृश् होत.त्यावेळी हे चित्रीकरण बघण्यासाठी सारा परीसर माणसांनी फूलून गेला होता.मला तर प्रचंड आनंद झाला होता.या निमित्ताने सार्या भारतभर मी पडद्यावर झळकलो होतो. माझ्या समोर प्रांत ऑफिस आहे.तिथे पूर्वी कापराचे झाड होत..त्यावरून येणारा मंद गंधित वारा मला जागता ठेवायचा. पाठीमागे वाळके मास्तरांची सुप्रसिद्ध व्यायामशाळा…एका हाताला श्री दत्तांचे मंदीर . दुसऱ्या ‌हाताला वाडीची सुप्रसिद्ध चितारआळी. मोतीतलावावरून येणारा गार वारा उन्हाळ्यात माझ्यासाठी विंझणवारा होता.

मी कोकणरेल्वे…सहा आसनी गाड्यांचे आव्हानही पचवले.माझ्या कडे येणाऱ्या प्रवाशांचा

ओढा फारसा कमी झाला नाही.पण आज काळाचा घणाघात मला पचवता येत नाहिय. लालपरीच घर…चालक -वाहकांच विश्रांतीस्थान असलेला मी,

आज माझीच अवस्था बघून ढसाढसा रडतो आहे.माझी व्यथा …माझी गाथा कुणाला सांगू हे कळेना. आज आजरा…कुडाळ इथल्या आगरांनी कात टाकलीय अस इथे येणारे चालक व वाहक बोलत असतांत. ते ऐकून माझी उदासी आणखीनच वाढते.एकच गाडी सावंतवाडी असा फलक लावून राज्यभर फिरणाऱ्या गाड्यांच घर मात्र ढासळलेल्या अवस्थेत आलेय हे कुणाला सांगूनही खर वाटणार नाही.समोरच्या खडड्यांतून टेचकाळात चालणारे प्रवाशी बघून माझा जीव टांगणीला लागतो आहे.हेच फल काय मम तपाला? अशी माझी अवस्था झालीय. आता जादा बोलवत नाही धाप लागलीय.

तुम्हाला ती कविता आठवतेय…

एक पक्षिणी आपल्या पिल्ल्लांना अखेरचा घास भरवताना म्हणते..

तुम्हास अती अंती

चा कवळ एक मी आणिला

करो जतन यापुढे प्रभुपिता अनाथा सदा…

…मातीत ते पसरले अतीरम्य पंख

केले उदर वरी पाढुंर ते अंग

…अगदी अशीच माझी अवस्था झालीय…म्हणून

अखेरचा हा तुला दंडवत…

*एक भयानक वास्तवादी सत्य*

 

 

*……….. सविस्तर बातमीसाठी खालील लिंक वर क्लिक करा…….👇👇👇👇*

 

_________________________

 

*_💥कोकणवासीयांच्या ज्वलंत प्रश्नांवर प्रकाशझोत टाकणारे डॅशिंग न्यूज चॅनल..🔥_*

 

*_💥गोरगरिबांवरील होणाऱ्या अन्यायाला वाचा फोडणारे दिलासादायक व्यासपीठ..🔥_*

 

*🔥💥 कोकण लाईव्ह ब्रेकिंग 💥🔥*

_*अचूक बातमी थेट हल्ला*_

 

*🌐 जाहिराती व बातम्यांसाठी आजच भेट द्या….⬇️*

*♦संपादक : सीताराम गावडे*

*📱संपर्क : +919423304856*

 

*♦ब्युरो चीफ : विशाल पित्रे*

*📱संपर्क : +919405475712*

 

*▪️मुख्य कार्यालय*

*कोकण लाईव्ह ब्रेकिंग*

आस्था कॉम्प्युटर शेजारी,अजिंक्य लॉज खाली, बस स्टॅन्ड पाठीमागे

ता.सावंतवाडी, जि. सिंधुदुर्ग

——————————–

 

*🎴कोकण लाईव्ह ब्रेकिंग व्हाट्सअप ग्रुप*

 

https://chat.whatsapp.com/Cjzc6ZFBkl7JH6OQ0yQYy2

————————————-

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_