मळगांव ग्रामपंचायत मळगांवच्या वतीने “आजादी का अमृत महोत्सव” या सोहळ्याचा सांगता सोहळा आयोजित

सांगता सोहळ्यामध्ये माजी सैनिक तसेच सर्व शाळांमधून विविध स्पर्धांमधून पहिल्या तीन क्रमांकामध्ये आलेल्या विद्यार्थी-विद्यार्थीनींचे सत्कार

सावंतवाडी (सुखदेव राऊळ)

मळगांव ग्रामपंचायत मळगांवच्या वतीने “आजादी का अमृत महोत्सव” या सोहळ्याचा सांगता सोहळा आयोजित करण्यात आला आहे. आज बुधवार दिनांक 17 आॅगस्ट 2022 रोजी दुपारी 3.00 ते सायंकाळी 6.00 यावेळेत हा सोहळा मळगांव येथील खानोलकर मंगल कार्यालय येथे साजरा केला जाणार आहे.या सोहळ्यात ग्रामस्थ,विद्यार्थी- विद्यार्थीनी, शिक्षक- शिक्षिका व सत्कार मुर्ती यांनी उपस्थित रहावे, असे आवाहन मळगांव सरपंच स्नेहल जामदार,उपसरपंच हनुमंत पेडणेकर,सर्व सदस्य व ग्रामविकास अधिकारी यांनी केले आहे.

या सांगता सोहळ्यामध्ये माजी सैनिक तसेच सर्व शाळांमधून विविध स्पर्धांमधून पहिल्या तीन क्रमांकामध्ये आलेल्या विद्यार्थी-विद्यार्थीनींचे सत्कार होणार आहेत.तसेच यावेळी बचत गटांचे सांस्कृतिक कार्यक्रम व शाळेच्या मुलांचे समूहगान हे कार्यक्रम होणार आहेत. या सोहळ्याचा लाभ मळगांव ग्रामस्थ, दुकानदार, व्यवसायिक, महिला बचत गटाच्या महिला यांनी घ्यावा, असे आवाहन करण्यात आले आहे.