घोटगे कब्बडी लीग पर्वात “देव स्वयंभू” विजेता

May 30, 2022 Pratik Rane

Kokan Live Braking News

प्रतिनिधी : प्रतिक राणे

दोडामार्ग, दि-३०:- घोटगे येथील श्री.सातेरी देवींच्या वर्धापनानिमित्त घोटगे ग्रामस्थ आयोजित मा.जि.प शिक्षण व आरोग्य सभापती डॉ अनिशा दळवी पुरस्कृत भव्य कब्बडी स्पर्धेचे आयोजन करण्यात आले होते यामध्ये “देव स्वयंभू” संघाने बाजी मारत भव्य चषकावर आपले नाव कोरले तर धारेश्वर फायटर संघाला उपविजेता चषकावर समाधान मानावे लागले.

घोटगे कब्बडी लीग स्पर्धेत सुहास दळवी यांचा सातेरी वारियर्स संघ,सुमित दळवी राजू दळवी यांचा देव स्वयंभू संघ,अनिरुद्ध दळवी गोपाळ पंडित यांचा धारेश्वर फायटर्स संघ,सचिन दळवी यांचा स्वयंभू फायटर्स संघ,तर कानू दळवी यांचा जय भवानी संघ अशा मालकीचे संघ सहभागी झाले होते.मुंबई पुणे तसेच इतर शहरातून आलेले गावातील चाकरमनी या भव्य दिव्य स्पर्धेत सहभागी झाले होते.चार संघांनी उपांत्य फेरीत प्रवेश केला,तर अंतिम सामन्यात देव स्वयंभू आणि धारेश्वर फायटर्स संघांनी प्रवेश केला यामध्ये देव स्वयंभू संघाने बाजी मारत घोटगे कब्बडी लीग च्या चषकावर आपले नाव कोरले.विजेत्या व उपविजेत्या संघाला रोख रक्कम व चषक देऊन सन्मानित करण्यात आले.संपूर्ण स्पर्धेत राज्य पंच जनार्दन पाटील, प्रदीप गावडे, स्वप्नील महाले, जानू पाटील, संतोषी करमळकर, शुभम कोरगावकर यांनी काम पाहिले तर गुणलेखनाचे काम प्रसाद देसाई यांनी तर समालोचन तुकाराम दळवी यांनी केले.

कब्बडी स्पर्धेच्या उद्घाटन प्रसंगी मा.जि.प शिक्षण व आरोग्य सभापती डॉ अनिशा दळवी, देवाजकारी संजय दळवी, जेष्ठ नागरिक सुरेश दळवी, राज्यस्तरीय शूटिंगबॉल खेळाडूं संतोष परब, विजय दळवी, सुशांत दळवी,आदी ग्रामस्थ उपस्थित होते.सर्वेश दळवी,सोनू गवस,आकाश गवस,राजाराम दळवी,राघोबा दळवी,रजत दळवी,सुरज दळवी,अक्षय दळवी,सर्वेश गवस,संकेश नाईक यांनी विशेष मेहनत घेतली. कार्यक्रमाचे सूत्रसंचालन सुमित दळवी यांनी केले तर आभार सचिन दळवी यांनी मानले.

*_……………..सविस्तर बातमीसाठी खालील लिंकवर क्लिक करा…._*