🛑दाणोली परिसरातील सीसीटीव्ही कॅमेरे गायब!

*🛑दाणोली परिसरातील सीसीटीव्ही कॅमेरे गायब!*

 

*🛑लाखो रुपयांची यंत्रणा धूळखात की चोरीला? पोलिसांच्या तपासाला अडथळे; जबाबदारी निश्चित करण्याची ग्रामस्थांची मागणी!*

 

*🎥 KOKAN LIVE BREAKING ||NEWS CHANNEL*

 

*✍️ प्रतिनिधी : त्रिविक्रम सावंत*

 

*🎴सावंतवाडी, दि- ०४:-* गुन्हेगारी घटनांवर नियंत्रण ठेवण्यासाठी आणि पोलिसांना तपासात मदत व्हावी या उद्देशाने जिल्हा वार्षिक निधीतून २०२०-२१ मध्ये दाणोली परिसरातील सातुळी फाटा, श्री साटम महाराज समाधी मंदिर आणि केसरी फाटा येथे बसविण्यात आलेले सीसीटीव्ही कॅमेरे गायब झाल्याचा धक्कादायक प्रकार समोर आला आहे. विशेष म्हणजे, काही ठिकाणी केवळ खांब शिल्लक असून, काही ठिकाणी कॅमेऱ्यांच्या वायर कापलेल्या आहेत. त्यामुळे या सीसीटीव्ही यंत्रणेची देखभाल आणि सुरक्षिततेची जबाबदारी नेमकी कोणाकडे होती, असा प्रश्न उपस्थित होत आहे.

जिल्हा वार्षिक निधीतून २०२०-२१ साली या प्रमुख ठिकाणी सीसीटीव्ही यंत्रणा उभारण्यात आली होती. मात्र, आज या यंत्रणेची अवस्था अत्यंत दयनीय झाली आहे. श्री साटम महाराज समाधी मंदिर परिसरात सीसीटीव्हीचा स्टोरेज बॉक्स आजही अस्तित्वात आहे; मात्र त्याला जोडलेल्या वायर कापण्यात आल्या आहेत. सातुळी फाटा येथे सीसीटीव्ही बसविण्यात आलेला खांब शिल्लक असून त्यावरील कॅमेरे गायब आहेत. तर केसरी फाटा येथे कॅमेऱ्यांसह खांबही गायब झाल्याचे चित्र आहे. मंदिर परिसरातील सीसीटीव्ही कॅमेरेही दिसेनासे झाले आहेत.

ही सीसीटीव्ही यंत्रणा नेमकी कधी गायब झाली? ती चोरीला गेली की अन्य कारणाने काढण्यात आली? याबाबत कोणतीही ठोस माहिती समोर आलेली नाही. विशेष म्हणजे, साटम महाराज समाधी मंदिर परिसरातील स्टोरेज बॉक्सवर महाराष्ट्र पोलिसांचे स्टीकर लावण्यात आलेले आहे. त्यामुळे या यंत्रणेची जबाबदारी पोलीस विभागाकडे होती का, तसेच तिच्या देखभालीसाठी कोणाची नियुक्ती करण्यात आली होती, याची चौकशी होणे आवश्यक आहे.

गेल्या काही काळात दाणोली दशक्रोशीमध्ये चोरीच्या घटनांमध्ये वाढ झाली आहे. या घटनांचा छडा लावण्यासाठी सावंतवाडी पोलिसांनी अत्यंत शिताफीने तपास करत चोरट्यांचा शोध घेतला आहे. मात्र, परिसरातील प्रमुख चौकांमध्ये शासकीय निधीतून बसविण्यात आलेली सीसीटीव्ही यंत्रणाच बंद अथवा गायब असल्याने पोलिसांना गुन्ह्यांचा तपास करताना खासगी आस्थापना आणि घरांमधील सीसीटीव्ही फुटेजवर अवलंबून राहावे लागत आहे. यामुळे तपासात अनेक अडचणी निर्माण होत आहेत.

संकेश्वर-वेंगुर्ला हा प्रमुख महामार्ग असल्याने या मार्गावरून दिवस-रात्र मोठ्या प्रमाणात वाहनांची वर्दळ असते. तसेच देवसू-नागझरी येथून कलंबिस्तकडे जाणाऱ्या जिल्हा मार्गावरही मोठ्या प्रमाणात वाहतूक सुरू असते. त्यामुळे या मार्गांवरील प्रमुख चौक आणि फाट्यांवर सीसीटीव्ही यंत्रणा कार्यान्वित असणे अत्यंत आवश्यक आहे.

एखादी चोरी, अपघात किंवा अन्य गुन्हेगारी घटना घडल्यास सीसीटीव्ही फुटेजच्या माध्यमातून संशयित वाहने, व्यक्ती आणि त्यांच्या हालचालींचा मागोवा घेणे पोलिसांना शक्य होते. त्यामुळे ही यंत्रणा केवळ शोभेची वस्तू न राहता प्रत्यक्ष कार्यान्वित असणे गरजेचे आहे.

शासकीय निधीतून लाखो रुपये खर्च करून उभारण्यात आलेली सीसीटीव्ही यंत्रणा आज गायब होण्याची वेळ आली असेल, तर याला जबाबदार कोण? या यंत्रणेची देखभाल कोणी केली? कॅमेरे काढण्यात आले असतील तर ते कोणाच्या आदेशाने? आणि चोरी झाली असेल तर त्याबाबत तक्रार दाखल करण्यात आली आहे का? या प्रश्नांची उत्तरे जनतेला मिळणे आवश्यक आहे.

संबंधित सीसीटीव्ही यंत्रणा गायब होण्यामागील सत्य शोधून काढावे, जबाबदारी निश्चित करावी आणि सातुळी फाटा, साटम महाराज मंदिर व केसरी फाटा येथे नव्याने आधुनिक सीसीटीव्ही यंत्रणा कार्यान्वित करावी, अशी मागणी दाणोली दशक्रोशीतील नागरिकांमधून होत आहे. स्थानिक लोकप्रतिनिधींनीही या विषयाचा गांभीर्याने पाठपुरावा करून पोलीस प्रशासन आणि संबंधित विभागाकडून तातडीने कार्यवाही करून घ्यावी,अशी अपेक्षा व्यक्त होत आहे.

*सविस्तर बातमीसाठी खालील लिंक वर क्लिक करा…….👇👇👇👇*

 

 

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

*🖥️ कोकण लाईव्ह ब्रेकिंग*

_अचूक बातमी थेट हल्ला_