कोकिसरे सोसायटी वर शिवसेना व महाविकास आघाडी प्रणित श्री महालक्ष्मी ग्राम विकास आघाडी पॅनेलचे वर्चस्व
१३ पैकी ९ जागांवर शिवसेना व महाविकास आघाडी प्रणित श्री महालक्ष्मी ग्राम विकास आघाडी उमेदवार विजयी
*कोकीसरे सोसायटीच्या निवडणुकीत भाजपा प्रणित पॅनलचा धुव्वा उडवित १३ पैकी ९ जागा शिवसेना व महाविकास आघाडी प्रणितश्री महालक्ष्मी ग्राम विकास आघाडीने जिंकल्या आहेत. अत्यंत चुरशीने झालेल्या या निवडणुकीत कर्जदार गटातील रवींद्र कानेटकर, चंद्रकांत आम्रसकर, दिलीप नारकर, मधुकर पाटेकर, महिला प्रतिनिधी गटातून संजना नारकर, उषा शेलार, ओबीसी गटातून राजाराम गडकर, मागास गटातून भालचंद्र जाधव, एन. टी. गटातून संजय गजोबार हे विजयी झाले आहेत. या विजया करिता शिवसेना व महाविकास आघाडी प्रणित श्री महालक्ष्मी ग्राम विकास आघाडी पॅनेलच्या वतीने निवडून आलेल्या सर्व संचालकांचे माजी जिल्हा बँक अध्यक्ष, शिवसेना नेते सतिश सावंत, तालुकाप्रमुख मंगेश लोके, उपजिल्हाप्रमुख नंदू शिंदे, माजी जिल्हा बँक संचालक दिगंबर पाटील यांनी अभिनंदन केले. यावेळी माजी नगराध्यक्ष रवींद्र रावराणे, नगरसेवक प्रदीप रावराणे, संभाजी रावराणे, कोकीसरे ग्रामस्थ आदी शिवसेना पदाधिकारी, शिवसैनिक, कार्यकर्ते उपस्थित होते. वैभववाडी शिवसेना कार्यालयात निवडून आलेल्या सर्व संचालकांचा माजी जिल्हा बँक अध्यक्ष सतिश सावंत यांच्या हस्ते सत्कार करण्यात आला.
