🛑 प्रत्येक गावच्या सर्वांगीण विकासासाठी आम्ही प्रयत्नशील राहू ; नासीर काझी

October 18, 2021 Pratik Rane

_*🛑 श्री. गांगेश्वर विद्या मंदिर प्रशालेच्या दोन वर्गखोल्या दुरुस्ती कामाचा शुभारंभ..*_

*🎥 कोकण लाईव्ह ब्रेकिंग न्यूज*

_अचुक बातमी थेट हल्ला_

*✍️ प्रतिनिधी : संजय शेळके*

*🎴वैभववाडी, दि-१८ :-* गावात दर्जेदार शैक्षणिक सुविधा निर्माण करणे हे प्रत्येक जबाबदार लोकप्रतिनिधीचे काम आहे. गावातील ज्ञान मंदिरे सर्व सुविधायुक्त असली पाहिजे. माजी मुख्यमंत्री, केंद्रीय उद्योगमंत्री नारायण राणे यांचे जिल्ह्याच्या शैक्षणिक विकासात फार मोठे योगदान आहे. त्यांचे संस्कार आमच्या सारख्या कार्यकर्त्यांकडे आहेत. जे काम होणार असेल तेच जनतेला होणार असे सांगा, जनतेची फसवणूक होईल असे वागू नका, असे संस्कार आदरणीय राणे साहेब यांनी आम्हाला दिले आहेत. प्रत्येक गावच्या सर्वांगीण विकासासाठी आम्ही प्रयत्नशील राहू. असे प्रतिपादन वैभववाडी भाजपा अध्यक्ष नासीर काझी यांनी व्यक्त केले.

नापणे येथील श्री. गांगेश्वर विद्या मंदिर प्रशालेच्या दोन वर्गखोल्या दुरुस्ती कामाचा शुभारंभ श्री. काझी यांच्या हस्ते पार पडला. जिल्हा नियोजन मधून या वर्ग खोल्यांना सहा लाख निधी मंजूर करण्यात आला आहे. शुभारंभ प्रसंगी सभापती अक्षता डाफळे, उपसभापती अरविंद रावराणे, जि. प. सदस्य सुधीर नकाशे, बंड्या मांजरेकर, सरपंच जयप्रकाश यादव, शाळा व्यवस्थापन अध्यक्ष प्रदीप जैतापकर, उपसरपंच विजया सुर्वे, रोहिणी खांडेकर, चंद्रकांत बोडेकर, प्रकाश यादव, रमाकांत जैतापकर, हेमचंद काडगे, पांडुरंग पाटील, उमेश गुरव, संतोष यादव, सुर्यकांत यादव, नर गुरुजी, नारायण जैतापकर, नर हवालदार, रमेश गुरव, मुख्याध्यापक श्रीमती चव्हाण, ग्रामसेवक श्री. कांबळे, शाळेचे शिक्षक, अंगणवाडी सेविका व ग्रामस्थ मोठ्या संख्येने उपस्थित होते. यावेळी काझी म्हणाले, शाळा दुरुस्ती कामात पालकमंत्र्यांनी रडीचा डाव खेळला होता. सदर शाळेचे काम त्यांनी डावलले होते. परंतु जिल्हा परिषदच्या माध्यमातून शाळेचे काम मंजूर झाले आहे. गावातील नापणे मुख्‍य रस्‍ता ते कोकाटेवाडी रस्ता कामासाठी दहा लाखाचा निधी देण्यात आला असल्याचे काझी यांनी सांगितले.

यावेळी अक्षता डाफळे, अरविंद रावराणे, सुधीर नकाशे यांनी मनोगत व्यक्त केले. शाळा व्यवस्थापन समिती अध्यक्ष प्रदीप जैतापकर यांनी सर्व मान्यवरांचे पुष्पगुच्छ देऊन स्वागत केले. कार्यक्रम यशस्वीतेसाठी शाळा समिती सदस्य, पालक, शिक्षक व विद्यार्थी यांनी विशेष परिश्रम घेतले.

Leave a Reply