🛑 महामार्ग पोलिसांच्या प्राधिकरण व ठेकेदाराला सूचना..

_*🛑 अनावश्यक मिडल कट बंद करा..*_

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_

*✍️ प्रतिनिधी : सुनील आचरेकर*

*🎴सिंधुदुर्ग, दि-०५ :-* मुंबई-गोवा महामार्गावर चौपदरीकरणां अंतर्गत अनेक ठिकाणी स्थानिक लोकांच्या नेत्यांच्या मागणीनुसार जागोजागी ठेवण्यात आलेल्या मिडल कटमुळे महामार्गावर अपघाताचे प्रमाण वाढले आहे. त्यामुळे महामार्गावर अनावश्यक असलेले मिडल कट बंद करण्याच्या सूचना महामार्ग वाहतूक पोलीस मदत केंद्र ओसरगाव चे सहाय्यक पोलीस निरीक्षक अरुण जाधव यांनी महामार्ग प्राधिकरण व ठेकेदार कंपनीला केले आहेत .चौपदरीकरण करत असताना रस्त्याच्या मध्यभागी दुभाजकाला अनेक ठिकाणी छेद देत मागणी तसा पुरवठा या प्रमाणे मिडल कट ठेवण्यात आले आहेत .महामार्गाचे चौपदरीकरण झाल्यामुळे वाहनांचा प्रचंड वेग असताना या मिडल कट मधून अनेकदा वाहनचालक अचानक महामार्ग क्रॉस करत असल्याने वाहनांचे अपघात होऊन यात काही चे मृत्यू देखील झाले आहेत. तर अनेक वाहनांचे नुकसान होते .काहीजण कायमचे जायबंदी झाले आहेत .हे अपघाताचे प्रमाण सातत्याने वाढत आहे नियमानुसार ठराविक ठिकाणी मिडल कट ठेवण्याची तरतूद आहे .मात्र या तरतुदीला फाटा देत अगदी खारेपाटण ते झाराप पर्यंत अनेक ठिकाणी चुकीच्या पद्धतीने मिडल कट ठेवले गेले आहेत .महामार्ग वाहतूक पोलिसांकडून सूचना देऊनही यावर कोणतीच कारवाई अद्याप झालेली नाही. जानवली कणकवली पर्यंत ची संख्या विचारात घेतली तर जाणवली रतांबा ओहोळ ते जाणवली साकेडी फाट्यापर्यंत तब्बल दहा ठिकाणी मिडल कट ठेवण्यात आले आहेत जाणवली येथे तर अनेकदा या मिडल कट मुळे अपघात होत काहींचे मृत्यू झाले आहेत. त्यामुळे यासंदर्भात जिल्हा रस्ते सुरक्षा समिती महामार्ग पोलीस व जिल्हा वाहतूक शाखा यांच्यामार्फत दिलेल्या सूचनांचा महामार्ग प्राधिकरण व ठेकेदार कंपनीला विसर पडत असल्याने अनावश्यक मिडल कट काढण्याच्या सूचना देण्यात आले आहेत.