🛑 अखेर तब्बल दीड वर्षानंतर शाळेची घंटा पुन्हा खणाणली..

_*🛑 जि.प्र.प्राथमिक शाळा माडखोल नं १ मध्ये विद्यार्थ्यांचे औक्षण करून केली शाळेला सुरुवात..*_

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_

*✍️ प्रतिनिधी : प्रभाकर गावडे*

*🎴सावंतवाडी, दि-०५ :-*

कोरोना महामारी मुळे गेले दीड वर्ष बंद असलेल्या शाळांची आज अखेर घंटा खणाणली. माझा विद्यार्थी माझी जबाबदारी अभियानाअंतर्गत कोरोना चे नियम पाळुन आज अखेर शहरी भागात आठवी ते बारावी तर ग्रामीण भागात पाचवी ते बारावी चे वर्ग आज सोमवार दिनांक 04. 10.2021 पासून सुरु करण्यात आले. याचे औचित्य साधून जि. प्र. प्राथमिक शाळा माडखोल नंबर 1 मध्ये विद्यार्थ्यांचा प्रवेशोत्सव कार्यक्रम घेण्यात आला . विद्यार्थ्यांना ओवाळून व पुष्पगुच्छ देऊन त्यांचे स्वागत करण्यात आले. झाली झाली झाली , आमची शाळा सुरू झाली ” हे आनंददायी स्वलिखित गीत गायन करत केंद्रप्रमुख यांचे समवेत मुलेही आनंदाने उत्साही झाली.सर्वांनी या उपक्रमाचे कौतुक करून, शाळा कार्यास शुभेच्छा दिल्या.

ही केंद्रातील आदर्श प्रमुख शाळा बनविण्याचा संकल्पच यातून व्यक्त झाला. या कार्यक्रमाला माडखोल केंद्राचे केंद्रप्रमुख रामचंद्र वालावलकर सर , मुख्याध्यापक विशुधा विठ्ठल आजगावकर , शिक्षक वृंद रश्‍मी रविंद्र सावंत, प्रवीण विश्वास ठाकर, स्वप्नजा संदीप खानोलकर, दीपक सदाशिव पंडित तसेच शाळा व्यवस्थापन समिती अध्यक्ष आनंद सखाराम राऊळ, सदस्य पांडुरंग राऊळ, माडखोलकर गुरुजी, सामाजिक कार्यकर्ते लखन आडेलकर , आप्पा सावंत, दिनेश सावंत, अजित होडावडेकर, प्रकाश राऊळ आधी पालक उपस्थित होते.