🛑 निगुडे-सोनुर्ली-शेर्ले रस्त्यासंदर्भात उपअभियंता सार्वजनिक बांधकाम उपविभाग येथील उपोषण ठोस लेखी आश्वासनानंतर मागे..

*🎥 कोकण लाईव्ह ब्रेकिंग न्यूज*
_अचूक बातमी थेट हल्ला_

*✍️ प्रतिनिधी : प्रथमेश गावडे*

*🎴सिंधुदुर्ग, दि. ०५:-* निगुडे सरपंच समिर गावडे यांच्या नेतृत्वाखाली निगुडे-सोनुर्ली-शेर्ले रस्त्यासंदर्भात उपअभियंता सार्वजनिक बांधकाम उपविभाग क्रमांक १ सावंतवाडी याठिकाणी काल करण्यात आलेले उपोषण सदर विभागाच्या ठोस लेखी आश्वासनानंतर अवघ्या काही तासात स्थानिक लोकप्रतिनिधींच्या उपस्थितीत सोडण्यात आले.
जिल्ह्यात सावंतवाडी तालुक्यातील निगुडे-सोनुर्ली-शेर्ले रस्ता दुरुस्तीसाठी शासनाकडे प्रस्ताव पाठवण्यात आला आहे. तसेच सदर रस्त्याच्या दुतर्फा असणारी झाडी लवकरच तोडण्यात येईल, त्यासाठीचे अंदाजपत्रक येत्या डिसेंबर महिन्यामध्ये तयार करण्यात येणार आहे. त्या अंदाजपत्रकामध्ये जिल्हा खनिकर्म आणि पूरहानी या निधीतून रस्ता रुंदीकरण करण्यात येईल, असे लेखी आश्वासन सावंतवाडी उपअभियंता सार्वजनिक बांधकाम उपविभाग क्रमांक १ च्या अधिकाऱ्यांकडून देण्यात आल्यानंतर सरपंच समिर गावडे यांच्या नेतृत्वाखालील सोमवार दिनांक ४ ऑक्टोबर २०२१ रोजी करण्यात आलेले उपोषण दुपारी १.०० वाजण्याच्या सुमारास मागे घेण्यात आले. यावेळी उपअभियंता अनिल आवटी, शाखा अभियंता सुरेश पाटील, सावंतवाडी पंचायत समिती माजी उपसभापती महेश सारंग, रोणापाल सरपंच सुरेश गावडे, नाणोस सरपंच वासुदेव जोशी, सोनुर्ली सरपंच श्रीम. गुंजन हिराप, निगुडे उपसरपंच गुरुदास गवंडे, कोलगाव उपसरपंच दिनेश सारंग, निगुडे माजी सरपंच शांताराम गावडे, राष्ट्रवादी काँग्रेस महिला तालुकाध्यक्षा श्रीम. श्रद्धा परब, राष्ट्रवादीच्या अॅड. रेवती राणे, मनसे उपतालुकाध्यक्ष सुधीर राऊळ, मळगाव शाखा अध्यक्ष राकेश परब, संकेत गावडे, अरविंद नाईक, भगवान परब, गोविंद हिराप, संदीप राणे आदी उपस्थित होते.