🛑 “बूँद से गयी वो हौद से नहीं आती” ; डॉ जयेंद्र परुळेकर

🛑 भाजप राणेंच्या अटकेवर सहानुभूती मिळवण्याचा प्रयत्न करीत आहे..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रथमेश गावडे

🎴सावंतवाडी, दि-२५ :- काल केंद्रीय मंत्री नारायण राणे यांच्या महाराष्ट्र राज्याच्या सन्माननीय मुख्यमंत्र्यांना उद्देशून केलेल्या उद्दाम आणि अशोभनीय वक्तव्यामुळे त्यांना झालेल्या अटक आणि जामिन या राजकीय नाट्याचा आता भाजप कडून भावनिक बाजार मांडणे सुरू झालेलं दिसत आहे अशी टीका शिवसेना प्रवक्ते डॉ जयेंद्र परुळेकर यांनी केली आहे.

नारायण राणे यांची शुगर वाढली, ब्लड प्रेशर वाढलं, राणेंच्या हातातील जेवण हिसकावून घेतले वगैरे भावनिक बाबी सहानुभूतीची भिक मिळवण्यासाठी आता सांगितल्या जात आहेत. पण जनता सुज्ञ आणि सुजाण आहे.

कोण काय बोलले आणि कोणाचा अहंकार या सर्व प्रकाराला कारणीभूत आहे हे जनतेने पाहिलेले आहे असे परुळेकर यांनी म्हटले आहे

दुसरं म्हणजे न्यायालयाने काल जामीन मंजूर केला म्हणजे जणूकाही निर्दोष मुक्तताच केली अशा थाटात आज भाजप नेते बोलू लागलेले दिसत आहेत.

मुळात काल रात्री उशिरा महाड येथील न्यायालयाने नारायण राणे यांना खरंतर न्यायालयीन कोठडी सुनावली आणि मग प्रकृती अस्वास्थ्यामुळे सशर्त जामीन मंजूर केलेला आहे.

त्याचप्रमाणे एखाद्या सामान्य गुन्हेगाराप्रमाणे त्यांना पुढील दोन सोमवारी रायगड पोलिसांसमोर हजेरी लावण्याचे आदेश दिलेले आहेत.तसेच यापुढे बोलताना तुम्ही “तोंड सांभाळून बोला” ही सक्त ताकीद न्यायालयाकडून देण्यात आलेली आहे असे डॉ परुळेकर म्हणाले.

त्यामुळे एखाद्या केंद्रीय मंत्रीपदी असलेल्या व्यक्ती साठी हे फारच लांच्छनास्पद आहे. त्या संविधानात्मक पदाची गरीमा तुम्ही राखली नाही याचं हे द्योतक आहे.

भाजप नेत्यांनी आता कितीही प्रयत्न केले तरी

“बूँद से गयी वो हौद से नहीं आती”

हे लक्षात ठेवावे असे शिवसेना प्रवक्ते डॉ जयेंद्र परुळेकर यांनी प्रसिद्धीस दिलेल्या पत्रकात म्हटले आहे.