🛑 जमीन व्यवहारांचा हिशेब कागदपत्रांनीच द्या! राजकीय आरोप-प्रत्यारोपांपेक्षा चौकशी महत्त्वाची

🛑 सासोलीपासून संपूर्ण सिंधुदुर्गातील व्यवहारांची पारदर्शक तपासणी झालीच पाहिजे

🛑 पालकमंत्री नितेश राणे यांच्या नावाने टाहो फोडणे चुकीचे

🎥 KOKAN LIVE BREAKING || NEWS CHANNEL

✍ संपादकीय : सीताराम गावडे

🎴सिंधुदुर्ग, दि-२९ :- सिंधुदुर्गातील जमीन व्यवहारांचा प्रश्न आता केवळ सासोलीपुरता राहिलेला नाही. दोडामार्ग, सावंतवाडी, वेंगुर्ला, कुडाळ, मालवण, कणकवली, देवगड आणि अन्य भागांतील जमीन खरेदी-विक्री व्यवहारांची गेल्या काही वर्षांची वस्तुनिष्ठ तपासणी व्हावी, ही मागणी सातत्याने पुढे येत आहे. विशेष म्हणजे काही प्रकरणांमध्ये शेतकरी नसलेल्या व्यक्तींनी जमीन खरेदी केल्याच्या आरोपांची चौकशी प्रशासनाच्या पातळीवर सुरू आहे.

या पार्श्वभूमीवर एक मूलभूत प्रश्न उपस्थित होतो—जमीन व्यवहारांची चौकशी व्हायची की त्या चौकशीचे राजकीय भांडवल करायचे? आमची भूमिका सुरुवातीपासून स्पष्ट आहे. चौकशी झाली पाहिजे. ती कोणत्याही पक्षाच्या व्यक्तीला लक्ष्य करण्यासाठी नव्हे, तर जमीन कायदे, कुळवहिवाट कायदा, शेतकरी पात्रता, सातबारा नोंदी, परवानग्या, स्टॅम्प ड्युटी, अकृषिक परवानग्या आणि प्रत्यक्ष जमीन वापर यांचा कायदेशीर ताळेबंद तपासण्यासाठी झाली पाहिजे. कालक्रम समजून घेणेही तितकेच महत्त्वाचे!

पालकमंत्र्यांचे नाव जोडणे योग्य आहे का?

सासोलीसह जिल्ह्यातील अनेक जमीन व्यवहार हे एका-दोन वर्षांत अचानक निर्माण झालेले नाहीत. त्यामुळे एखाद्या विद्यमान पदाधिकाऱ्याचे किंवा पालकमंत्र्याचे नाव केवळ राजकीय आरोपांच्या आधारे एखाद्या जुन्या व्यवहाराशी जोडणे योग्य आहे का, हा प्रश्न तपासला पाहिजे.आज कोणत्या व्यक्तीकडे कोणते पद आहे, यापेक्षा ज्या कालावधीत संबंधित व्यवहार झाले त्या वेळी निर्णय घेणारे प्रशासकीय अधिकारी कोण होते, संबंधित परवानग्या कोणी दिल्या, दस्तनोंदणी कशी झाली आणि त्या व्यवहारांमध्ये कायदेशीर प्रक्रिया पाळली गेली का, हे तपासणे अधिक महत्त्वाचे आहे.

खासदार संजय राऊत यांचे आरोप कोणत्या तथ्याच्या आधारे

खासदार संजय राऊत यांनी सिंधुदुर्गातील जमीन व्यवहारांबाबत गंभीर आरोप केले असून, ९०० कोटी रुपयांच्या व्यवहाराचा दावा केल्याचे वृत्त प्रसिद्ध झाले आहे. त्यावर मंत्री नितेश राणे यांनीही प्रतिक्रिया देत चौकशी सुरू असल्याचे सांगून अहवाल हिवाळी अधिवेशनात जाहीर झाल्यावर खासदार संजय राऊत तोंडावर पडतील असे म्हटले आहे. मात्र हे आरोप आणि त्यावरील प्रत्यारोप अंतिम निष्कर्ष नाहीत; चौकशीचा अहवालच वस्तुनिष्ठ चित्र स्पष्ट करू शकतो.

म्हणूनच आरोप करणाऱ्यांनी पुरावे द्यावेत.

अंतिम निर्णय कागदपत्रे आणि कायदा यांनीच घ्यावा.

‘द ओरिजिन’ असो वा अन्य व्यवहार—नियम सर्वांसाठी समान!

सासोलीतील ‘द ओरिजिन’ प्रकल्पाभोवती निर्माण झालेले प्रश्नही याच चौकटीत तपासले पाहिजेत. प्रकल्पाच्या जमिनीचे क्षेत्रफळ, मालकी हक्क, महसूल नोंदी, परवानग्या, जमीन वापरातील बदल आणि प्रत्यक्ष व्यवहार यांचा स्वतंत्र व पारदर्शक ताळमेळ आवश्यक आहे.

सासोली प्रकरणाच्या पार्श्वभूमीवर कोकण विभागीय आयुक्तांच्या अध्यक्षतेखाली समितीमार्फत चौकशी होत आहे.

मग प्रश्न एकच—चौकशीचा अहवाल काय सांगतो?

जर व्यवहार कायदेशीर असतील तर संबंधितांना क्लीन चिट मिळायला हवी. आणि जर नियमभंग, बनावट कागदपत्रे, चुकीचे शेतकरी दाखले किंवा इतर अनियमितता आढळल्या तर दोषींवर कायदेशीर कारवाई झाली पाहिजे.

‘हा दलाल म्हणजे जिथे सत्ता तिथे भक्ती’

जिथे सत्ता तिथे भक्ती ही संस्कृती संपवायची असेल तर…

जमीन व्यवहार करणाऱ्या व्यक्तीचे कोणत्या पक्षाच्या नेत्यांशी संबंध आहेत, कोणत्या नेत्यासोबत फोटो आहेत किंवा कोणत्या राजकीय छत्राखाली तो दिसतो, यापेक्षा त्याने केलेला व्यवहार कायदेशीर आहे का, हा मुख्य प्रश्न आहे.

एखादा जमीन दलाल अनेक राजकीय नेत्यांशी संपर्क ठेवतो म्हणून त्या प्रत्येक नेत्याला त्या व्यवहाराचा भागीदार ठरवणे हा न्यायाचा मार्ग नाही. त्याचप्रमाणे एखाद्या नेत्याशी जवळीक असल्याचे छायाचित्र किंवा राजकीय व्यासपीठावरील उपस्थिती ही स्वतःहून गैरव्यवहाराचा पुरावा ठरत नाही.

पुरावा हवा—संबंधांचे राजकारण नको!

पालकमंत्र्यांचे नाव जोडण्याआधी कालक्रम तपासानितेश राणे यांचे नाव या प्रकरणाशी जोडताना सर्वप्रथम संबंधित व्यवहारांची तारीख, त्यावेळची प्रशासकीय परिस्थिती आणि त्यांच्या प्रत्यक्ष भूमिकेचे पुरावे समोर ठेवले पाहिजेत.जर एखाद्या व्यवहारात त्यांची प्रत्यक्ष प्रशासकीय, आर्थिक किंवा कायदेशीर भूमिका असल्याचा पुरावा असेल तर तो चौकशीसमोर यायला हवा. परंतु केवळ ते सध्या सिंधुदुर्गचे पालकमंत्री आहेत म्हणून पूर्वीच्या सर्व जमीन व्यवहारांशी त्यांचा संबंध जोडणे हा तथ्याधारित चौकशीचा पर्याय होऊ शकत नाही.त्याचवेळी, कोणत्याही राजकीय व्यक्तीला केवळ पदाच्या आधारावर चौकशीपासून सूटही असता कामा नये. कायदा सर्वांसाठी समान असला पाहिजे.

आता दूध का दूध, पाणी का पाणी!

सिंधुदुर्गच्या जमिनीचा प्रश्न हा पक्षीय राजकारणापेक्षा मोठा आहे. ही जमीन स्थानिक शेतकऱ्यांची, ग्रामस्थांची आणि पुढच्या पिढ्यांची आहे.त्यामुळे आमची मागणी स्पष्ट आहे—दोडामार्ग-सासोलीपासून सावंतवाडी, वेंगुर्ला, कुडाळ, मालवण, कणकवली आणि देवगडपर्यंत मागील काही वर्षांतील संशयास्पद जमीन व्यवहारांची पारदर्शक तपासणी झाली पाहिजे.

प्रत्येक व्यवहाराची तारीख तपासा.

प्रत्येक सातबारा तपासा.

प्रत्येक शेतकरी दाखला तपासा.

प्रत्येक परवानगी तपासा.

प्रत्येक खरेदीदाराची पात्रता तपासा.आणि सर्वांत महत्त्वाचे म्हणजे—जमिनीचा प्रत्यक्ष वापर तपासा.

जर व्यवहार नियमबाह्य असतील तर ते रद्द करण्याची कायदेशीर प्रक्रिया सुरू झाली पाहिजे. जर व्यवहार कायदेशीर असतील तर संशयाचे ढगही दूर झाले पाहिजेत.राजकारण कोणाचेही असो; जमीन कोणाचीही असो; आरोपी कोणताही असो—सत्य एकच असले पाहिजे आणि ते कागदपत्रांतूनच बाहेर आले पाहिजे.

आज गरज आहे ती कोणाची पाठराखण करण्याची नव्हे, तर चौकशीच्या प्रक्रियेची पाठराखण करण्याची!आणि चौकशीचा अहवाल आल्यानंतर श्रेय घेण्यासाठी धावपळ करण्यापेक्षा, अहवाल जनतेसमोर ठेवून त्यातील प्रत्येक निष्कर्षाची जबाबदारी स्वीकारण्याची राजकीय प्रामाणिकता दाखवणे अधिक महत्त्वाचे ठरेल.

सिंधुदुर्गच्या जमिनीचा फैसला राजकीय व्यासपीठावर नव्हे—कागदपत्रे, कायदा आणि अधिकृत चौकशीच्या अहवालावरच झाला पाहिजे.

_________________________

*❇️कोकण लाईव्ह ब्रेकिंग न्यूज चॅनेल च्या व्हाट्सअँप ग्रुप मध्ये सामील होण्यासाठी खालील लिंक वर क्लिक करा*

 

https://chat.whatsapp.com/GX6edZZhJPuIF8DertMr8J

——————————–

 

💡💡 *लाईट बिल जास्त येते ?* 💡💡

🌠🌠 *सौर उर्जेची वीज निर्मिती कमी झाली?* 🌠🌠

🥰 *काळजी करु नका, आम्ही तुमचं वीज बील भरू !* 😊

 

🤷🏻‍♀️🤷🏻‍♀️🤷🏻‍♀️ *महाराष्ट्रात प्रथमच* 🤷🏻‍♀️🤷🏻‍♀️🤷🏻‍♀️

 

🌞🌞 *पीएम सुर्यघर मोफत वीज योजना* 🌞🌞

 

श्रीराम बोअरवेल प्रस्तुत,

☀️☀️ *श्रीराम सोलर, सावंतवाडी* ☀️☀️

 

🛣️नवीन शिरोडा नाका, माजगाव रोड, सावंतवाडी. पिन – ४१६ ५१०

 

👉👉आमची हमी 🤷🏻‍♀️

 

जर सोलरने कमी युनिट मिळाली, तर उरलेली प्रती युनिट रक्कम थेट MSEB खात्यात जमा करू !

 

🎪☀️ *आमचे लक्ष “घरोघरी मोफत बिजली !”* 🌞🎪

 

☀️💫 *घरगुती सबसिडी ON-GRID* 🌞💫

 

🌞१ किलोवॅट ३०,०००/-

 

🌞२ किलोवॅट ६०,०००/-

 

🌞३ किलोवॅट पासून पुढे ७८,०००/-

 

🎪☀️ *अपार्टमेंट / सोसायटी सबसिडी* 🎪☀️

 

💫₹18,000/- प्रती किलोवॅट

 

💫कमास ५०० ₹90,00,000

 

☀️🌞 *आपण सोलर कुठे बसवू शकता?* ☀️🌞

 

🏘️ घर / अपार्टमेंट

🏬 शाळा / कॉलेज

🏢 हॉटेल

🏭 कंपनी / ऑफीस

🏥 हॉस्पीटल

⛺ नर्सरी

सर्व ठिकाणी सोलर बसवू शकता !

 

🤷🏻‍♀️🤷🏻‍♀️तर आजच अधिक माहितीसाठी आवश्य संपर्क साधा

 

📱0888 999 8824

📱0777 592 1004

 

☀️🌞☀️🌞☀️🌞☀️🌞☀️🌞☀️🌞☀️

________________________________

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल 👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Posts by LiveKokan

 

 

*🖥️ कोकण लाईव्ह ब्रेकिंग*

_अचूक बातमी थेट हल्ला_