🛑 माठेवाड्यातील धबधबा ठरतोय तळीरामांचा अड्डा ; पोलिस प्रशासनाचे मात्र दुर्लक्ष..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ ब्युरो न्यूज : कोकण लाईव्ह ब्रेकिंग

🎴सावंतवाडी,दि-१४ :- सावंतवाडी शहर हे निसर्ग सौंदर्याने नटलेले शहर आहे अनेक पर्यटक सुद्धा आपल्या सावंतवाडी शहराला आवर्जून भेट देतात.सावंतवाडी शहरात माठेवाडा येथे प्रसिद्ध असा धबधबा आहे ह्या धबधब्यावर अनेकजण आनंद लुटण्यासाठी येत असतात त्या मध्ये महिला वर्ग, लहान मुले सुद्धा ह्या धबधब्यावर येत असतात मात्र हल्ली हा धबधबा म्हणजे तळीरामांचा अड्डा बनला आहे.धबधब्याच्या त्या परिसरात भयंकर दारुच्या रिकाम्या बाटल्यांचा खच पडलेला आहे त्या ठिकाणी सुट्टीच्या दिवशी अनेक लोक येऊन दारुच्या पार्ट्या करण्यासाठी सुद्धा त्या जागेचा वापर करत असल्याचे दिसून येत आहे.सुट्टीच्या दिवशी दारु पिऊन धिंगाणा घातला जातो तर कधीतरी मारामाऱ्या सुद्धा होत असतात ह्याचा त्रास हा स्थानिक लोकांना होत आहे.मात्र अशा वेळी याठिकाणी धबधब्यावर येणाऱ्या महिला ह्यांनापण धोका संभवतो आहे त्या ठिकाणी कोणताही गैरप्रकार घडल्यास कोण जवाबदार असा सवाल स्थानिक करत आहे. त्या ठिकाणी अवैध धंदे करणारे सुद्धा त्या ठिकाणी आपली दादागिरी करत असल्याच्या तक्रारी होत आहे.याबाबत सावंतवाडी नगरपालिका तसेच सावंतवाडीतील पोलिस ह्यांनी वेळीच लक्ष दिले पाहीजे अन्यथा त्या ठिकाणी गैरप्रकार घडू शकतो हे मात्र निश्चित आहे.विशेषत्वाने पोलिसांनी त्या ठिकाणी लक्ष घालणे गरजेचे असून असे अवैध धंदे करणारे लोक दडपशाही करत असतील आणि पोलिस प्रशासन काहीच करत नसेल तर सर्वसामान्य लोकांनी करायच काय हा प्रश्न निर्माण होत आहे…