🛑 साटेली -भेडशी केंद्रशाळेच्या शौचालयाचे काम बोगस..

🛑 शाळा व्यवस्थापन समिती अध्यक्ष यशवंत धर्णे यांनी केली होती सखोल चौकशीची मागणी..

🛑 चार महीने उलटून देखिल अधिकारी वर्ग सुस्त ; अधिकारी आणि ठेकेदार यांचे साटेलोटे ; यशवंत धर्णे

🛑 लवकरात लवकर सखोल चौकशी न झाल्यास २ ऑक्टोबर रोजी पं.स दोडामार्ग समोर उपोषण..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रतिक राणे

🎴दोडामार्ग, दि-१४ :- साटेली-भेडशी केंद्र शाळेच्या शौचालयाच्या दुरूस्ती कामासाठी १४ वा वित्त आयोग अंतर्गत प्रस्तावित होते. २,२६,७२४ रूपये येवढी रक्कम या कामासाठी मंजूर करण्यात आली होती.

या कामाच्या अंदाज पत्रकात म्हटल्याप्रमाणे तेथे तसे कोणत्याही प्रकारचे व्यवस्थीत रित्या काम झालेले नाही. सर्व शौचालयाचे काम हे निकृष्ट दर्जाचे झालेले आहे. तसेच या कामाचे ठेकेदार म्हणून स्वप्नील रामा धर्णे यांचे नाव असून ते स्वतः या कामा दरम्यान प्रत्यक्षात तेथे हजर नव्हते तर ठेकेदार म्हणून तेथे प्रकाश कदम यांनी तेथे सर्व बोगस काम केले आहे.

या झालेल्या बोगस कामाची सखोल चौकशी व्हावी यासाठी शाळा व्यवस्थापन समिती अध्यक्ष यशवंत धर्णे यांनी ३१ मार्च २०२१ रोजी गटविकास अधिकाऱ्यांची भेट घेत लेखी निवेदना द्वारे या बोगस कामाची सखोल चौकशीची मागणी केली होती.परंतु अद्याप पर्यंत या बोगस कामाची चौकशी झालेली नाही.चार महिने उलटून देखील अधिकारी वर्ग सुस्त का? असा सवाल त्यांनी कोकण लाईव्ह ब्रेकिंगशी बोलताना केला.अधिकारी आणि ठेकेदार यांचे साटेलोटे आहेत असा आरोप देखील त्यांनी केला.या प्रकरणाची लवकरात लवकर सखोल चौकशी न झाल्यास २ ऑक्टोबर रोजी भारताचे राष्ट्रपिता महात्मा गांधी यांच्या जयंतीला पंचायत समिती दोडामार्ग समोर उपोषणाला बसणार असल्याचे यशवंत धर्णे यांनी सांगितले आहे.