🛑 साटेली-भेडशीत रखडलेल्या क्रीडा संकुल साठी जय भोसले करणार उपोषण..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रतिक राणे

🎴दोडामार्ग, दि-१४ :- हक्काची जागा भूसंपादन करूनही दोडामार्ग तालुक्यातील साटेली-भेडशी येथील प्रस्तावित क्रीडा संकुलाचे काम गेले दोन-तीन वर्षे रखडले आहे. यामुळे क्रीडाप्रेमी जय भोसले यांनी आता आक्रमक पवित्रा घेतला आहे.

१५ ऑगस्ट ला ते उपोषणाला बसणार आहेत.

खूप झालं आता, नागरिकांनी हक्काच्या मागण्यांसाठी उपाशी राहून, उन्हा पावसात भिजून आंदोलन करायची आणि सरकारी बाबूंनी तेवढ्यापुरते आश्वासन देऊन वेळ मारून न्यायची. मात्र जय भोसले यांनी आता हा विषय मार्गी लावण्याचा ठोस निर्णय घेतला आहे. साटेली भेडशीत क्रिडा संकुल जागा भूसंपादन करूनही अद्याप त्या ठिकाणी कोणतीही पुढील प्रक्रिया न राबवल्याने हे क्रीडा संकुल कधी होणार असा सवाल उपस्थित केला आहे. संबंधित विभागाकडून याबाबत केवळ आश्वासने देऊन बोळवण केली जात असल्याने येत्या स्वातंत्र्यदिनी जिल्हा क्रिकेट कॉमेंटरेटर असोसिएशन जिल्हाध्यक्ष तथा पत्रकार जय भोसले यांनी उपोषण करण्याचा इशारा दिला आहे. याबाबतचे निवेदन त्यांनी नुकतेच जिल्हा क्रीडा अधिकारी विजय शिंदे यांना दिले आहे.